K2 - Results from #19194

23مارچ۔۔ مسلح افواج کی پریڈ کی تیاریاں

ایمزٹی وی(لاہور)23مارچ کی پریڈ کے حوالے سے مسلح افواج نے پریڈ کی تیاریاں شروع کر دی ہیں ۔زرائع کے مطابق یوم پاکستان کے موقع پر پریڈ میں مسلح افواج سمیت سول آرمڈ فورسز حصہ لیں گی ،23مارچ کی پریڈ کے دوران بری ،بحری اور فضائی فوج پھر پور قوت کا مظاہرہ کرے گی ۔

پریڈ کے دوران دفاعی آلات کی نمائش بھی کی جائے گی ۔یوم پاکستان کی پریڈ کے حوالے سے سخت سیکیورٹی انتظامات کیے جائیں گے ۔

واضح رہے کہ پی ایس ایل فائنل میچ کیلئے آرمی چیف نے وزیراعظم کو بھر پور تعاون کی یقین دہانی کروائی ہے جبکہ فائنل میچ میں کھلاڑیوں کی سیکیورٹی کیلئےپولیس کے ساتھ ساتھ پاک فوج ذمہ داری انجام دے گی۔

تیسرا پلے آف میچ۔۔ کراچی کنگز فیورٹ قرار

ایمزٹی وی(اسپورٹس)پاکستان سپر لیگ کے فائنل میں رسائی حاصل کرنے کیلئے کراچی کنگز اور پشاور زلمی آج آپس میں ٹکرائیں گی اور اس حوالے سے عالمی سٹے باز بھی میدان میں آ گئے ہیں اور انہوں نے کراچی کنگز کو فیورٹ قرار دیدیاہے۔

میڈیا ذرائع کے مطابق سٹے باز عالمی ویب سائٹ ’بیٹ فیئر ‘پر سرگرم ہو گئے ہیں اور انہوں نے کراچی کنگز کو فیورٹ قرار دیدیا ہے ،جس کے مطابق کراچی کنگز پر 10ہزار سٹا لگانے والے کو 7ہزار اضافی دیئے جائیں گے جبکہ پشاور زلمی پر سٹا لگانے والوں کو 11ہزار روپے دیئے جائیں گے ۔

نجی اسپتال کے عملے کی غفلت،بچے کی زندگی داﺅ پر

ایمز ٹی وی (صحت/فیصل آباد(گلستان کالونی کے نجی اسپتال کے عملے کی غفلت نے ایک سالہ قاسم کو زندگی بھر کے لیے دماغی معذور بنا دیا ۔ قاسم کے والد نے ڈاکٹر کے کہنے پر بچے کی ایم آر آئی کروائی تو اسپتال نے رپورٹ میں بچے کے دماغ میں رسولی کی نشان دہی کر دی۔ ہجویری ٹاؤن کے رہائشی محمد عمران نے بھی بیٹے کے علاج کیلئے کوئی کسر نہیں چھوڑی مگر جعلی میڈیکل رپورٹ نے باپ کی محبت کو مزید امتحان میں ڈال دیا۔

رپورٹ کے مطابق ڈاکٹر نے بچے کا رسولی کا علاج شروع کر دیا ۔ سنبھلنے کے بجائے قاسم کی حالت مزید بگڑنے پر دوبار ایم آر آئی کروانے کا مشورہ دیا گیا ۔ دوبارہ ایم آر آئی کروائی گئی تو انکشاف ہوا کہ دماغ میں رسولی کی رپورٹ ہی غلط تھی۔ غلط رپورٹ پر علاج کی وجہ سےقاسم کے دماغ کی نشوونما مکمل رک چکی ہے ۔

عمران کا کہنا ہے کہ انہوں نےذمہ داران کے خلاف کاروائی کیلئے نجی اسپتا ل انتظامیہ سے انکوائری کا مطالبہ کیا تو انہوں نے صاف انکار کردیا جبکہ ہیلتھ کیئر کمیشنکو دی جانے والی درخواست پر بھی کوئی شنوائی نہیں ہوئی۔ بیٹے کے علاج پر لاکھوں روپے خرچ کرنے والے باپ کامطالبہ ہے کہ اس کے بیٹے کی زندگی کو داؤپر لگانے والوں کو ان کی غفلت کی سزا ضرور ملنی چاہئے تاکہ کسی اورکی زندگی کے ساتھ ایسا نہ ہو۔

ایڈورڈز کالج پشاور کے طلبہ و طالبات کا انوکھا ڈرامہ پیش

ایمز ٹی وی (تعلیم/پشاور) ایڈورڈز کالج پشاور کی ڈرامیٹک سوسائٹی نے یونانی بادشاہ کی کہانی ’’اینٹی گن‘‘ پر مبنی ایک ڈرامہ پیش کیا جس میں کالج کے طلبہ و طالبات نے حصہ لے کر بہترین انداز میں اداکاری کی اور حاضرین کے دل موہ لئے۔

اس حوالے سے ایڈورڈز کالج کے پروفیسر ناصر اقبال نے کہا کہ ایڈورڈز کالج ڈرامیٹک سوسائٹی طلبہ کو گاہے بگاہے مواقع فراہم کرتی رہتی ہے کہ وہ اسٹیج پر اپنی صلاحیتوں کے جوہر دکھائیں اور سوسائٹی انہی طلبہ و طالبات کے ذریعے بہت سے ڈرامے کامیابی سے پیش کر چکی ہے۔ انہوں نے کہاکہ انسانی احساسات کو جانچنے میں ڈرامہ اہم کردار ادا کرتا ہے ‘ اسٹیج ایسا پلیٹ فارم ہے جہاں نوجوان اپنے جذبات کا اظہار کر سکتے ہیں ۔

اس موقع پر انگلش ڈیپارٹمنٹ کے فیکلٹی ممبر احتشام نے کہا کہ معاشرے کی بہتری میں بھی اسٹیج کا اہم کردار رہا ہے ‘ بھارتی اداکار پرتھوی راج کپور اور مشہور پاکستانی اداکار قوی خان بھی ایڈورڈ کالج کے تھیٹر سے ہی اپنے کیرئیر کا آغاز کر چکے ہیں ۔

خواتین کے عالمی دن پر تقریبات کے انعقادکی تیاریاں

ایمز ٹی وی (فیصل آباد)ڈپٹی کمشنر سلمان غنی نے خواتین کے عالمی دن کے حوالے سے تقریبات کے احسن انداز میں انعقاد کے لئے فوکل کمیٹی تشکیل دی ہے جس کے کنوینئر ایڈیشنل ڈپٹی کمشنر ( جنرل) ہونگے جبکہ ارکان میں ڈائریکٹر کالج ‘ رجسٹرار زرعی یونیورسٹی ‘ رجسٹرار گورنمنٹ کالج یونیورسٹی‘رجسٹرار گورنمنٹ یونیورسٹی برائے خواتین مدینہ ٹائون اور ڈپٹی ڈائریکٹر سوشل ویلفیئر شامل ہیں ۔

ڈین جونزپی ایس فائنل کےلئےلاہورآنے پر رضامند

ایمزٹی وی(اسپورٹس) آسٹریلیا کے سابق کرکٹر اور کمنٹیٹر ڈین جونز بھی فائنل میچ میں کمنٹری کیلئے لاہور آنے پر رضامند ہو گئے ہیں۔

زرائع کے مطابق پاکستان سپر لیگ (پی ایس ایل) کے فائنل میچ کیلئے بالآخر غیر ملکی کمنٹیٹر بھی مل گیا ہے کیونکہ ڈین جونز لاہور آنے پر رضامند ہو گئے ہیں اور نشریاتی کمپنی کے ساتھ بات چیت طے ہو گئی ہے۔

ذرائع کا کہنا ہے کہ ڈین جونز اور نشریاتی کمپنی کے درمیان پیسوں کا معاملہ تاحال طے ہونا باقی ہے تاہم وہ لاہور آنے پر راضی ہیں اور فائنل میچ میں کمنٹری کر کے مقابلے کو چار چاند لگائیں گے۔

واضح رہے کہ کوئٹہ گلیڈی ایٹرز کے فیلڈنگ کوچ جولین فاﺅنٹین اور مینٹور ویوین رچرڈز بھی کل لاہور پہنچ رہے ہیں۔

بحری مشقیں کراناقومی فخراورکامیابی ہے

ایمزٹی وی(راولپنڈی)آئی ایس پی آرنے کہا ہے کہ آرمی چیف جنرل قمر جاوید باجوہ سے نیول چیف ایڈمرل ذکااللہ نے ملاقات کی اور آپریشن ردالفساد میں دونوں افواج کے درمیان تعاون کے امور پر تبادلہ خیال کیا

اس خبر کو بھی پڑھیں

پاک فوج کے ادارہ برائے تعلقات عامہ (آئی ایس پی آر ) کے مطابق آرمی چیف جنرل قمر جاوید باجوہ اور نیول چیف کی ملاقا ت جی ایچ کیو میں ہوئی جبکہ اس دوران خوشگوار جملوں کا تبالہ کرتے ہوئے سپہ سالار نے نیول چیف کو بین الاقوامی بحری جنگی مشقوں کے کا میاب انعقادپرمبارکبادبھی پیش کی ۔

لیفٹیننٹ خاور فوجی اعزاز کے ساتھ سپرد خاک

آرمی چیف نے گفتگو کرتے ہوئے کہاکہ بحری مشقیں کرانا قومی فخراورکامیابی ہے اور مشقوں میں36ممالک کی نیوی کی شرکت پاک بحریہ کی صلاحیتوں کا اعتراف ہے۔

تاریک رات کو دن میں بدلنا کبھی آسان نہیں ہوتا

ایمزٹی وی(شمالی وزیرستان) وزیر اعظم نواز شریف نے شمالی وزیرستان میں کرم تنگی ڈیم کا سنگ بنیاد رکھدیا۔ تقریب سے خطاب میں وزیراعظم کا کہنا تھاکہ مجھے خوشی ہے کہ آج یہاں پر حاضر ہوکر نئے اور نیک منصوبے کا آغاز کررہے ہیں، کرم تنگی کی ضروریات شمالی وزیرستان میں ایک نئے دور کا آغاز اس بات کا اعلان ہے کہ خوف کا باب اپنے اختتام کو پہنچا اور آج نیا عہد شروع ہورہا ہے اور بے یقینی ختم ہورہی ہے۔

وزیراعظم نے کہا کہ این ایف سی ایوراڈ میں فاٹا کا حصہ مخصوص کیا جائے گا،فاٹا کے لئے اصلاحا ت کے پروگرام کا آغاز کردیاہے، فاٹا میں یونیورسٹی اور تعلیمی ادارے بنیں گے،ایف سی آر کا خاتمہ کیا جارہا ہے،فاٹا کو قومی دھارے میں شامل کرنے کا کام شروع کیا جارہا ہے،فاٹا میں جمہوری اقدار کو فروغ دیا گیا۔نواز شریف نے کہا کہ دنیا اعتراف کررہی ہے کہ پاکستان ترقی کررہا ہے،چشمہ رائٹ کینال ملک میں انقلابی تبدیلی لائے گا،ملک میں اندھیرا کیا ہوا تھا یہ کتنی مجرمانہ غفلت ہے۔

انہوں نے کہا کہ تاریک رات کو دن میں بدلنا کبھی آسان نہیں ہوتا،خوف اور فسار کا دور ختم ہوچکاالحمد اللہ بے یقینی ختم ہورہی ہے اور قوم کو قربانیاں دینی پڑیں،اللہ کا شکر ہے کہ یہ قربانیاں رنگ لائیں،جہاں مایوسی کے سوا کچھ نہیں تھا وہاں چراغ روشن ہورہے ہیں۔

تقریب سے خطاب کے دوران وزیراعظم کا مزید کہنا تھا کہ امن کے دور کے لئے بڑی قربانیاں دینی پڑیں،شمالی وزیرستان میں ترقیاتی کاموں کی بنیاد کامیاب منصوبہ ہے،جہاں دہشتگردوں کا کنٹرول تھا وہاں کے لوگوں کے ہاتھوں میں انتظامات آرہے ہیں،ترقی کے منصوبے چلتے رہتے تو آج پاکستان ایشیئن ٹائیگر ہوتا۔ہمارے بعد لاہور میں ترقی کا سفر رک گیا۔آج بجلی سستی ہورہی ہے ماضی میں مہنگی تھی۔موٹروے کی بنیادیں ہم نے رکھی تھی۔

خطے اور پورے پاکستان کو فتنے سے نجات مل گئی،نیا عہد شروع ہورہا ہے بے یقینی ختم ہورہی ہے۔میاں نواز شریف نے کہا کہ آج ملک میں سڑکوں کا جال بچھ رہا ہے،محاذ آرائی کی سیاست ترک کر نا ہوگی،ہمیں ہاتھ تھام کر ایک دوسرے کی مدد کرنا ہوگی،فاٹا کی ترقی ہماری ترجیحات میں شامل ہے،مرکزی دریاﺅں پر بڑے منصوبوں کے ساتھ چھوٹے منصوبے بھی تیار کیے جارہے ہیں تاکہ دور دراز علاقوں میں زراعت کی ترقی کیلئے پانی پہنچایا جائے،شمالی وزیرستان میں ترقیاتی کاموں کا آغاز نئے دور کی نوید ہے۔فاٹا کے سیاسی نظام میں تبدیلی لائی جارہی ہے اور یہاں بھی جمہوری اقدار کوفروغ دیا جائے گا۔

پاکستان اسٹیلز ملز کی 1500ایکڑزمین سی پیک کےلئےمختص

ایمزٹی وی (تجارت) پاکستان اسٹیل ملزکی 1500ایکڑزمین سی پیک منصوبے کودینے کافیصلہ کیا گیا ہے، مختص زمین پرسی پیک کاخصوصی صنعتی زون لگایاجائےگا۔

ذرائع کے مطابق وفاقی وزیر صنعت غلام مرتضی جتوئی نے کہا ہے کہ پاکستان میں یورپی برانڈز اوردیگر غیر ملکی کارساز ادارے بھی آرہے ہیں۔

وزیرصنعت کے مطابق پاکستان میں یورپی برانڈ رینو اوردیگر کارساز ادارے بھی آرہے ہیں،پاک سوزوکی 40 کروڑ ڈالر لاگت سےپلانٹ میں توسیع بھی کرے۔

رمان رئیس کا منفرد انداز ٹاپ ٹین میں شامل

ایمزٹی وی(اسلام آباد) اسلام آباد یونائیٹڈ کے باﺅلر رومان رئیس کا وکٹ حاصل کرنے پر منفرد طریقے سے جشن منانے کا انداز خاصی شہرت حاصل کر چکا ہے اور بہت سے لوگ یہ جاننا چاہتے ہیں کہ وہ دیگر باﺅلرز کی طرح شور مچانے، بھاگنے دوڑنے یا ڈانس کرنے کے بجائے خاموشی کیساتھ کھڑے کیوں ہو جاتے ہیں۔

رومان رئیس نے بالآخر اس کے پیچھے چھپے راز سے پردہ اٹھا ہی دیا ہے اورکہا ہے کہ وہ اس کے پیچھے کوئی خاص پیغام نہیں ہے، بس وکٹ حاصل کر کے منفرد طریقے سے جشن منانا ہی مقصد ہے۔

رومان رئیس سے سوال پوچھا گیا کہ وہ وکٹ حاصل کرنے پر دیگر باﺅلرز کی طرح غصہ یا خوشی ظاہر کرنے کے بجائے خاموشی کیساتھ کیوں کھڑے ہو جاتے ہیں تو ان کا کہنا تھا کہ ”میں ویسے بھی بہت عاجز اور نرم مزاج شخص ہوں، یہ طریقہ میں نے ڈومیسٹک کرکٹ میں اپنایا تھا اور اب اسے یہاں بھی اپنا لیا ہے۔ سب سے بڑی بات یہ ہے کہ پی ایس ایل کے ٹاپ 10 مومنٹس میں شامل ہوئی ہے، جس پر مجھے فخر ہے۔“

پہلے میں شعیب اختر کی نقل کرتا تھا اور آﺅٹ کرنے پر دونوں ہاتھ پھیلا دیتا تھا لیکن پھر اسے تبدیل کیا اور اپنا سٹائل بنایا۔ انہوں نے کہا کہ اس کے پیچھے کوئی پیغام نہیں ہے، یہ ٹی 20 کرکٹ ہے اس لئے میں غصہ یا خوشی ظاہر کرنے کے بجائے چپ ہو کر کھڑا ہو جاتا ہوں کیونکہ کیا پتہ اگلی ہی گیند پر چھکا لگ جائے۔“