ایمز ٹی وی(لاہور) لاہور سمیت پنجاب کے بعض علاقوں میں بونداباندی کا سلسلہ جاری ہے جس سے جاتی سردی واپس لوٹ آئی ہے ۔
لاہور ، ملتان ، فیصل آباد ، گوجرانوالہ ، قصور ، چیچہ وطنی سمیت پنجاب کے چندعلاقوں میں گہرے سیاہ بادل چھائے ہوئے ہیں جبکہ ہلکی بارش اور بونداباندی کا سلسلہ بھی جاری ہے جس سے موسم خوشگوار ہو گیا ہے اور شہریوں نے ایک بار پھر گرم ملبوسات اوڑھ لئے ہیں ۔
محکمہ موسمیات کے ذرائع کا کہنا ہے کہ پنجاب سمیت ملک کے مختلف علاقوں میں اگلے 2روز کے دوران گہرے سیاہ بادل چھائے رہیں گے جبکہ ہلکی بارش اور بونداباندی کا سلسلہ وقفے وقفے سے جاری رہے گا جس سے درجہ حرارت 4سے پانچ ڈگری تک گرنے کا امکان ہے