ایمز ٹی وی(کراچی) پاکستان میں 20 لاکھ افراد مرگی کے مرض میں مبتلا ہیں، مرگی قابلِ علاج ہے، مریضوں کی کثیر تعداد علاج سے محروم رہتی ہے، پاکستان میں15200 مرگی کے مریضوں کے لئے صرف ایک نیرولوجسٹ ہے جبکہ زیادہ تراس مرض کے علاج میں مہارت نہیں رکھتے۔
یہ بات آغا خان یونیورسٹی ہسپتال اور جناح پوسٹ گریجویٹ میڈیکل سینٹر کی معروف ماہرِ اعصابی امراض ڈاکٹرفوزیہ صدیقی نے ڈاکٹر پنجوانی سےنٹر برائے مالےکےو لر میڈیسن اور ڈرگ ریسرچ (پی سی ایم ڈی)، بےن الاقوامی مرکز برائے کےمےائی و حیاتیاتی علوم (آئی سی سی بی اےس)، جامعہ کراچی میں عوامی آگاہی پروگرام کے تحت ”مرگی“ کے موضوع پراپنے خطاب کے دوران کہی۔ لیکچر کا انعقادڈاکٹر پنجوانی سےنٹر برائے مالےکےو لر میڈیسن اور ڈرگ ریسرچ اور ورچو¿ل ایجوکیشنل پروگرام برائے پاکستان کے باہمی تعاون سے ہوا۔
ڈاکٹرفوزیہ صدیقی نے کہا عالمی ادارہ¿ صحت کے مطابق مرگی ایک سنجیدہ دماغی مسئلہ ہے جو نہ صرف ایک فرد بلکہ اس کے خاندان اور پورے سماج پر برے اثرات مرتب کرتا ہے، اس مرض کو پاکستان سمیت امریکہ جیسے ترقی یافتہ ممالک میں بھی معاشرتی رسوائی کا سبب سمجھا جاتا ہے جو علم کی کمی اور مسئلے سے ناواقفیت کا نتیجہ ہے، انھوں نے کہا پاکستان میں اس مرض سے متاثرہ افرادکے اعدادوشمار جمع کرنے کا کوئی مناسب نظام موجود نہیں ہے لیکن ایک محتاط اندازے کے مطابق پاکستان کی ایک فیصد آبادی اس مرض میں مبتلا ہے جو دیگر ممالک کے مقابلے میں بہت زیادہ ہے، انھوں نے کہا افسوسناک بات یہ ہے کہ پاکستان میں 18کروڑ عوام کے لئے صرف 135 نیرولوجسٹ موجود ہیں، مرگی کی درجنوں اقسام ہیں جن میں اکثر قابلِ علاج ہیں مگر عوام حقائق سے نابلد ہیں، معاشرے کے ناخواندہ اور جاہل افراد اس مرض کو سماجی ذلت سمجھ کرپوشیدہ رکھتے ہیں یا پھراسکے علاج کے لئے پیروں اور فقیروں کے پاس جاتے ہیں جو خلافِ عقل ہے ،
ایک تحقیق کے مطابق شہری علاقوں میں27.5 فیصد اور دیہی علاقوں میں صرف دو فیصد لوگ مرگی کا علاج کرواتے ہیں، ترقی پذیر ممالک میں 80 فیصد مرگی میں مبتلا لوگ بغیر کسی علاج کے زندگی بسر کرتے ہیں۔
ایمز ٹی وی(کراچی) جامعہ کراچی کے سردار یاسین ملک پروفیشنل ڈیولپمنٹ سینٹر کے زیر اہتمام ” پرچیزنگ مینجمنٹ“ کے موضوع پر ایک روزہ ورکشاپ 23 مئی 2015 ءکو منعقد کی جارہی ہے۔مذکورہ کورس تاجر حضرات ،انتظامی شعبے سے وابستہ افراد،اساتذہ اور طلبہ کے لئے بہت مفید ہوگا۔کورس کے ریسورس پرسن عبداللہ اطہر ہونگے۔کورس کے اوقات کارصبح 9:00 تادوپہر2:30 بجے تک ہونگے۔
ایمز ٹی وی (انٹرٹینمنٹ) بالی وڈ کی ’دھک دھک گرل‘ مادھوری دکشت اب رقص کی استاد بھی بن گئی ہیں۔ انھوں نے حال ہی میں اس کے لیے ایک خاص اور نیا موبائل ایپ ’ڈانس ود مادھوری‘ لانچ کیا ہے جس کے ذریعے وہ اب رقص سكھائیں گي۔ گزشتہ برس مادھوری نے اپنی ’آن لائن ڈانسنگ اکیڈمی‘ کھولی تھی اور یہ ایپ اسی سمت میں ایک اور قدم ہے۔
مادھوری کا کہنا ہے کہ ’یہ موقع ان سب کے لیے ہے جو واقعی ڈانس سیکھنا چاہتے ہیں یا پھر ڈانس کے ذریعہ ورزش کرنا چاہتے ہیں۔‘ مادھوری کہتی ہیں ’ڈانس ود مادھوری‘ ایپ پر صرف وہ ہی نہیں بلکہ اور بھی کئی كوريوگرافرز جیسے ٹیرینز لوئیس، ’اے بي سي ڈي‘ والے سلمان وغیرہ موجود ہیں اور وہ لڑکوں کو رقص سکھائیں گے۔ ان کے مطابق اس ایپ پر لوگ اپنے ڈانس کا ویڈیو بناکر اپ لوڈ بھی کر سکتے ہیں اور اس اس کا سب سے بڑا فائدہ یہ ہے کہ کوریوگرافرز ان ویڈیوز کو دیکھ کر ان کی اصلاح کر یں گے اور انہیں نئی تجاویز دیں گے۔ ’اچھا ڈانس کرنے پر آپ کو اس ایپ کے ذریعہ کسی ڈانس گروپ کے لیے منتخب بھی کیا جا سکتا ہے۔‘
’ڈانس ود مادھوری‘ نامی یہ ایپ فی الحال آن لائن دنیا میں زیادہ مقبول نہیں لیکن ڈاکٹر نینے کہتے ہیں ’کسی بھی نئی چیزکو بڑا ہونے میں وقت لگتا ہے، جلد ہی ہمارا ایپ بھی لوگوں کو پسند آئے گا۔‘
ایمز ٹی وی(کراچی)جامعہ کراچی کے ناظم امتحانات پروفیسر ڈاکٹر ارشد اعظمی کے اعلامیہ کے مطابق ایم بی بی ایس سیکنڈ اور تھرڈ پروفیشنل ضمنی امتحانات برائے 2014 ءکے نتائج کا اعلان کردیا گیا ہے۔نتائج کے مطابق ایم بی بی ایس سیکنڈ پروفیشنل کے امتحانات میں 153 طلبہ شریک ہوئے ،113 طلبہ کامیاب قرارپائے جبکہ 40 طلبہ ناکام قراردیئے گئے ۔کامیاب طلبہ کا تناسب 73.86% فیصد رہا۔ایم بی بی ایس تھرڈ پروفیشنل کے امتحانات میں 145 طلبہ شریک ہوئے ، 133طلبہ کامیاب قرارپائے جبکہ 12 طلبہ ناکام قراردیئے گئے ۔کامیاب طلبہ کا تناسب 91.72% فیصدرہا۔
ایمز ٹی وی (فارن ڈیسک) بھارت کے سرکردہ مسلم مذہبی رہنماؤں نے بھارت میں مذہبی اقلیتوں بالخصوص مسلمانوں کے خلاف بڑھتی ہوئی مذہبی منافرت کی مہم پر سخت تشویش ظاہر کی ہے۔
جمعیت العلماء ہند کے تحت دارالحکومت دہلی میں ایک کانفرنس میں ان رہنماؤں نے مسلمانوں پر زور دیا ہے کہ وہ اپنے مذہبی اداروں اور تشخص پر حملے سے خوفزدہ نہ ہوں۔ ان رہنماؤں نے حکومت کو متنبہ کیا ہے کہ وہ آئین کی سیکولر روح کی پاسداری کریں اور جارحیت و مذہبی اشتعال انگیزی کے خاتمے کے لیے عملی اقدامات کریں۔
ہندوستان میں مسلمانوں کی سب سے زیادہ بااثر مذہبی تنظیموں میں سے ایک جميعت علمائے ہند کے جنرل سکریٹری محمود مدنی نے کہا: ’یہ مٹھی بھر فرقہ پرست لوگ ہمیں ڈرانے کی کوشش کر رہے ہیں۔ ہماری ہی زمین پر، ہمارے ہی وطن میں، ہماری ہی سرزمین پر ہمیں ڈرانے کی کوشش کر رہے ہیں۔ ہم ڈرنے والے نہیں ہیں۔‘
واضح رہے کہ گذشتہ چند ماہ میں مسلمانوں اور ان کی مذہبی اداروں کے خلاف کچھ لوگوں کے جارحانہ بیانات سے مسلمانوں میں بہت تشویش ہے۔
ایمز ٹی وی(ایجوکیشن)وفاقی اردو یونیورسٹی میں عبدالحق کیمپس کی انجمن اساتذہ کے نو منتخب عہدیدار ان کی تقریب حلف برادری میں ڈاکڑ توصیف احمد خان نے خطاب کرتے ہرئے کیا کہ انجمن اساتزہ ہی اساتزہ کے حقوق کا تحفظ کرتی ہے۔
انہوں نے اس بات پر افسوس کا اظہار کیا کہ انجمن بھر پور کوششوں کے باوجود کیمپس میں غیر حاضر اور کلاسیں نہ لینے کی روش کو ختم نہیں کراسکی۔انجمن اساتذہ اپنے آئینی اور جہموری اقدار کی پابندی کرتے ہوئے یونیورسٹی کی بہتری کے کیے اپنی کوششیں جاری رکھے۔
نومنتخب اساتذہ میں پروفیسر نجم العارفین،صدد،نائب صدد،پروفیسر ڈاکڑ شاہد اقبال،پروفیسر اقرار علی قریشی خازن کے عہروں کے لیے بھاری اکثریت سے ووٹ لے کر کامیاب ہوئے۔اس موقع پو انجمن کے نومنتخب صدد ڈاکڑ شاید اقبال نے انجمن کے اہداف بیان کئے اور کیا کہ وہ اساتذہ کے حقوق حالات کار کی بہتری اور پیشہ ورانہ صلاحیتوں کے لیے اپی کوششیں جاری رکھیں گے
ایمز ٹی وی (ایجوکیشن) تعلیمی اداروں میں منعقد ورکشاپس مسائل کوسمجھنے اورانہیں حل کرنے میں سودمند ثابت ہوتی ہیں۔ان خیالات کااظہار بینظیر انکم سپورٹ پروگرام کی چئیرپرسن اوروفاقی وزیرماروی میمن نے رفاہ انٹرنیشنل یونیورسٹی اسلام آباد کیمپس میں خطاب کرتے ہوئے کیا۔رفاہ یونیورسٹی کے وائس چانسلر پروفیسر ڈاکٹرانیس احمد نے انسٹی ٹیوٹ آف پبلک پالیسی ڈیپارٹمنٹ کی کاوشوں کوسراہا۔
ایمز ٹی وی(ایجوکیشن)محکمہ تعلیم سندھ نے اسکولوں اور کالجز کی موسم گرما کی تعطیلات کا اعلان کردیا۔
ترجمان ایجوکیشن ڈیپارٹمنٹ کے مطابق سندھ بھر کے تمام اسکولوں اور کالجز میں تعطیلات کا فیصلہ صوبائی محکمہ تعلیم کی اسٹیرنگ کمیٹی کے اجلاس میں کیا گیا جس کے تحت یکم جون سے یکم اگست تک صوبے بھر کے تعلیمی اداروں میں موسم گرما کی تعطیلات ہوں گی
