ایمز ٹی وی(ممبئی) بالی ووڈ کی سپر اسٹار ریکھا کی سوانح عمری شائع ہونے کے بعد سوشل میڈیا میں یہ افواہیں گرم ہیں کہ سدا بہار حسن کی مالک اداکارہ کئی برسوں سے سنجے دت کو اپنا شوہر مانتی ہیں ہندو عقیدے کے مطابق وہ اپنی مانگ میں سنجو بابا ہی کے نام کا سندور لگاتی ہیں۔میڈیا رپورٹ کے مطابق بالی ووڈ اداکارہ ریکھا کی سوانح عمری ”ریکھادی انٹولڈ اسٹوری“ کی بنیاد پر سوشل میڈیا پر یہ افواہیں گرم ہیں کہ 1984 میں ریکھا اور سنجے دت نے شادی کرلی تھی اور اب تک ریکھا انہیں اپنا شوہر مانتی ہیں اور ہندو عقیدے کے مطابق ان ہی کے نام کا سندور لگاتی ہیں۔ دوسری جانب سوانح عمری کے مصنف یاسر عثمان نے اس کی تردید کرتے ہوئے کہا ہے کہ اس طرح کی افواہیں پھیلانے والوں نے کتاب کو صحیح طریقے سے پڑھا ہی نہیں، انہوں نے ایسی کوئی بات کتاب میں لکھی ہی نہیں 1984 میں جب سنجے دت اور ریکھا ”زمین آسمان “ میں ایک ساتھ کام کررہے تھے تو دونوں کی شادی کی خبریں پھیلی ہوئی تھیں اور اس کی تردید سنجے دت نے بھی کی تھی۔یاسر عثمان نے کہا کہ یہ وہ وقت تھا جب ریکھا کا نام کئی اداکاروں اور یہاں تک کہ پروڈیوسرز کے ساتھ بھی جوڑا جارہا تھا ان میں کمل ہاسن، شیلندرا سنگھ اور راجیو کمار بھی شامل تھے۔ سنجے دت سے ریکھا کی شادی کی خبروں کو صرف اس لیے تقویت ملی کیونکہ سنجو بابا نے ان افواہوں کو اہمیت دی اور ان کی تردید کی تھی

ایمز ٹی وی(ملتان) دوستی نہ کرنے پر دوموٹر سائیکل سواروں نے فائرنگ کرکے نوجوان لڑکی کو قتل کردیا۔نجی ٹی وی ابتک نیوز کے مطابق ملتان کے علاقے القریش کالونی فیز تھری میں فوزیہ شہزادی نامی 20 سالہ لڑکی کو دو موٹرسائیکل سواروں نے گن پوائنٹ پر روکا اور فائرنگ کردی جس سے لڑکی موقع پر ہی جاں بحق ہوگئی۔فائرنگ کرنیوالے موٹرسائیکل موقع سے فرار ہونے میں کامیاب ہوگئے۔ بعدازاں پولیس نے مقتولہ کی لاش کو تحویل میں لیکر پوسٹ مارٹم کیلئے بھیج دیا اور مقدمہ درج کرلیا۔پولیس کے مطابق ملزمان کی شناخت صادق اور طاہر کے نام سے ہوئی ہے اور ملزم صادق مقتولہ فوزیہ شہزادی سے مبینہ طور پردوستی کرنا چاہتا تھا جس کے انکار پر ملزم نے مشتعل ہوکر مقتولہ کو ابدی نیند سلادیا

ایمز ٹی وی(کراچی) پاکستان میری ٹائم سیکیورٹی ایجنسی(پی ایم ایس اے ) نے کھلے سمندرمیں کامیاب آپریشن کے بعد14کشتیوں سمیت 80بھارتی ماہی گیروں کو گرفتار کرلیاہے۔ ترجمان پی ایم ایس اے کے مطابق پاکستان میری ٹائم سیکیورٹی ایجنسی نے گزشتہ روز کھلے سمندر میں پاکستانی حدودکی خلاف ورزی پرکامیاب آپریشن کے بعد80بھارتی ماہی گیرگرفتارکوگرفتارکرلیاہے جبکہ 14 کشتیوں کوبھی تحویل میں لے لیاگیا ہے۔ ترجمان کے مطابق کشتیوں اور بھارتی ماہی گیروں کو کراچی منتقل کیاجارہے۔ بھارتی ماہی گیروں کو سمندری حدود کی خلاف ورزی پر گرفتار کیا گیا ہے اور انہیں ڈاکس پولیس کے حوالے کیا جائے گا

ایمز ٹی وی(کابل) افغانستان نے دہشتگرد گروپس کی موجودگی کا اعتراف کرلیا، افغان صدراشرف غنی نے اعتراف کرلیا ہے کہ داعش سمیت بیس دہشتگرد گروپ موجود ہیں۔ افغانستان کے صدراشرف غنی نے اپنے بیان میں کہا ہے کہ افغانستان میں داعش سمیت بیس دہشتگرد گروپس ہیں، دہشتگرد گروپس کو ابھرنے میں طالبان نے مدد کی۔ افغان صدر کا کہنا تھا کہ افغانستان میں غیر ملکی فوج کی موجودگی کے ذمہ دارطالبان ہیں، طالبان کی وجہ سے غیرملکی افواج کو افغانستان میں رہنے کا کہا، داعش اور دیگر دہشتگرد گروپس افغان عوام کے دشمن ہیں ، امن دشمنوں کا خاتمہ کیا جائے گا۔ یاد رہے اس سے قبل بھی پاکستان اور افغانستان سرحد پر حالیہ حملے کا ذکر کرتے ہوئے کہا تھا کہ کوئی اچھا یا برا دہشت گرد نہیں ہوتا اور جب تک یہ تفریق اور تقسیم رہے گی ہم ہارتے رہیں گے، امید کرتا ہوں کہ ہم دشت گردی کے مقابلے میں کامیاب ہوسکتے ہیں، ہوں گے اور ضرور ہونا چاہیے کیونکہ آنے والی نسل کی زندگی اور خوشحالی اس پر منحصر ہے