ایمز ٹی وی (ایجوکیشن) امن اور تعلیم کے فروغ کیلئے پیس اینڈ ڈیویلپمنٹ سوسائٹی کے رہنما فراق شاہ نے حیدر آباد پریس کلب کے سامنے مظاہرہ کیا جس میں انکا کہنا تھا کہ گزرشتہ 41 سال سے ملک و قوم کیلئے خدمات سر انجام دے رہا ہوں اور اپنی ساری جمع پونجی سماجی خدمات انجام دینے میں لگا چکا ہوں ۔
انکا کہنا تھا کہ ملک میں امن و سلامتی کو فروغ دینا چاہتا ہوں ۔ انہوں نے وزیر اعلیٰ سندھ سے مخاطب ہو کر کہا کہ سندھ میں تعلیمی نظام کی صورتحال بہت خراب ہے وزیر اعلیٰ سندھ سے گزارش ہے کہ وہ سندھ کے تعلیمی نظام کو بہتر بنانے میں میری مدد کریں۔
ایمز ٹی وی ( ایجوکیشن ) سندھ پبلک سروس کمیشن کے تحت سول انجنیئرز کے امتحانات میں پاس ہونے والے 31 کامیاب طالبات کو آفر لیٹرز جاری کردیئے گئے۔ آفرز لیٹرز پبلک سروس کمیشن کے سفارش پر جاری کئے گئے۔
ورکس اینڈ سروسز کے دفتر میں منعقدکی گئی ایک تقریب میں صوبائی وزیر ورکس اینڈ سروسزمیر ہزارخان بجارانی نے امیدواروں میں آفر لیٹر تقسیم کئے۔ اس موقع پر سیکریٹری ورکس اینڈ سروسز سید ممتاز علی شاہ،ڈپٹی سیکریٹری شاہ حسین شاہ اور دیگر افسران بھی موجود تھے ،تقریب سے خطاب کرتے ہوئے صوبائی وزیر میر ہزار خان بجارانی نے کامیاب امیدواروں کو مبارکباد دیتے ہوئے دعائیہ جملے کہے۔ انہوں نے کہا نوجوان قو م کا مستقبل ہیں اور جوقومیں محنت اور احساس ذمہ داری کو بھلا دیتی ہیں ان کا حشر خراب ہوتا ہے، لیکن ہماری نوجوانوں میں جذبہ موجود ہے اور ہماری قوم کو ان سے بہت سی امید یں۔
ایمز ٹی وی (ایجوکیشن) پاسبان کراچی کے رہنماء نے سندھی اسکولز بند کرنے کے خلاف احتجاج کرنے والے طلباء سے خطاب کیا جس میں انکا کہنا تھا کہ این جی اوز نے سندھی اسکولوں کے ساتھ منفی رویہ اختیار کیا ہوا ہے ۔انکا کہنا تھا کہ گزری میں قائم تین سندھی اسکولز کو این جی او کے حوالے کیا گیا تھا مگر ان اسکولز میں منفی تبدیلی دیکھائی دی۔
انہوں نے بتایا کہ سندھی اسکولز میں داخلے بند کردیئے گئے اور اسکولز میں سندھی پر پابندی لگا دی گئی جبکہ سندھی اسکولز کے بچوں کو اردو میڈیم اسکولز میں منتقل کیا جارہا تھا ۔ سلمان نواب کے مطابق سندھی اسکولز کے ساتھ این جی اوز کا رویہ منفی ہے ۔انہوں نے وفاقی وزیر تعلیم ، وزیر اعلیٰ اور گورنر سندھ سے مطالبہ کیا ہے کہ وہ صورتحال کا جائزہ لیں اور اس رویے کے خلاف کاروئی کریں۔
ایمز ٹی وی (لاہور) عمران خان کی اہلیہ ریحام خان نے لاہور میں اسٹریٹ چلڈرن کی قریب سےخطاب میں کہاکہ اسٹریٹ چلڈرن اب اسٹیٹ چلڈرن ہیں ،بے سہارا بچے صرف حکومت کی نہیں ہم سب کی ذمہ داری ہیں ، یہ بچے تمام پاکستانیوں کی ذمہ داری ہیں ، یہ بچے ہمارا مستقبل ہیں ، انکی ترقی ہماری ترقی ہے۔
ریحام خان کا مزید کہنا تھا کہ کالےشیشوں والی گاڑیوں میں غربت کااحساس نہیں ہوتا، بچوں کا مستقبل کوڑے کاڈھیر نہیں ہونا چاہیے، ایک بچہ بھی سڑک پر ہے تو ہم سب قصوروار ہیں، اگر ہم مل کر کام نہیں کریں گے تو آگے نہیں بڑھ سکتے ، بچوں کی بھلائی کے لیے کسی بھی علاقے میں جانے کو تیار ہوں۔
ایمز ٹی وی (ایجوکیشن) ہمدرد پبلک اسکول اور ہمدرد وولیج اسکول کی جانب سے 24ویں عید کارڈ کمپٹیشن کا انعقاد کیاگیا جس میں سماجی کارکن اور ٹی وی آرٹسٹ جہاں آرا حئی بطور مہمان خصوصی تھیں۔ اس موقع پر انہوں نے کہا کہ شہید حکیم محمد سعید نے تعلیم و تر بیت کا کام اداروں کوبنانے سے بہت پہلے ہی شروع کردیا تھا۔ان کا کہنا تھا کہ مجھے اچھی طرح سے یاد ہے کہ بچپن میں ہمدرد کی ادویات اور مشروبات کے ساتھ آنے والے کتابچے میں موجود پریوں ،جنوں اور بھوتوں کی کہانیاں ہوا کرتی تھی ان کہانیوں میں بچوں کی تعلیم وتربیت کا اہتمام کیا جاتا تھا۔
اس موقع پر ممتاز آرٹسٹ مقبول احمد،اکرم پال اور سید مسعود علی بھی موجود تھے جنھوں نے ججز کی فرائض انجام دیتے ہوئے پہلی ،دوسری اور تیسر ی پوزیشن کے لئے کارڈکا انتخاب کیا،تقریب میں اسکول ایڈمنسٹریٹر ڈاکٹر خالد نسیم ،ہیڈ مسٹریس صباء خالد،امبرین مسعوداور امتیاز علی بروہی کے علاوہ کثیرتعداد میں طلباء وطالبات نے شرکت کی ، تقریب میں ہمدرد فاؤنڈیشن پاکستان کی صدر سعدیہ راشد ،ہمدرد کے وائس چانسلر پروفیسر ڈاکٹر حکیم عبدالعنان کے علاوہ دیگر شرکاﺀ بھی موجود تھے۔
ایمز ٹی وی (ایجوکیشن) سندھ کی مشترکہ سیاسی جماعتوں نے سندھ میں معیاری تعلیم کی فراہمی کویقینی بنانے کے لیے مشترکہ اعلامیے کی منظوری دے دی ۔ الف اعلان کے تحت ہونے والی کانفرنس میں ایم کیو ایم ، پی ایم ایل (ن) ، پی ایم ایل (فنکشنل )، پی ایم ایل (کیو)، جماعت اسلامی ، جے یو آئی ، ایس این پی، ایس یو پی، ایس ٹی پی اور جسقم کے رہنما بھی شامل تھے ۔
رہنماوں نے سندھ صوبائی کل جماعتی کانفرنس میں تعلیمی بجٹ میں 15 فیصد اضافے کا مطالبہ کیا ہے ۔ رہنماوں نے جن نکات کی منظوری دی ان میں سندھ مفت اور لازمی تعلیم 2013کے تحت رولز آف بزنس بنائے جائیں ، اور اسکا عملی نفاذ یقینی بنایا جائے۔ سندھ میں اسکولوں سے باہر 5 سے 16 سال کے 7.3ملین بچوں کو اگلے سال مرحلہ وار اسکولوں میں داخل کروایا جائے ۔اسکولوں کی تعداد میں اضافہ کیا جائے کم از کم 500پرائمری اسکولوں کو اپ گریڈ کیا جائے ۔
سندھ کے تعلیمی بجٹ 2015-2016 میں سکینڈری شعبے کے لیے 40 فیصد حصہ مختص کیا جائے۔ اسکولوں کی تعداد میں اضافہ کیا جائے کم از کم 500پرائمری اسکولوں کو اپ گریڈ کیا جائے ۔ اساتذہ اورطلبہ تناسب صوبائی حکومت کے مقرر کردہ معیار ، 40 فیصد طلبا کے لیے ایک استاد کے مطابق کیا جائے ۔ صوبے میں شعبہ تعلیم کی صورتحال کے پیش نظر سندھ کے بجٹ کا 30 فیصدشعبہ تعلیم کے لیے مختص کیا جائے ۔ بجٹ میں 6039کےاسکولوں کی فوری مرمت اور تعمیر کے لیے خاطر خواہ رقم رکھی جائے
ایمز ٹی وی ﴿اسپورٹس) لاہورکے قذافی اسٹیڈیم میں پاکستان اور زمبابوے کے درمیان کھلیے جانے والے پہلے ٹی ٹوئنٹی میچ میں زمبابوے کے کپتان چگمبورا نے ٹاس جیت کر پہلے بیٹنگ کا فیصلہ کیا جس کے بعد زمبابوے نے مقررہ 20 اوورزمیں 6 وکٹوں کے نقصان پر پاکستان کو 172 رنز کا ہدف دیا ۔ پاکستانی باولر محمد سمیع نے 3 ، وہاب ریاض نے 2 اور شعیب ملک نے 1 وکٹ حاصل کی ۔
172 رنز کے ہدف کے تعاقب میں پاکستانی کھلاڑیوں نے شاندار بیٹنگ کا آغاز کیا اوپنرز احمد شہزاد اور مختار احمد نے 142 رنز کی پارٹنر شپ قائم کی ۔ احمد شہزاد 55 ، مختار احمد 83 رنز بنا کر آوٹ ہوئے ۔ جس کے بعد محمد حفیظ 12 ،عمر اکمل 4 اور شعیب ملک نے 7رنز بناکر ہدف مکمل کرلیا
چھ سال بعد عالمی کرکٹ کے آغاز پر صدر مملکت ممنون حسین نےمیچ سے قبل قذافی اسٹیڈیم پہنچ کر مہمان ٹیم کو خوش آمدید کہا اور کھلاڑیوں سے مصافحہ کیا۔ شائقین کرکٹ نے زمبابوین ٹیم کو پلے کارڈز سے خوش آمدید کہا اور چہرے پر پاکستان اور زمبابوے کے پرچم بنائے ہوئے تھے۔ قومی ٹیم کے کپتان شاہد آفریدی نے کہا کہ پاکستانی تماشائیوں نے ثابت کردیا کہ وہ کرکٹ سے بے پناہ محبت کرتے ہیں،ملک میں کرکٹ گراونڈ دوبارہ آباد ہورہے ہیں، میچ کے حوالے سے انکا کہنا تھاکہ احمد شہزاد اور مختار احمد کی بیٹنگ کی بدولت ہماری جیت ممکن ہوئی، زمبابوے نے بھی اچھے کھیل کا مظاہرہ کیا۔
زمبابوے ٹیم کپتان چگمبورا کا کہنا تھا کہ وکٹ بیٹنگ کے لئے سازگار تھی، تماشائیوں نے بھی ہمیں بھرپور سپورٹ کیا۔ آئندہ میچ میں اچھی کارکردگی کے لیے پر عزم ہیں ۔ جبکہ وزیراعظم نوازشریف، وزیراعلیٰ پنجاب اور وزیراعلیٰ خیبرپختونخوا نےقومی ٹیم کو جیت پر مبارک باد دی۔
