ایمز ٹی وی(کراچی)پانی کی قلت کے سنگین مسئلے کے بعدسندھ میں بجلی کے بڑے بحران کابھی خدشہ پیداہوگیا ہے کیونکہ وفاقی حکومت نے انڈیپنڈنٹ پاور پروڈیوسرز( آئی پی پیز)کوگزشتہ4ماہ سے ادائیگی نہیں کی ہے۔آئی پی پیزنے اپنے پاورپلانٹس بند کرنے پر غور کر رہی ہے ۔اس پر سندھ حکومت سخت تشویش کا شکارہے۔
انتہائی باخبرذرائع سے معلوم ہواہے کہ وفاقی حکومت نے گزشتہ 4ماہ سے آئی پی پیز کوایک ارب روپے سے زائد کی ادائیگی نہیں کی،جس کی وجہ سے 180میگاواٹ بجلی پیداکرنے والی مختلف آئی پی پیزکی انتظامیہ نے وفاقی حکومت کوآگاہ کر دیا ہے کہ ان کے واجبات ادانہیں کیے گئے تووہ پاورپلانٹس نہیں چلاسکیں گی۔
ذرائع نے بتایاہے کہ اگرپاور جنریشن بندہوتی ہے یااس میں کسی قسم کی کمی آتی ہے توسب سے زیادہ سندھ متاثرہوگا اور خاص طور پر سندھ کے دیہی اضلاع متاثر ہوں گے۔ذرائع کے مطابق گرمیوں کے اس موسم میں پہلے ہی 12 سے 16 گھنٹے کی لوڈشیڈنگ ہے،وہاں اس لوڈ شیڈنگ میں مزیداضافہ ہوسکتاہے۔ذرائع سے معلوم ہواہے کہ سندھ حکومت نے اس امکانی صورتحال کاسخت نوٹس لیاہے اوروفاقی حکومت سے فوری طورپررابطہ کرنے کافیصلہ کیا ہے تاکہ آئی پی پیز کی ادائیگی ہوسکے اور سندھ مزیدلوڈشیڈنگ کے عذاب سے بچ سکے۔رمضان المبارک کی آمد قریب ہے اورملک بھر کی طرح سندھ میں بھی موسم انتہائی گرم ہے۔
ایک جانب لوڈشیڈنگ کی وجہ سے لوگوں کے معمولات زندگی اورکاروبارشدیدمتاثرہو رہاہے ،اگر180 میگاواٹ بجلی کی قلت پیداہو گئی توسندھ کے زیادہ تراضلاع کے عوام اس مسئلے کی وجہ سے شدیدپریشانی میں مبتلاہو جائیں گے۔واضح رہے کہ وفاقی حکومت نے این ایف سی ایوارڈکی مدمیں بھی سندھ حکومت کو17 ارب روپے سے کم رقم فراہم کی جبکہ دریائے سندھ سے پانی کاحصہ بھی کم کردیاہے
ایمز ٹی وی(کراچی) اداکار وہ ہدایتکار ہمایوں سعید نے کہا ہے کہ پاکستان میں جدید سنیماؤں کے قیام کے بعد فلم انڈسٹری کو فروغ حاصل ہوا، اور کامیابی ملی ہے ، فلم بینوں کو اگر سنیماؤں میں اچھا ماحول ملے گا تو وہ اپنی فیملی کے ہمراہ فلم دیکھنے ضرور آئیں گے یہ بات انہوں میڈیا سے گفتگو کے دوران کہی۔
ہمایوں سعید کا کہنا تھا کہ فلم آج کے دور میں بہترین تفریح ہے،پہلی فلم ’’میں ہوں شاہد آفریدی‘‘ کی کامیابی کے بعد مجھے بہت حوصلہ ملا مجھے اندازہوا کہ لوگ اچھی اور معیاری فلم دیکھنا چاہتے ہیں اس فلم نے ریکارڈ بزنس کیا جو فلم انڈسٹری کی بحالی میں اہم پیش رفت تھی،آج پاکستان میں فلمیں بن رہی ہیں اور لوگ سنیما کی جانب متوجہ ہورہے ہیں، مجھے پاکستان میں فلم انڈسٹری کا مستقبل روشن نظر آرہا ہے لیکن فارمولا اور روایتی فلموں سے ہمیں دور رہنا ہوگا۔
ایمز ٹی وی(کراچی)وزیر بلدیات کے حکم پر شب برات کے موقع پر قبرستانوں میں صفائی ستھرائی کا عمل شروع کردیا گیا ہے۔وزیر بلدیات کے حکم پر بلدیات ایڈمنسٹریٹرکراچی نے شب برات کی تیاری کا عمل شروع کردیا ہے۔
سخی حسن قبرستان کے روڈ کی پیوند کاری اور استر کاری کا عمل مکمل کرلیا گیاہے جبکہ قبرستان اور اطراف کے علاقوں میں صفائی کا عمل جاری ہے اور سخی حسن قبرستان میں روشنی کو بہتر بنانے کیلئے بجلی کے تاروں کی درستگی کی جارہی ہے۔
بلدیہ ایڈمنسٹریٹرکراچی کے مطابق دیگر قبرستانوں میں بھی شب برات کے حوالے سے ہنگامی بنیادوں پرکام کیا جارہا ہے جبکہ آئی جی سندھ اور رینجزر نے شب برات میں قبرستانوں میں آنے والے لوگوں کی حفاطت کیلئے پلان کی تیاری شروع کردی ہے
ایمز ٹی وی(اسپورٹس)ملک میں عالمی کرکٹ نہ ہونے کے باعث 6 سال سے ویران میدان آج سے ہرے بھرے ہوں گے۔پاکستان اور زمبابوے کے خلاف آج ٹی ٹوئنٹی میچ سے سیریز کا آغاز ہوگا جب کہ میچ پاکستانی وقت کے مطابق شام 7 بچے شروع ہوگا۔ میچ سے قبل دونوں ٹیموں نے قذافی اسٹیڈیم میں بھرپور پریکٹس کی، اس موقع پر پاکستان کے سابق اور زمبابوے کے موجودہ کوچ ڈیو واٹمور نے اپنی ٹیم کو فیلڈنگ اور بیٹنگ کے گر سکھائے۔ پہلا ٹی ٹوئنٹی میچ دیکھنے کے لئے آنے والے شائقین کو پی سی بی حکام کی جانب سے ہدایت کی گئی ہے کہ وہ 5 بجے سے قبل اسٹیڈیم پہنچ جائیں اور مہمان ٹیم کی گراؤنڈ میں آمد کے بعد شائقین کا داخلہ بند ہوگا۔
دوسری جانب سیکیورٹی صورتحال کے باعث قذافی اسٹیڈیم کے باہراور اطراف انتہائی سخت انتظامات کئے گئے جس میں پولیس، ایلیٹ فورس اور رینجرز کے اہلکار فرائض انجام دیں گے، مہمان ٹیم کو ہوٹل سے گراؤنڈ تک لانے کے لئے راستے مکمل سیل ہوں گے اور سیکیورٹی فورسز کے حصار میں مہمان ٹیم کو قذافی اسٹیڈیم لایا جائے گا۔واضح رہے کہ پاکستان اور زمبابے کے درمیان 2 ٹی ٹوئنٹی اور 3 ایک روزہ میچز پر مشتمل سیریز کھیلی جائے گی
ایمز ٹی وی (ایجوکیشن) ایک ماہرِ تعلیم کے مطابق نباتیات کی چار سو سال پرانی ایک کتاب میں ولیم شیکسپیر کی تصویر ہے جس کے بارے میں کہا جارہا ہے کہ تصویر ان کی زندگی میں بنائی گئی تھی۔ ماہرنباتیات اور مؤرخ مارک گرفتھس نے 16 ویں صدی کی اس تصویر کی شناخت کے لیے ’ذہین صفر‘ کلیے کا سہارا لیا۔ ان کا کہنا ہے: ’شیکسپیر ایسا ہی دکھائی دیتا تھا، اپنی اصل زندگی میں۔‘ میگزین ایڈیٹر مارک ہیجز اسے ’اس صدی کی ادبی دریافت‘ قرار دیتے ہیں۔
گرفتھس نے یہ دریافت عظیم ماہر نباتیات اور ’دی ہربل‘ یا ’جنرل ہسٹری آف پلانٹس‘ کے مصنف جان گیرارڈ کی سوانح حیات پر تحقیق کرتے ہوئے کی۔ 1484 صفحوں پر محیط یہ کتاب سنہ 1598 میں شائع ہوئی تھی اور اسے انگریزی زبان میں پودوں کے موضوع پر سب سے ضخیم کتاب سمجھا جاتا ہے۔
یونیورسٹی آف برمنگھم کے شیکسپیر انسٹی ٹیوٹ کے ڈائریکٹر پروفیسر مائیکل ڈوبسن کہتے ہیں وہ اس نظریے سے ‘بالکل متاثر‘ نہیں ہوئے ہیں۔ ‘میں نے تصفیلی دلائل نہیں دیکھے لیکن کنٹری لائف بلاشبہ پہلا اشاعتی ادارہ نہیں جس نے اس قسم کا دعویٰ کیا ہے۔‘وہ کہتے ہیں: ’اور اس بارے میں کسی کے پاس کوئی ثبوت نہیں ہے کہ کسی نے سوچا ہو کہ شیکسپیر اس وقت ایسا دکھائی دیتا تھا۔‘
ایمز ٹی وی(اسلام آباد)انتخابی اصلاحات کی ذیلی پارلیمانی کمیٹی کے اجلاس میں الیکشن کمشن نے عام انتخابات کے لیے فوری طور پر بائیومیٹرک اور الیکٹرانک ووٹنگ مشینوں کی فوری خریداری سے معذوری کا اظہار کیا ہے اور کہا ہے کہ دسمبر 2015ء سے پہلے عام انتخابات سے متعلق بائیو میٹرک سسٹم متعارف نہیں کروایا جاسکتا۔ تحریک انصاف نے تیسرے اجلاس میں انتخابی اصلاحات پر کوئی تجویز پیش نہیں کی۔ اجلاس میں اصلاحات کے لیے آئین و قوانین کی متعلقہ شقوں کا جائزہ لیا گیا۔
الیکشن کمشن نے ذیلی کمیٹی کے ارکان کو سمندر پار پاکستانیوں کے حق رائے دہی کے استعمال سے متعلق سسٹم لگانے کے بارے میں بھی دشواریوں سے آگاہ کیا۔ ماہرین نے تکنیکی اعتراضات اٹھائے ہیں جس کے بعد ذیلی انتخابات اصلاحات کمیٹی نے آئندہ ہفتے ماہرین کو کمیٹی میں بلا لیا ہے۔ زاہد حامد نے کہا کہ برطانیہ میں بھی عام انتخابات کے لیے مینوئل سسٹم ہے جرمنی بھی بائیو میٹرک اور ای وی ایم سے مینوئل سسٹم پر آگیا ہے۔ بھارت میں اگرچہ یہ سسٹم رائج ہے تاہم وہاں یہ سسٹم اختیار کرنے کی وجہ سے دوبارہ ووٹوں کی گنتی نہیں ہو سکتی۔
ایمز ٹی وی(ایجوکیشن)ہائر ایجوکیشن کمیشن نے جعلی ڈگریوں کی تصدیق کرنے والے گینگ کا سراغ لگا لیا،ملزمان کی گرفتاری کیلیئے ایف آئی اے خیبر پختونخواہ کو حکومت سے رابطہ کر لیا گیا۔ایچ ای سی کا اجلاس اسلام آباد میں ہوا،جس میں جعلی ڈگریوں کی تصدیق کرینولے گینگ کا سراغ لگا لیا گیا،ملزمان ہائر ایجوکیشن کمیشن سے تصدیق کروانے میں ملوث،جن کی گرفتاری کے لیے ایف آئی اے خیبر ہختونخواہ حکومت سے رابطہ کر لیا گیا۔
چیئر مین ایچ ای سی کا کہنا ہے کہ بیرون ملک سے حاصل کردہ 4 جعلی ڈگریوں کی تصدیق پکڑی گئ،با اثر گینگ خیبر پختویخواہ سے آپریٹ کرتا ہے،جلد تمام افراد کو بے نقاب کردیا جائے گا۔ڈاکڑ مختار نے مزید بتایا کہ ملزمان کی گرفتاری کے لیئے ایف آئی اے خیبر پختونخواہ سے رابطہ کیا ہے