ایمز ٹی وی(بیجنگ) چین نے بحر ہند میں بھارتی سمندری حدود کے قریب سمندر کی تہہ میں کھدائی کرکے قیمتی دھاتیں اور عناصر نکالنے کا کام شروع کر دیا ہے۔ اپنی سمندری حدود کے قریب اس طرح کی سرگرمیوں نے بھارت کو پریشان کر دیا ہے۔ چین کی زیر آب کھدائی کرنے والی میشن بحر ہند کے شمال مغربی علاقے میں 3117 میٹر کی گہرائی میں کھدائی کر رہی ہے۔ مشن کے فیلڈ کمانڈر یو ہونگ جون کا کہنا ہے کہ کھدائی کے نتیجے میں مختلف اقسام کے قیمتی عناصر جیسا کہ 4.2 کلوگرام سلفائیڈ، 18.7 کلوگرام بیسالٹ اور 16 لٹر گہرے سمندر کا پانی نکالے ہیں اور ساتھ ہی زیر آب کھدائی کرنے والی مشین کے مختلف سسٹمز کا بھی جائزہ لیا ہے۔ اس مہم مین شامل ایک سائنسدان ہان ڑی کیو کا کہنا ہے کہ اس مہم کے بعد آئندہ مہمات میں علاقے میں پائی جانے والی قیمتی دھاتوں اور عناصر کے متعلق ایک وسیع پلان کے ساتھ تلاش کا کام کیا جائے گا۔ واضح رہے کہ ہان ژی کیو سمندر کی سب سے گہرے مقام ماریانا ٹرینچ تک جا چکے ہیں۔ چین نے سمندر کی گہرائی تک رسائی کی ٹیکنالوجی حاصل کر لی ہے جس کے بعد امکانات ظاہر کیے جا رہے ہیں کہ جلد ہی چین سمندروں کی گہرائیوں میں قیمتی عناصر اور دھاتوں کی تلاش کا کام شروع کر دے گا۔ چین پہلے ہی بین الاقوامی سمندری حدود میں 2011ءمیں کھدائی کا کنٹریکٹ حاصل کر چکا ہے
ایمز ٹی وی (نئی دہلی) بھارت میں نااہل ڈاکٹر کی جانب سے ایک خاتون کو موت کا سرٹیفیکیٹ جاری ہونے کے بعد زندہ جلا دیا گیا۔ بھارتی میڈیا کے مطابق بھارتی شہر نوائیڈہ کی رہائشی ایک خاتون کو پھیھٹروں میں انفیکشن کے باعث شردھا ہسپتال میں داخل کرایا گیا جہاں ڈاکٹروں نے ڈیتھ سرٹیفیکیٹ اس کے شوہر کو دے دیا۔ خاتون کے بھائی کو اپنی بہن کی موت پر شبہ گزرا اس نے فوری طور پر علی گڑھ پولیس سے رابطہ کیا۔ تاہم پولیس جب خاتون کی آخری رسومات کو رکوانے کے لئے پہنچی تو اس وقت تک اس کے جسم کا ستر فیصد حصہ جل چکا تھا۔ بعدازاں ڈاکٹروں کا دو رکنی پینل تشکیل دیا گیا جنہوں نے اس بات کی تصدیق کی کہ خاتون کی موت بیماری سے نہیں بلکہ جلنے سے ہوئی۔ پولیس نے مقدمہ درج کر کے واقعہ کی تحقیقات شروع کر دی۔
ایمز ٹی وی (تعلیم/لاہور ) وزیراعلیٰ پنجاب شہباز شریف نے ٹکٹوں کا کوٹہ دانش اسکول کے بچوں میں بانٹ دیا ہے۔ تفصیلات کے مطابق وزیراعلیٰ پنجاب کی جانب سے ٹکٹوں کا کوٹہ ملنے پر دانش اسکول کے 25 بچے لاہور میں ہونے والا فائنل میچ دیکھیں گے ۔ جبکہ 8 بہترین اساتذہ بھی حکومت کے خرچے پر میچ سے لطف اندوز ہو سکیں گے۔ زرائع کے مطابق ڈاکٹرز، نرسز اور پیرامیڈیکس بھی حکومتی خرچے پر میچ دیکھیں گے۔
ایمز ٹی وی (صحت /فیصل آباد ) انسداد ڈینگی مہم کے سلسلے میں کارروائی کرتے ہوئے محکمہ ماحولیات کی ٹیم نے گزشتہ روز مختلف مقامات پر چھاپے مار کر صفائی اور نکاسی آب کا انتظام نہ ہونے پر 13ٹائر شاپس اور ایک کباڑ خانے کے مالکان کو نوٹسز جاری کرد ئیے ۔ مالکان کو حکم دیا گیا ہے کہ فوری طور پر صفائی اور نکاسی آب کا بندوبست کریں بصورت دیگر کباڑخانہ اور دکانیں سیل کردی جائیں گی ۔
ایمز ٹی وی (صحت /کراچی)کمشنر کراچی اعجاز احمد خان کی زیر صدارت انسداد پولیو کے جائزہ اجلاس میں ایمر جنسی آپریشن سینٹر کے افسران اور عالمی پارٹنرزکے نمائندوں نے پولیو کے خاتمہ کی کوششوں کو سراہا ہے ۔ اجلاس میں کمشنر کو انسداد پولیو کی گذشتہ مہم کی کار کردگی کے بارے میں تفصیلی بریفنگ دی گئی اجلاس میں فیصلہ کیا گیا کہ کراچی میں انسداد پولیو مہم6مارچ سے شرو ع کی جائے گی اور 11مارچ تک جاری رہے گی۔ اجلاس کو بتا یا گیا کہ انسداد پولیو مہم کے انتظامات مکمل کر لئے گئے ہیں۔ کراچی کی تمام 188یونین کونسلوں میں مہم پر عملدر آمد کیا جا ئے گا،مہم میں 22لاکھ سے زائد بچوں کو پولیو کے قطرے پلائے جائیں گے۔ نو ہزار سے زائد پولیو ٹیمیں مہم میں حصہ لیں گی، سیکورٹی کے موثر اقدامات کئے گئے ہیں ۔اجلاس کو بتا یا گیا کہ مہم میں مر بوط کوششوں سے اچھے نتائج ملے ہیں ۔ ماحولیاتی نمونوں کے بارے میں تفصیلی بریفنگ دی گئی جس پر اجلاس نے انسداد پولیو مہم کی کار کر دگی پر اطمینان کا اظہار کیا اور اچھی کار کردگی قرار دیا ۔ فیصلہ کیا گیا کہ تمام ڈپٹی کمشنرز ڈسٹرکٹ پولیو کنٹرول روم کے اجلاس باقاعدگی سے منعقد کریں گے اور اس بات کو یقینی بنائیں گے کہ مائیکرو پلان پر عمل کیا جائے گا ۔ کمشنر نے کہا کہ انسداد پولیو مہم کی بہتر کار کر دگی انتظامیہ ،ہیلتھ افسران، عالمی پارٹنرز اور ای او سی کی مشتر کہ کوششوں کو نتیجہ ہے ، انھوں نے کہا کہ انسداد پولیو قومی مقصد ہے اس سے ملک کا وقار وابستہ ہے تمام متعلقہ ادارے مل کر کوششیں جاری رکھیں اور انسداد پولیو کے لئے حکومت کی کوششوں کو کامیاب بنانے میں اپنا کر دار قو می جذبہ سے ادا کریں ۔ تاکہ پاکستان جلد از جلد دنیا میں پولیو سے پاک ملکوں میں شامل ہو سکے ۔انھوں نے کہا کہ متعلقہ ادارے آپس میں رابطہ و تعاون بڑھا ئیں اور حساس علاقوں میں پولیو کے قطرے پلانے کی مہم پر خصوصی توجہ دیں کمیونٹی کے رابطہ و تعاون سے کام کر کے اس بات کو یقینی بنائیں کہ پانچ سال سے کم عمر کوئی بچہ پولیو کے قطروں سے محروم نہ رہے۔ انھوں نے والدین سے بھی اپیل کی کہ وہ اپنے بچوں کی صحت اور ان کے مستقبل کی خاطر پولیو ٹیموں سے تعاون کریں اپنے پانچ سال سے کم عمر بچوں کو ہر مہم میں پولیو کے قطرے پلائیں۔
ایمز ٹی وی (تعلیم/کراچی) جناح یونیورسٹی برائے خواتین کے شعبہ کیمیا اور کیمیکل سوسائٹی آف پاکستان کے اشتراک سے دوسری نیشنل ورکشاپ کا انعقاد کیا گیا . جسکا موضوع " گلوبل کیمسٹ آف ایتھکس" تھا ورکشاپ کے مہمان خصوصی کیمیکل سوسائٹی آف پاکستان کے ممبران ڈاکٹر سمیع الزمان، پروفیسر ڈاکٹر رضا شاہ اور ڈاکٹر سمیعہ شاہدتھے ، ورکشاپ کا مقصد طالبات کو کیمسٹری لیب میں کام کرنے کے طریقے اور حفاظتی اقدامات سے آگاہ کرنا تھا۔