ھفتہ, 18 ستمبر 2021

 

ایمز ٹی وی (تعلیم /مظفرآباد) وائس چانسلرپر حملہ کے خلاف جامعہ کشمیر کے اساتذہ سڑکوں پر نکل آئے ،کلاسز کا بائیکاٹ ،ملزمان کی گرفتاری کے لئے 24گھنٹے کی ڈیڈ لائن دے دی ،چہلہ کیمپس میں احتجاجی مظاہرہ میں ڈین آف آرٹس ،رجسٹرار،کنٹرولر امتحانات سمیت طلبہ نے بڑی تعداد میں شرکت کی ۔ مظاہرین نے وائس چانسلر کے حق میں نعرے بازی کرنے کے ساتھ ملزموں کی گرفتاری کا مطالبہ کیا

، پروفیسر ڈاکٹر سید نثار حسین ہمدانی ،پروفیسر ڈاکٹر نسیم خان ،ڈاکٹر انصر یاسین ،ڈاکٹر نز ہت شفیع ،ڈاکٹر عبدالکریم نے خطاب کیا، مقررین نے کہا کہ ہمیں دھرنوں پر مجبور نہ کیا جائے ۔

 

 

ایمز ٹی وی (تجارت) بین الاقوامی ادائیگیوں کے حوالے سے چیلینجز اور مہنگائی ہدف سے کم رہنے کی توقعات کا اظہار کرتے ہوئے اسٹیٹ بینک کے گورنر اشرف وتھرا نے بنیادی شرح سود کو 5٫75 فیصد کی سطح پر برقرار رکھا۔ گزشتہ 9 ماہ سے شرح سود میں کوئی تبدیلی نہیں کی گئی ہے۔

اسٹیٹ بینک میں مانیٹری پالیسی بیان جاری کرتے ہوئے اشرف وتھرا کا کہنا تھا کہ مہنگائی کی رفتار رواں مالی سال 6 فیصد ہدف سے کم رہنے کی امید ہے جبکہ بنیادی شرح سود کو 5٫75 فیصد کی سطح پر برقرار رکھا گیا ہے۔ معاشی اشاریوں کے حوالے سے اسٹیٹ بینک کے گورنر اشرف وتھرا نے بتایا کہ رواں مالی سال کے پہلے چھ ماہ میں نجی شعبوں کے قرضوں کی رفتار بڑھی ہے اور ان کا حجم 375 ارب روپے تک پہنچ چکا ہے۔

اںھوں نے مزید کہا کہ بڑی صنعت کی پیداوار میں جولائی تا نومبر 2016 کے دوران گزشتہ مالی سال کے مقابلے 3٫2 فیصد بہتری آئی ہے۔ اشرف وتھرا کے مطابق دہشت گردی کے خلاف جنگ کے لیے کیے جانے والے اخراجات کی امریکہ سے عدم ادائیگی، سی پیک منصوبوں سے امپورٹ برھنے اور ایکسپورٹس گھٹنے کے علاوہ ترسیلات زر میں کمی سے ادائیگیوں کا توازن بگڑا ہے۔

 

 

ایمز ٹی وی(کراچی) پاکستان سٹاک ایکسچینج (پی ایس ایکس) میں مسلسل دوسرے روز بھی شدید مندی کا رجحان رہا ہے جس کے باعث کے ایس ای 100 انڈیکس 48 ہزار 757 پوائنٹس پر آگیا۔
کے ایس ای 100 انڈیکس میں منگل کے روز 214 پوائنٹس کی کمی ہوئی جس کے باعث انڈیکس 48 ہزار 757 پوائنٹس پر آگیا ہے۔ 100 انڈیکس میں 16 کروڑ 20 لاکھ 92 ہزار 460 شیئرز کا لین دین ہوا جن کی مارکیٹنگ ویلیو 15 ارب 11 کروڑ 71 لاکھ 19 ہزار 802 روپے رہی ۔ واضح رہے کہ گزشتہ روز بھی سٹاک مارکیٹ میں 991 پوائنٹس کی کمی ہوئی تھی جس کے باعث سرمایہ کاروں کو کروڑوں روپے کا نقصان اٹھانا پڑا تھا۔
پی ایس ایکس میں مجموعی طور پر 385 کمپنیوں کے شیئرز کا لین دین ہوا جن میں سے 241 کمپنیوں کو خسارے کا سامنا کرنا پڑا جبکہ 134 کمپنیاں نفع میں رہیں۔ آج 10 کمپنیاں اپنے شیئرز کی قیمتیں مستحکم رکھنے میں کامیاب رہیں۔
دوسری جانب تجزیہ کاروں کا کہنا ہے کہ امریکی صدر ڈونلڈ ٹرمپ کی جانب سے سات مسلمان ملکوں کے شہریوں پر پابندی اور پاکستان کے حوالے سے بھی لائحہ عمل تیار کیے جانے کے بیان کے باعث سرمایہ کار خوف کا شکار ہیں اور اسی وجہ سے پاکستان سٹاک ایکسچینج پر منفی اثرات مرتب ہو رہے ہیں

 

 

ایمز ٹی وی (انٹرٹینمنٹ)ڈزنی کی کامیاب اینیمیٹڈ فلم 'بیوٹی اینڈ دی بیسٹ' بہت جلد نئے انداز میں شائقین کے سامنے پیش کی جائے گی، اس فلم کا نیا ٹریلر ریلیز کردیا گیا، جو کسی جادوئی دنیا سے کم نہیں۔ بل کونڈن کی ہدایات میں بننے والی فلم 'بیوٹی اینڈ دی بیسٹ' کے اس نئے ٹریلر میں فلم کی مکمل کہانی کی ایک جھلک نہایت خوبصورت انداز میں پیش کی گئی۔فلم میں شاندار مناظر اور میوزک کو سُن کر ایسا محسوس ہورہا ہے جیسے یہ فلم بچوں کے ساتھ ساتھ بڑوں کو بھی محظوظ کرے گی۔

اس فلم میں امریکی اداکارہ ایما واٹسن 'بیلے' جبکہ اداکار ڈان سٹیونز 'بیسٹ' کے کردار میں نظر آئیں گے، اس فلم میں لیوک ایوانز، ایما تھامسن، ایوان میکگریگور، یان میکیلن اور سٹینلی ٹوسی بھی شامل ہیں۔ ڈزنی پروڈکشنز اپنی کامیاب اینیمیٹڈ فلموں کو اب ایک نئی شکل دے کر ریلیز کررہی ہے، 1950 کی کامیاب اینیمیٹڈ فلم 'سنڈریلا' کو بھی 2015 میں دوبارہ ریلیز کیا گیا تھا۔

خیال رہے کہ ایما واٹسن کو 2015 کی فلم 'سنڈریلا' میں مرکزی کردار کی آفر دی گئی تھی، تاہم انہوں نے اس کردار سے انکار کرتے ہوئے بعد ازاں 'بیوٹی اینڈ دی بیسٹ' کے کردار کو اپنایا تھا۔ 1991 کی 'بیوٹی اینڈ دی بیسٹ' کا ری میک رواں سال 17 مارچ کو ریلیز کیا جائے گا۔خیال رہے کہ اس سے قبل فلم کا ایک ٹریلر اور ایک ٹیزر بھی ریلیز کیا گیا تھا، جسے شائقین نے کافی پسند کیا۔

 

ایمز ٹی وی (انٹرٹینمنٹ)'حیدر' اور 'مقبول' سمیت کئی بہترین فلموں میں سنجیدہ کردار نبھانے کے بعد بولی وڈ اداکارہ تبو ایک مرتبہ پھر اپنی کامیڈی اداکاری سے شائقین کو ہنسانے کے لیے تیار ہیں۔بولی وڈ کی معروف اداکارہ تبو ہدایت کار روہت شیٹی کی کامیاب فلم سیریز 'گول مال' کے چوتھے حصے میں اداکار اجے دیوگن، پرینیتی چوپڑا اور ارشد وارثی کے ساتھ کام کرتی نظر آئیں گی۔ تبو کی آخری کامیڈی فلم 'ہیرا پھیری' 17 سال قبل 2000 میں ریلیز ہوئی تھی، جس میں اکشے کمار، سنیل شیٹی اور پاریش راول نے اہم کردار ادا کیے تھے۔اداکارہ پرینیتی چوپڑا نے سماجی رابطے کی ویب سائٹ ٹوئٹر پر اس خبر کی تصدیق بھی کی۔

 

جب ایک انٹرویو میں کیریئر میں اس تبدیلی کے حوالے سے تبو سے سوال کیا گیا تو انہوں نے کہا کہ 'اگر میں ایک انداز کی فلموں میں کام کر رہی ہوں، اس کا یہ مطلب نہیں کہ مجھے باقی کردار پسند نہیں، ایک فنکار ہونے کے باعث میں ہر طرح کا کام کروں گی، اگر مجھے گول مال 4 میں کردار کی پیشکش ہوئی تو میں وہ بھی ضرور کروں گی'۔ اتنے طویل عرصے میں کسی کامیڈی کردار میں جلوہ گر نہ ہونے کے سوال پر تبو نے کہا کہ 'میں وہ کردار ادا کرتی ہوں، جو مجھے متاثر کرے، میری کوئی خاص ترجیح نہیں، لوگ ہمیشہ آپ کو اس کردار میں منتخب کرتے جس میں آپ اچھے لگتے ہیں، مجھے خوشی ہے کہ کچھ کرداروں سے مجھے ملایا جاتا ہے، تاہم یہ بھی بہترین بات ہے کہ روہت شیٹی جیسے ہدایت کار نے مجھے گول مال فلم میں کاسٹ کیا'۔ خیال رہے کہ فلم 'گول مال 4' کی عکس بندی کا آغاز اگلے ماہ سے کیا جائے گا، جسے رواں سال دیوالی پر ریلیز کرنے کا ارادہ کیا گیا ہے۔

 

 

ایمزٹی وی(اسلام آباد) وفاقی دارالحکومت میں ہونیوالی کشمیر کانفرنس کا مشترکہ اعلامیہ جاری کردیا گیا ہے،اعلامیے کے مطابق انسانی حقوق کی تنظیموں اور میڈیا کو مقبوضہ کشمیر جانے کی اجازت دی جائے، بھارت سے دو طرفہ تعلقات کو مسئلہ کشمیر کی پیشرفت سے مشروط کیا جائے، حکومت پاکستان عالمی برادری سے موثر سفارتکاری کے ذریعے مسئلہ کشمیر حل کرائے۔
کشمیر کانفرنس کے شرکاءنے مطالبہ کیا ہے کہ عالمی برادری گرفتار حریت رہنماوں کو رہا کرانے میں کردار ادا کرے، مقبوضہ کشمیرمیں کالے قوانین ختم، پیلٹ گن کے استعمال پر پابندی لگائی جائے، عالمی برادری مقبوضہ کشمیر میں فوجی انخلا میں کردار ادا کرے، عالمی برادری،اقوام متحدہ کشمیری عوام کی حق خود ارادیت کیلیے کردارادا کرے۔
جمعیت علماءاسلام (س) کے رہنماءمولاناسمیع الحق نے کہا ہے کہ یہ انتہا ہے کہ مسلم ممالک اب بھی خاموش ہیں، ٹرمپ کے اقدامات سے خوشی ہوئی کہ ان کا اصل چہرہ بے نقاب ہوا، مودی ہمیشہ مسلمانوں کو اچھوت سمجھتا ہے ٹرمپ نے اچھوت بنا دیا۔
سینئیرصحافی حامد میر نے کہا ہے کہ مرکز ،آزاد کشمیر میں ن لیگ حکومت ہونے کے باوجود مسئلہ تا حال حل طلب ہے، مقبوضہ کشمیر سے آزاد کشمیر آنے والوں کو مسائل کا سامنا کرنا پڑتا ہے، حکمران جماعت سے شائد کوئی اسلیے نہیں آیا کہ سوالات کے جوابات دینا پڑتے، جے یو آئی (ف)یوم کشمیر منائے مگر بڑھ کر کچھ کرنیکی ضرورت ہے۔
جماعت اسلامی کے مرکزی رہنماءقیصر شریف نے بھی کانفرنس میں شرکت کی اور خطاب کرتے ہوئے کہا ہے کہ مقبوضہ کشمیر میں بھارتی فوج نے ظلم کی انتہا کررکھی ہے،تمام طبقات کو ظلم کے خلاف آواز اٹھانی چاہیے،5فروری کو یوم یکجہتی کشمیر بھر پور انداز میں منایا جائے گا۔

 

 

ایمز ٹی وی(لاہور) قومی کرکٹ ٹیم کے چیف سلیکٹر انضمام الحق نے کہا ہے کہ ٹیم کے لئے کپتان بنانے یا ہٹانے کااختیارصرف چیئرمین پی سی بی کے پاس ہے۔
ہمیں جہاں ضرورت محسوس ہو ئی وہاں ٹیم میں تبدیلی کریں گے، جن کھلاڑیوں کاسٹرائیک ریٹ بہترہوگاانہیں آگے آنے کا موقع بھی دیں گے۔زیادہ ترممالک میں تینوں فارمیٹ (ٹی ٹونٹی،ونڈے اور ٹیسٹ)کاایک ہی کپتان ہوتاہے۔قومی کھلاڑی کو اس کی ریٹائرمنٹ پر عزت کے ساتھ الوداع کہنا چاہیے

 

 

ایمزٹی وی(کراچی) پاکستان پیپلز پارٹی کے چیئرمین بلاول بھٹو زرداری نے امریکی ادارے برائے امن کے تحت منعقدہ تقریب میں گفتگو کرتے ہوئے کہا کہ7 اسلامی ممالک کے باشندوں کے امریکہ داخلے کی پابندی کے خلاف ٹرمپ انتظامیہ کو تنبیہ کرتے ہوئے کہا ہے کہ اس طرح کے اقدامات دونوں ممالک کے درمیان ”دشمنی کی میزبانی“ کریں گے۔
 
پاکستانی افراد پر بھی امریکہ داخلے پر پابندی سے متعلق سوال کے جواب میں بلاول نے کہا کہ ” یہ بھی ایک بہت برا تاثر ہو گا کہ امریکہ اب ان سے بھی منہ موڑ رہا ہے جو اس کیلئے کھڑے ہوئے۔ مجھے امید ہے کہ یہ نیا رجحان نہیں ہو گا۔“ پی پی چیئرمین نے کہا کہ بہت غیر یقینی صورتحال تھی کہ مستقبل کی پالیسیاں کیا ہوں گی اور میں اس معاملے پر مزید انتظار کرتے ہوئے نقطہ نظر دیکھوں گا۔ انہوں نے کہا کہ موجودہ امریکی انتظامیہ کا مسلمانوں پر پابندی ”بہت زیادہ متنازعہ فیصلہ“ محسوس ہو رہا ہے۔
بلاول نے کہا کہ ” دنیا بھر میں میری نسل کے ترقی پسند مسلمانوں کیلئے یہ دیکھنا بہت ہی حوصلہ شکن ہے کہ ممالک کسی دوسرے کے ڈر کے جواب میں ایسا کر رہے ہیں۔ ہم نے تاریخ سے سیکھا ہے کہ مسائل کو حل کرنے کا یہ طریقہ نہیں ہے۔ میں نے بات چیت، دوسرے لوگوں کی یونیورسٹی میں پڑھنے، مشترکہ ثقافت کے بارے میں پڑھ کر اور تاریخ سے سیکھا ہے کہ چند جرائم پیشہ افراد کو تمام افراد کیلئے حالات خراب کی اجازت نہیں دی جا سکتی۔“
پیپلز پارٹی کے چیئرمین نے اسے مسلم ممالک میں بنیاد پرستی پر مبنی انتہاءپسندی سے لڑنے والوں کیلئے حوصلہ شکن قرار دیا اور کہا کہ ”لوگ روزانہ اس سے لڑنے کیلئے اپنی زندگیاں داﺅ پر لگاتے ہیں، جس پر وہ یقین رکھتے ہیں، امریکی آئیڈیلز یا آزادی کیلئے نہیں۔“ انہوں نے مزید کہا کہ”اس فیصلے سے متاثرہ افراد کی حمایت میں آواز بلند کر کے دنیا کو ایک مثبت جواب دیا گیا ہے اور مجھے امید ہے کہ یہ معاملہ جلد ہی حل ہو جائے گا۔ کیونکہ یہ ایک غلط تاثر پیدا کر رہا ہے اور ہم میں موجود ان لوگوں کیلئے مسائل پیدا کر رہا ہے جو اسلام کے نام پر دہشت گردی کے خلاف فرنٹ لائن پر لڑ رہے ہیں۔“

 

 

ایمز ٹی وی(واشنگٹن) پاکستان پیپلز پارٹی کے چیئرمین بلاول بھٹو زرداری نے کہاہے کہ مسئلہ کشمیر حل نہ ہونے کی صورت میں پاکستان اور بھارت کے درمیان ایٹمی جنگ چھڑ سکتی ہے،
جنوبی ایشیا کو معیشت اور توانائی کا منبع بننا چاہیے۔ یونائیٹڈ سٹیٹ انسٹیٹیوٹ آف پیس میں خطاب کرتے ہوئے بلاول بھٹو زرداری نے کہا کہ نواز شریف کی داخلی اور خارجہ پالیسی میں قابل ذکر کامیابی نظر نہیں آتی۔ تنازعہ کشمیر حل نہ ہونے کی صورت میں پاکستان اور بھارت میں نیوکلیئر جنگ ہو سکتی ہے۔ مستقبل میں امریکا کی پاکستان کے حوالے سے پالیسی کے حوالے سے کچھ نہیں کہا جا سکتا۔
بلاول بھٹو کا کہنا تھا کہ پیپلز پارٹی حکومت میں آ کر اقلیتوں کیلئے قانون سازی کرے گی۔ جنوبی ایشیا کو معیشت اور توانائی کا منبع بننا چاہیے ۔ امید کرتا ہوں بھارت پانی کو بطور ہتھیار استعمال نہیں کرے گا۔ پاکستان کو مسئلہ نہیں مسئلے کے حل کا حصہ سمجھا جائے۔ انہوں نے کہا کہ انٹرنیشنل آرڈر کی ناکامی نے دنیا پر گہرے اثرات چھوڑے۔ افغانستان کو امن عمل میں پہل کرنا ہوگی،طالبان کو مذاکرات کی میز پر لانا صرف پاکستان کی ذمہ داری نہیں۔ افغانستان پاکستان کے استحکام کے لیے بہت اہمیت رکھتا ہے۔امریکا نے افغان جہاد کے بعد پاکستان کو اکیلا چھوڑ دیا۔ بلاول بھٹو زرداری نے کہا کہ ہم پاکستان میں دہشت گردی کے خلاف دنیا کی سب سے بڑی جنگ لڑ رہے ہیں اور پاک فوج دہشت گردوں کے خلاف کارروائیوں میں مصروف ہے۔اس جنگ میں پاکستانی شہریوں اور فوج نے بہت قربانیاں دی ہیں

 

 

ایمزٹی وی(تعلیم)سائنس اینڈ ٹیکنالوجی یونیورسٹی کے دوطلباء گروپوں میں تصادم اور ہوائی فائرنگ سے 5 طلباء زخمی ہوگئے ہیں۔
زرائع کے مطابق پولیس نے جھگڑا کرنے والے دونوں طلباء گروپوں کے 8 طلباء کو حراست میں لے لیا ہے۔
زخمی ہونے والے طلباء کو فوری طور پر ڈی ایچ کیو ہسپتال منتقل کیا گیا جہاں پر دونوں گروپوں ایک بار پھر آپس میں گتھم گتھا ہوگئے۔ گروپوں کو قابو کرنے کیلئے پولیس کی مزید نفری کو طلب کرلیا گیا ہے۔