جمعہ, 04 دسمبر 2020

 

ایمز ٹی وی(مانیٹرنگ ڈیسک) جاپانی کمپنی ننٹینڈو نے اعلان کیا ہے کہ وہ ویڈیو گیم کھیلنے کی نئی ڈیوائس 'سوئچ' تین مارچ کو مارکیٹ میں لائیں گے۔کمپنی کے مطابق ’سوئچ‘ کی قیمت امریکہ میں 299.99 ڈالر ہو گی جو کہ ماہرین کے اندازوں سے زیادہ ہے۔ یورپی صارفین کے لیے قیمت کا اعلان ابھی نہیں ہوا ہے۔

ننٹینڈو کمپنی کے لیے سوئچ کی کارکردگی بہت اہمیت کی حامل رکھتی ہے کیونکہ اس سے پہلے متعارف کی جانے والی گیمنگ ڈیوائس ’وی یو‘ صارفین میں زیادہ مقبولیت حاصل نہیں کر سکی تھی۔ننٹینڈو نے پچھلے سال اکتوبر میں اعلان کیا تھا کہ سوئچ نہ صرف ہاتھ میں پکڑ کر کھیلنے والی ڈیوائس ہوگی بلکہ اسے گھر میں بھی ویڈیو گیم کھیلنے کے لیے استعمال کیا جا سکتا ہے۔

سوئچ کا خفیہ نام کمپنی نے ’این ایکس‘ رکھا تھا۔ اس کی شکل ایک ٹیبلٹ کمپیوٹر کی مانند ہے اور اس کے دائیں اور بائیں جانب کنٹرولر لگے ہوئے ہیں۔ اس ڈیوائس میں ننٹینڈو کے پرانے ماڈلز کی طرح کارٹریج لگا کر گیم کھیلے جا سکتے ہیں۔کمپنی کے مطابق سوئچ کے لیے تقریباً 80 گیمیں تیار کیے جا رہے ہیں جن میں ننٹینڈو کی معروف گیم ’ماریو‘ بھی شامل ہے۔ اس گیم کا نام ماریو آڈیسی ہوگا اور یہ سنہ 2017 کے آخر میں ریلیز ہوگی۔

ماہرین کے مطابق وی یو کی ناکامی کے بعد ننٹینڈو کا سارا دارو مدار سوئچ پر ہے۔ وی یو کو مقبولیت اور فروخت میں سونی کمپنی کی پلے سٹیشن فور اور مایئکروسوفٹ کمپنی کے ایکس باکس ون کے ہاتھوں شکست کھانی پڑی تھی۔ لیکن ابھی بھی ہاتھ میں پکڑ کر کھیلنے والے ڈیوائس میں ننٹینڈو کے 3 ڈی ایس سب سے زیادہ مقبول ہیں۔

گیمتصویر کے کاپی رائٹEPA آئی ایچ ایس ٹیکنالوجی کے تجزیہ کار پیئرس ہارڈنگ رولس کے مطابق سوئچ کا اعلان ننٹینڈو کے لیے انتہائی اہمیت کا حامل ہے کیونکہ اس سے ظاہر ہوتا ہے کہ مستقبل میں ننٹینڈو کا لائحہ عمل کیا ہوگا۔ ان کا کہنا تھا کہ :'سوئچ کو ننٹینڈو ایک گھر میں رکھنے والے تفریحی ڈیوائس کی حیثیت سے دیکھ رہے ہیں جس کو ساتھ ساتھ ہاتھ میں پکڑ کر بھی کھیلا جا سکتا ہے۔ یہ کافی بڑا فیصلہ ہے جس سے اس کی قیمت اور تشہیری مہم میں فرق پڑ سکتا ہے۔ امید ہے کہ ننٹینڈو نے وی یو کی ناکامی سے کچھ سبق حاصل کیا ہوگا۔'

تجزیہ نگار پال جیکسن نے کہا کہ اس حکمت عملی سے ممکن ہے کہ ننٹینڈو کو ایک منافع بخش راستہ مل جائے۔سوئچ کے اعلان کے بعد بازارِ حصص میں نینٹینڈو کے حصص کی قیمت میں گراوٹ دیکھنے میں آئی۔

 

 

ایمز ٹی وی(مظفر آباد) انسانی حقوق کی عالمی تنظیم ایمنسٹی انٹرنیشنل نے اپنی ایک رپورٹ میں کہا ہے


کہ مقبوضہ کشمیر میں تعینات بی ایس ایف اور آرمی کے جوانوں میں شدید بے چینی کا انکشاف ہوا ہے۔ اچھا کھانا اور شراب نہ ملنے پر متعدد فوجیوں کے اپنے افسران کو شوٹ کرنے کے علاوہ فوج سے بھاگنے کے واقعات منظر عام پر آگئے۔ مقبوضہ کشمیر میں عرصہ دراز سے تعینات انڈین آرمی اور بی ایس ایف 29 بٹالین کے 300 سے زائد جوان ذہنی طور پر مفلوج ہو کر مختلف پاگل خانوں میں زیر علاج ہیں جبکہ 100 سے زائد جوان خودکشی کر چکے ہیں۔ رپورٹ کے مطابق مقبوضہ کشمیر میں تعینات بھارتی فوجیوں کو شدید مشکلات کا سامنا ہے۔ لائن آف کنٹرول اوعر برفپوش وادی میں مختلف چوکیوں پر تعینات بھارتی فوجیوں کو 3 کے بجائے صرف 2 وقت ناقص غذادی جا رہی ہے جبکہ سردی سے بچنے کیلئے شراب اور نہ ہی کوئی موثر غذادی جاتی ہے جس کے باعث فوجی مقبوضہ کشمیر میں تعیناتی کو سزا سمجھ کر قبول کرتا ہے

 

ایمز ٹی وی(تعلیم/لاہور)پنجاب کے کالجز کے اساتذہ کی ترقی ٹیسٹ سے مشروط کر نے کا فیصلہ ، محکمہ ہائیر ایجوکیشن میں ایجوکیشن سٹاف کو دوبارہ واپس بھجوانے کا فیصلہ بھی کر لیا گیا ۔ ذرائع کے مطابق ٹیسٹ پاس کر کے ٹریننگ لینے والے اساتذہ کو ترقی دی جائے گی جب کہ محکمہ ہائیر ایجوکیشن میں ایجوکیشن سٹاف کو دوبارہ واپس بھجوانے کا فیصلہ بھی کر لیا گیا ۔ صوبائی وزیر ہائیر ایجوکیشن سید علی رضا گیلانی کے مطابق اساتذہ ایڈمنسٹریٹو کام نہیں کریں گے صرف تدریسی عمل سے وابستہ ہوں گے ۔ ایڈمنسٹریٹو سٹاف کے کام کے لیے ایس این جی اے ڈی کو لکھ دیا ہے ۔

 

 

 

ایمز ٹی وی(صحت) اسٹینفرڈ یونیورسٹی کے ماہرین نے دھاگے کھینچنے سے گھومنے والے پہیئے کے طرح کاغذی پہیہ بنایا ہے جس کی قیمت صرف 15 روپے ہے اور یہ 90 سیکنڈ میں خون میں چھپے جراثیم ظاہر کرسکتا ہے۔

اسے ’پیپر فیوج‘ کا نام دیا گیا ہے جو اصل سینٹری فیوج مشینوں کی طرح کام کرتا ہے۔ خون کے اجزا الگ کرنے والی ان مشینوں کی قیمت 2 سے 10 لاکھ روپے تک ہوتی ہے۔ مشینوں میں خون نے نمونے رکھ کر انہیں تیزی سے گھمایا جاتا ہے جس سے خون کے اجزا الگ الگ ہونے لگتے ہیں ۔ عین اسی اصول پر خون میں موجود بیماریوں کے جراثیم بھی الگ الگ کرکے دیکھا جاسکتا ہے کہ مرض کس مرض میں مبتلا ہے۔

اسی اصول پر پیپرفیوج کام کرتا ہے جو پہلی مرتبہ دیکھنے پر ایک کھلونا لگتا ہے۔ اسے غریبوں کی ایجاد کہا جاسکتا ہے جو صرف 90 سیکنڈ میں خون کے نمونے میں ملیریا اور ایچ آئی وی شناخت کرسکتی ہے۔ ایجاد کو بجلی سے محروم انتہائی غریب علاقوں کے لیے بنایا گیا ہے۔

گول کارڈ کے دونوں حصے کھول کر ان میں خون بھری باریک کیپلری ٹیوبس چپکادی جاتی ہین اور اس کے بعد ڈسک کو گول گھما کر دھاگے کھینچ کر مزید تیزی سے گھمایا جاتا ہے ۔ یہاں تک کہ اس کا گھماؤ آخری رفتار تک ہوجاتا ہے ۔ اسطرح صرف ڈیڑھ منٹ میں خون کے بنیادی ذرات الگ ہونے لگتے ہیں۔ مجموعی طور پر پیپرفیوج ایک منٹ میں 125000 چکر لیتا ہے۔

اسٹینفرڈ یونیورسٹی کے طالبعلم مانوو پرکاش کے مطابق یہ انسانی قوت سے چلنے والا تیز ترین گھماؤ والی سادہ مشین ہے۔ پوری دنیا میں مہنگی سینٹری فیوج مشینوں سے ملیریا، ایچ آئی وی، ٹی بی اور سلیپنگ سِکنیس ٹیسٹ کئے جاتے ہیں۔ اس گھماؤ سے مرض کے جراثیم الگ ہوجاتے ہیں اور ان کی شناخت آسان ہوجاتی ہے۔ لیکن پسماندہ ممالک میں کہیں یہ مشینیں نہیں کیونکہ یہ بہت مہنگی ہوتی ہیں۔ کہیں انہیں چلانے والے عنقا ہیں تو کہیں بجلی غائب ہوتی ہے۔ پرکاش کے مطابق دنیا کی ایک ارب آبادی بجلی ، پینے کے صاف پانی اور پکی سڑکوں سے محروم ہے۔ لیکن انہوں نے یہ مشین ملیریا کی شناخت کے لیے تیار کی ہے۔

اسے بنانے کے لیے کئی ڈیزائن تیار کئے گئے اورآخر کار سب سے تیز گھماؤ والی ڈسک بن گئی جو سوالاکھ چکر کھاتی ہے۔ تجربہ گاہ میں صرف 15 منٹ گھماؤ سے خون کی کے سرخ خلیات الگ ہوجاتے ہیں جبکہ ملیریا کا پلازموڈیم ڈیڑھ سے دو منٹ میں بقیہ خون سے دور ہوکر شناخت کے لیے تیار ہوجاتا ہے۔

 

 

 

ایمز ٹی وی(کراچی) شہر قائد میں موسم سرما کی پہلی بارش سے جہاں موسم خوشگوار ہوگیا ہے وہیں سردی کی شدت میں مزید اضافہ ہوگیا ہے۔

کراچی کے مختلف علاقوں میں ہونے والی بارش نے موسم مزید سرد اور خوشگوار بنادیا ہے۔ جن علاقوں میں بارش ہوئی ان میں آئی آئی چندریگر روڈ، برنس روڈ، اولڈ سٹی ایریا، گارڈن، سولجر بازار، کلفٹن، ڈیفنس ، محمود آباد، منظور کالونی، شیر شاہ ، بلدیہ ٹاو¿ن اور شارع فیصل سے ملحقہ علاقے شامل ہیں۔

شہر قائد میں موسم سرما کی پہلی بارش پر شہریوں کاساحل سمندر پر رش۔برستی بوندوںسے لطف اندوز ہونے کیلئے شہری باہر نکل آئے۔

 

 

ایمز ٹی وی (بزنس) وفاقی وزیر زاہد حامد نے ملکی اور غیر ملکی قرضوں میں خطرناک اضافہ کے متعلق شبلی فراز کے توجہ دلاو نوٹس کے جواب میں ایوان کو بتایا کہ 2013 کے بعد جی ڈی پی کے حوالے سے قرضوں میں نمایاں کمی واقع ہوئی ہے۔ انہوں نے بتایا کہ 2008ء سے 2013ء تک ملکی قرضہ میں 24 فیصد اضافہ ہوا جبکہ 2013ء سے 2016ء تک 18 فیصد اضافہ ہوا اور اس رجحان میں مسلسل کمی آرہی ہے۔

انہوں نے دستاویز کا حوالہ دیتے ہوئے کہا کہ مقامی قرضہ کم ہو کر 64.2 فی صد جو کہ 35.9 فیصد تک آگئے ہیں۔ انہوں نے کہا کہ بیرونی قرضہ کم ہو کر 68.5 فی صد سے کم ہو کر جون 2016ء میں 31.9 فی صد رہ گئے۔ اس سے قبل شبلی فراز نے توجہ دلائو نوٹس دیتے ہوئے کہا کہ جب قرضے لیتے ہیں تو ہمارے منہ پر رونق آجاتی ہے، پہلے ہر شخص پر 37 ہزار روپے قرضہ تھا جو بڑھ کر ایک لاکھ 20 ہزار ہوگیا ہے اس وقت قرضے 21 کھرب تک پہنچ گئے ہیں۔

اگلی سہ ماہی میں حکومت نے 1.6 ٹریلین روپے قرضہ لینے کا پروگرام بنایا ہے جو قرضہ لئے جاتے ہیں ان کا صرف اسحاق ڈار اور احسن اقبال کو پتہ ہوتا ہے۔ وزیراعظم فیتہ پر فیتہ کاٹ رہے ہیں پیسے ہی نہیں، آمدنی اور اخراجات میں بڑھتے ہوئے فرق کو کون کم کرے گا۔

وفاقی وزیربرائے نیشنل فوڈ سکیورٹی اینڈ ریسرچ نے ایوان کو گزشتہ روز بتایاکہ ملک میں کھاد پرسے سبسڈی اس لئے ختم کردی گئی ہے کہ اس مقصد کے لئے رکھاگیا اسپیشل فنڈ ختم ہوگیاہے۔ چیئرمین سینٹ کی ہدایت کے مطابق ایوان کو اس بارے میں آگاہ کرتے ہوئے کہا 25جون 2016 کووفاقی حکومت نے صوبوں کے لیے 27.9ارب روپے خصوصی فنڈمیں رکھے گئے تھے اس اسکیم کامقصد یہ تھاکہ جب تک فنڈرہیں گے اس وقت یہ اسکیم جاری رہے گی یہ رقم27دسمبرکوختم ہوگئی۔ وزارت کی قائمہ کمیٹی نے بھی11جنوری کے اجلاس میں سفارش کی ہے کہ یہ سبسڈی بحال کیاجائے۔

 

ایمز ٹی وی(ممبئی ) بھارت نے فرانسیسی ڈیزائن کے تحت تیار کردہ اپنی دوسری اسکورپین کلاس آبدوز لانچ کر دی۔

جمعرات کو ممبئی میں اس آبدوز کی رونمائی کی گئی جس کا نام آئی این ایس کھاندیری ہے۔ رپورٹ کے مطابق ڈیزل اور الیکٹرک پاور سے چلنے والی یہ سب میرین مختلف آپریشنز میں استعمال کی جا سکتی ہے


جس میں اینٹی سرفیس وارفیئر، اینٹی سب میرین وارفیئر، خفیہ معلومات کا حصول، بارودی سرنگیں بچھانا اور اور جاسوسی شامل ہیں۔ یہ آبدوز زیر آب اور پانی کی سطح سے گائیڈڈ ہتھیاروں، ٹورپیڈوز، ٹیوب لانچڈ اینٹی شپ میزائلز کے ذریعے ہدف کا کامیابی سے نشانہ بنانے کی صلاحیت رکھتی ہے۔ بھارتی بحریہ کے بیڑے میں شمولیت سے قبل اس آبدوز کی آزمائشی جانچ کی جائے گی

ایمز ٹی وی(سیالکوٹ )شہر کے علاقہ کچاشہاب پورہ میں چالیس سالہ نشئی کئی سال بعد نہانے کے باعث جان کی بازی ہار گیا ۔

بتایا گیا ہے کہ چالیس سالہ محمد خان نشہ کا عادی تھا اور ارد گرد کی کچھ خبر نہ رکھتا تھا جبکہ جسمانی طہارت کا بھی اسے کوئی خیال نہ تھا۔ نشئی کے والدین نے اسے نہانے کا مشورہ دیا اور کہا کہ ’ اتنے عرصے سے تم نہیں نہائے چلو نیا سال آنے کی خوشی میں ہی نہا لو۔ والدین کے اصرار پر محمد خان نے کئی سالہ ریکارڈ توڑا اور نہا لیا، نہانے کی دیر تھی کہ اس کی حالت بگڑ گئی اور وہ جان کی بازی ہار گیا ۔ علاقہ مکینوں کا کہنا ہے کہ محمد خان کی ہلاکت ٹھنڈے پانی میں نہانے کی وجہ سے ہوئی ہے۔ دوسری جانب مرحوم نشئی کے والدین کا کہنا ہے کہ ان کا بیٹا نشے کا عادی نہیں تھا۔

 

ایمز ٹی وی(انٹر ٹینمنٹ) مرحوم گلوکار اور موسیقارمائیکل جیکسن کے کردار پر بننے والی فلم کے دنیا بھر میں جاری ہونے والے پہلے ٹریلر کو دیکھنے کے بعد پیرس جیکسن نے غم و غصہ کا اظہار کیا ہے،مائیکل جیکسن کا کردار جوزف فینین کے ادا کرنے پر پیرس جیکسن نے غم و غصہ کا اظہار کیا ہے۔

پیرس نے اپنے غصہ کا اظہار مداحوں کے ساتھ ٹوئٹر پر اپنے ٹوئٹ میں کیا۔فلم کی کہانی کا مرکزی خیال 2001میں نائن الیون کے دہشتگردی کے واقعات کے بعد پروازوں کے منسوخ ہونے کی وجہ سے مائیکل جیکسن کےسینئر ہولی وڈ اداکارہ الزبتھ ٹیلر اور مارلن برانڈو کے ساتھ مبینہ روڈ ٹرپ پر مبنی ہے۔

جب ان سو پوچھا گیا کہ انہوں نے فلم کے ٹریلر سے کیا سیکھا تو پیرس جیکسن نے ٹوئٹ میں لکھا کہ میں فلم کی کاسٹ سے ناخوش ہوں، یقین ہے کہ اور بہت سے لوگ بھی میرے ہم خیال ہونگے، اور اسے دیکھ کر میں تو قے کرنا چاہتی ہوں۔اس میں نہ صرف میرے والد بلکہ میری گاڈ مدر الزبتھ کی بھی توہین کی گئی ہے۔

پیرس نے مزید کہا کہ جوزف کو بطور کنگ آف پاپ کاسٹ کرنا قابل شرم ہے اور اس سے لیجنڈری آرٹسٹ کی شہرت کو نقصان پہنچانے کی کوشش کی گئی ہے۔پیرس جیکسن کے کزن تاج جیکسن نے بھی ایسے ہی تاثرات کا اظہار کیا ہے۔

 

 

ایمز ٹی وی(ماسکو)روس نے پولینڈ میں امریکی فوجیوں کی موجودگی کو یورپ اور اپنے لیے بڑا خطرہ قرار دے دیا ہے۔


نائب روسی وزیر خارجہ نے کہا ہے کہ پولینڈ میں امریکی فوجیوں کی موجودگی سے یورپین سلامتی غیر مستحکم ہوگی ،پولینڈ میں 3ہزار امریکی فوجیوں کی آمد روس کے لیے خطرہ ہے۔

انہوں نے کہا ہے کہ یہ آپریشن ہمارے مفادات اور سکیورٹی کے خلاف ہے،ہماری سرحد کے ساتھ فوجوں کا یہ اجتماع خطرے سے کم نہیں ہے۔

یہ آپریشن امریکہ کے نئے منتخب ہونے والے صدر ڈونلڈ ٹرمپ کی تقریب حلف برداری سے چند روگ قبل ہی شروع کیا گیا ہے،اس صورتحال کو روس اور ٹرمپ انتظامیہ دونوں دیکھ رہے ہیں ۔
واضح رہے امریکہ نے جرمنی کے راستے3000فوجیوں کو یہاں تعینات کیا ہے،فوجی سازوسامان میں 87ابرام ٹینک،20آرٹلری گاڑیاں اور 136لڑاکا گاڑیاں شامل ہیں۔