ایمزٹی وی (ایجوکیشن) اقوام متحدہ کے ادارے یونیسکو نے اپنی تازہ رپورٹ میں کہاہے کہ پاکستان 2015 تک کے زیادہ تر تعلیمی اہداف حاصل کرنے میں ناکام رہاہے۔یاد رہے کہ یونیسکو نے سال 2000ءمیں دنیامیں تعلیم کے حوالے سے 2015ءتک 5 اہداف کی نشاندہی کی تھی جن میں بچوں کااسکول میں داخلہ،بالغ افرادکی ناخواندگی کی شرح کونصف کرنااورثانوی تعلیمی سطح تک لڑکے اورلڑکیوں کا برابرکاتناسب شامل ہیں۔
یونیسکو کاکہناہے کہ جنوبی ایشیا میں پاکستان ان تمام اہداف میں بہت پیچھے ہے جب کہ بھارت،ایران اورنیپال نے اس سلسلے میں خاص پیش رفت دکھائی ہے۔سرکاری اعدادوشمار کے مطابق 54 لاکھ پاکستانی بچے اسکول نہیں جاتے اورجوجاتے ہیں ان کی بہت کم تعداد سویں جماعت تک پہنچ پاتی ہے۔رپورٹ میں کہاگیاہے کہ 2014ءمیں مغربی صوبہ بلوچستان کے پانچویں جماعت کے 33 فیصد بچے اردو اور مقامی زبانوں میں کہانی پڑھ سکتے تھے جب کہ صوبہ پنجاب میں یہی تعداد 63 فیصد تھی۔نصابی کتابوں میں بھی جنسی تعصب واضح ہے جس کی کئی وجوہ ہیں ۔نصاب کی اصلاح اورکتابیں شائع کرنے والے ادارے اس تعصب کوختم کرنے کے خلاف مزاحمت کرتے ہیں جب کہ اصلاحات کوسیاسی ترجیح نہیں دی جاتی اورنہ ہی انہیں عوامی تعاون حاصل ہے۔
رپورٹ میں سرکاری اعدادوشمار کی مددسے تعلیم اورمختلف علاقوں کے درمیان تفریق پربھی سوال اٹھایا گیاہے۔خیال رہے کہ یونیسکو کی یہ رپورٹ سب کے لئے تعلیم کے موضوع پرگزشتہ 15 سال سے شائع ہو رہی ہے۔
ایمز ٹی وی (ایجوکیشن) جامعہ کراچی کے وائس چانسلر پروفیسر ڈاکٹر محمد قیصر نے کہا ہے کہ چین عصر جدید میں ایک بڑی عالمی طاقت کے ساتھ اس کی معیشت بھی قابل رشک ہے چونکہ چین اور چینی عوام پاکستان اور پاکستانی عوام کے لئے خیرسگالی کے عدیم المثال جذبات ،احساسات رکھتے ہیں۔لہذاہم چاہتے ہیں کہ ہمارے ان تعلقات کو جو عوامی پذیرائی حاصل ہے ،چینی زبان اور ثقافت کے فروغ سے مزید مستحکم ہوں۔ پاکستان اورچین کے مابین بہترین اور خوشگوارتعلقات ہیں،
ان خیالات کا اظہار انہوں نے شعبہ پبلک ایڈمنسٹریشن میں چینی زبان کی کلاسز کے اجراءکے موقع پر کیا۔اس موقع پر رئیس کلیہ نظمیات وانصرام پروفیسر ڈاکٹر خالد عراقی،ڈائریکٹر کنفیوشس انسٹیٹوٹ برائے چینی زبان معین صدیقی اورڈائریکٹر کنفیوشس انسٹیٹوٹ ڈاکٹرجیمنگ ہانگ بھی موجود تھے۔ڈاکٹر خالد عراقی نے کہا کہ خطے میں چینی زبان کی ترویج اور پذیرائی سے عوامی رجحان کا پتہ چلتا ہے۔چینی زبان ثقافت بہت تیزی سے فروغ پارہی ہے اس تناظر میں شعبہ پبلک ایڈمنسٹریشن میں خصوصی انتظامات کئے گئے ہیں۔ڈائریکٹر کنفیوشس انسٹیٹوٹ معین صدیقی نے کہا کہ وہ وقت دور نہیں جب چینی زبان عوامی سطح پر مقبول اور قابل فہم زبان کے طور پر دنیا میںابھرے گی۔
ایمز ٹٰ وی (ہیلتھ ڈیسک) آڑو نہ صرف ایک لذیذ پھل ہے بلکہ یہ انسانی صحت کے لئے بھی نہایت مفید ہے۔ماہرین کے مطابق آڑوسے بے انتہا فوائد حاصل ہوتے ہیں۔ طبی ماہرین کا کہنا ہے کہ آڑو کے اندر کیلوریز خاصی کم پائی جاتی ہیں تاہم آڑو فائبر ، وٹامنز اورمنرلز خاصی مقدار میں پائے جاتے ہیں۔ ماہرین مزید کہنا ہے کہ آڑو نے اندر موجود فائبر کی کثرت انسان کو کینسر جیسے مہلک مرض سے بھی بچاتی ہے کیونکہ آڑو کے اندر کینسر کے خلاف سب سے بڑی مزاحمت کرنے والا وٹامن اے موجود ہوتا ہے جبکہ اس پھل میں موجود وٹامن سی موجودگی دل کی بیماریوں سے بھی بچاتی ہے۔
انسانی جسم پراثرات
طبی ماہرین کا کہنا ہے کہ آڑو بینائی تیز کرتا ہے۔آڑو کھانے سے وٹامن ای اور ڈی انسانی جسم کا حصہ بنتے ہیں ۔
آڑو قبض ختم کرنے ،کمزورنظام ہضم درست اور سانس کو ترتیب میں لانے کا اہم سبب ہے ۔آڑو دوران خون کو توازن میں رکھتا ہے، جریان اور بواسیر کے مرض کیلئے مفید جبکہ دماغ کو طاقت دیتا ہے، کمزور ہاضمہ والوں کیلئے آڑو چھلکے سمیت کھانا نقصان دہ ہے۔
جلدی امراض میں مفید
ماہرین کے مطابق آڑو معدے کی تیزابیت کو دور کرکے نیا خون پیدا کرتا ہے جبکہ چہرے پر اس کا عرق لگایا جائے تو جلد نرم اور ملائم ہوجاتی ہے،آڑو گرمی کی شدت سے ہونے والی جلدی سوزش سے بھی نجات دلاتا ہے
ایمز ٹی وی(اسلام آباد)زرائع کے مطابق گلگت کے افسوسناک حادثے پر قومی پرچم آج سر نگوں رہے گا، نلتر حادثے میں ناروے اور فلپائن کے سفیروں، دو پائلٹس ، چیف انجینئر سمیت سات افرادجاں بحق ہوئے تھے، حادثہ پر آرمی چیف راحیل شریف اور ایئر چیف مارشل سہیل امان نے دکھ اور افسوس کا اظہار کیا ہے،
ایمز ٹی وی(کراچی)زرائع کے مطابق وفاقی حکومت نے فاٹا کے علاقوں میں عوام کو بااختیار بنانے اوران کے مسائل حل کرنے کے لیے بلدیاتی نظام قائم کرنے کافیصلہ کیاہے،اس حوالے سے گورنر خیبرپختونخوا سردارمہتاب عباسی کی سربراہی میں جلدہی ایک کمیٹی تشکیل دی جائے گی جس میں وفاقی حکومت کے نمائندے، تمام پولیٹکل ایجنٹس، آئینی وقانونی ماہرین، فاٹاکے منتخب ارکان سینیٹ وقومی اسمبلی اوربلدیاتی قوانین مرتب کرنیوالے ماہرین کو شامل کیاجائے گا
