ایمز ٹی وی (تعلیم /کراچی) ) غیر تدریسی ملازمین ویلفیئر ایسوسی ایشن کے اجلاس کے دوران یونیورسٹی کی موجودہ صورتحال کا جائزہ لیا گیا۔ اس موقع پر ایسوسی ایشن کے صدر محمد عدنان اختر نے اجلاس میں کہا کہ یونیورسٹی کے محدود وسائل میں ہونے والے اقدامات کے تحت امتحانات میں نقل مافیا کا مکمل خاتمہ، کئی انٹر نیشنل کانفرنسوں کا انعقاد، ویب سائٹ کے ذریعے ایڈمیشن کا سسٹم متعارف کروانااور تیزی سے تعمیر و ترقی جیسے اقدامات پر شیخ الجامعہ پروفیسر ڈاکٹر سلیمان ڈی محمدکی بہترین کاوشوں کو سراہتے ہیں۔
ایمز ٹی وی(اوکاڑہ) اوکاڑہ میں مبینہ پولیس مقابلے میں ایک ڈاکو ہلاک جبکہ 2فرار ہوگئے۔ اوکاڑہ کے علاقے میں رتہ کھنہ روڈ پر ڈاکووں نے معمول کے مطابق گشت پر مامور پولیس پارٹی پر فائرنگ کردی ،فائرنگ کی اطلاع ملتے ہی پولیس کی مزید نفری موقع پر پہنچ گئی ۔پولیس نے ڈاکووں کی فائرنگ کا بھرجواب دیا جبکہ اسی دوران ایک گولی ڈاکوکو جا لگی جس سے وہ شدید زخمی ہوگیااور زخموںکی تاب نہ لاتے ہوئے موقع پر ہی دم توڑ گیا اور اس کے دیگر 2ساتھی اندھیرے کا فائدہ اٹھا کر فائرنگ کرتے ہوئے فرار ہونے میں کامیاب ہوگئے۔پولیس نے ہلاک ہونیوالے ڈاکوسے اسلحہ بر آمد کرکے اس کی لاش کو اپنی تحویل میں لے کر پوسٹ مارٹم کیلئے ہسپتال منتقل کردیا ہے۔ تاہم پولیس حکام کاکہنا ہے فائرنگ کے اس واقعے میں تمام پولیس اہلکار محفوظ رہے جبکہ فرار ہونیوالے نامعلوم ڈاکووں کیخلاف پولیس مقابلے کا مقدمہ درج کرکے ان کی تلاش کیلئے علاقے میں ناکہ بندی کردی گئی ہے
ایمز ٹی وی (صحت/اسلام کوٹ )تھرپارکر میں قحط کے باعث ایمرجنسی کے دوران بھرتی کیئے گئے 60 ڈاکٹروں کو تین ماہ گذر جانے کےباوجود نہ تو کنٹریکٹ میں اضافہ کیا گیا اور نہ ہی تین ماہ سے تنخواہ دی گئی ہے، جس کے خلاف مٹھی میں ضلع بھر کے مختلف اسپتالوں میں تعینات میل اور لیڈی ڈاکٹروں نے ڈاکٹر ناتھوسنگھ،ڈاکٹر امان اللہ،ڈاکٹر نندلال،ڈاکٹر ڈیچند کی سربراہی میں مٹھی میں احتجاجی مظاہرہ کیا۔
ایمز ٹی وی (صحت /ڈگری ) سندھ ہائی کورٹ میں جھڈو کے شہریوں کی درخواست دیئے جانے کے بعد محکمہ صحت کے اے ڈی ایچ او جھڈو کے سرکاری اسپتال پہنچے اور درخواست میں بتائے گئے مسائل پر مقامی شہریوں ، صحافیوں اور اسپتال کے عملے سے معلومات حاصل کی۔ جھڈو کے کونسلر حاجی فضل الرحمن میمن اور دیگر شہریوں نے درخواست میں رورل ہیلتھ سینٹر کے مختلف مسائل بیان کیے تھے۔
ایمز ٹی وی (صحت /کراچی ) ڈاؤ یونیورسٹی اوجھا کیمپس کے پوسٹ گریجویٹ ٹرینیز نے جمعرات کو کیمپس میں احتجاج کیا اور شعبہ حادثات کے سوا تمام شعبوں کا بائیکاٹ کیاجس کے باعث مریضوں کو پریشانی کا سامنا کرنا پڑا۔ مظاہرین کا کہنا تھا کہ یونیورسٹی انتظامیہ اپنی مرضی سے ڈیوٹیاں لگا رہی ہے جس سے ٹریننگ متاثر ہو رہی ہے ۔
ایمز ٹی وی (تعلیم /کراچی) نرسنگ کا شعبہ طب کاایک عظیم شعبہ ہے جو لوگوں کی خدمت کیلئے ہمہ وقت اپنی خدمات انجام دیتا رہتا ہے۔ پاکستان سمیت بیرونِ ملک میں شعبہ نرسنگ بہت اہمیت کا حامل ہے۔ ڈائو یونیورسٹی آف ہیلتھ سائنسزنے دس سال قبل شعبہ طب میں نرسنگ کی اعلی تعلیم و تربیت کی اہمیت محسوس کرتے ہوئے انسٹیٹیوٹ آف نرسنگ قائم کیا،جہاں جدید نصاب پر مبنی بین الاقوامی تعلیم فراہم کی جارہی ہے۔ ان خیالات کا اظہار ڈائو یونیورسٹی کے قائم مقام وائس چانسلر پروفیسر ڈاکٹر مسعود حمید خان،پروفیسر ڈاکٹر محمد مسرور اور پروفیسر ڈاکٹر رعناقمر نےجمعرات کو اوجھا کیمپس میں ڈائو انسٹیٹیوٹ آف نرسنگ کے قیام کی دس سالہ تقریب سے خطاب میں کیا۔ تقریب میں یونیورسٹی کے فیکلٹی اراکین اور نرسنگ کے طلبہ و طالبات نے شرکت کی۔انہوں نے مزید کہا کہ ملک کی بڑھتی ہوئی آبادی اور طبی فنون میں ترقی نے تعلیم یافتہ اور ہنر مند نرسوں کی مانگ میں اضافہ کردیا ہے۔ ڈائو یونیورسٹی کا مقصد عالمی معیار کے ایسے طبی ماہرین تراشناہے جو ملک کے شعبہ صحت کے مسائل کو بہتر بنانے میں اپنا موثر کردار ادا کرسکیں۔