ایمز ٹی وی(تعلیم) جامعہ کراچی کے ناظم امتحانات پروفیسر ڈاکٹر ارشد اعظمی کے مطابق بی اے ریگولر وپرائیوٹ کے 20 اور 21 جنوری 2017 ء کو ملتوی ہونے والے پرچوں کی نئی تاریخ کا اعلان کردیا گیاہے۔
جس کے مطابق بی اے سال اول کا 20 جنوری کو ملتوی ہونے والا پرچہ اب پیر06 مارچ2017 ء کو منعقد ہوگا،جبکہ بی اے سال دوئم کا21 جنوری کو ملتوی ہونے والا پرچہ منگل7مارچ 2017ء کو منعقد ہوگا۔واضح رہے کہ مقررہ وقت اور سینٹرمیں کوئی تبدیلی نہیں کی گئی ہے۔
دریں اثنا ایم اے اور ڈبل ایم اے پرائیوٹ سالانہ امتحانات برائے 2016 ء کے لئے امتحانی فارم جمع کرانے کی تاریخ کا اعلان کردیا گیاہے۔طلبہ اپنے امتحانی فارم 3700/= روپے فیس کے ساتھ 17 مارچ2017 ء تک جامعہ کراچی کے سلور جوبلی گیٹ پرواقع بینک کائونٹرز پر جمع کراسکتے ہیں۔واضح رہے کہ صرف وہ ہی طلبہ امتحانی فارم جمع کرانے کے اہل ہوں گے جو 2015 ء کی رجسٹریشن کے حامل ہیں ۔
بہادر جوانوں کی قربانیاں قوم کی بقاءکی ضامن ہیں،نواز شریف ایمز ٹی وی(اسلام آباد) وزیراعظم میاں نواز شریف نے مہمند ایجنسی میں دہشتگردوں کے حملے میں قیمتی جانوں کے ضیاع پر اظہار افسوس کیا ہے مہمند ایجنسی میں گزشتہ رات افغانستان سے دہشتگردوں کے پاکستانی چیک پوسٹوں پر حملے پر وزیراعظم نے افسوس کا اظہار کرتے ہوئے کہا کہ دہشتگردوں کی خام خیالی ہے کہ وہ پاکستانی قوم کے حوصلے متزلزل کرسکتے ہیں ۔ وزیراعظم نے کہا کہ ملک کے دفاع کیلئے بہادر جوانوں کی قربانیاں قوم کی بقاءکی ضامن ہیں،چوکس جوانوں کی وجہ سے پاکستان مضبوط تر ہوا ہے۔نوازشریف نے مزید کہا کہ آپریشن’ رد الفساد ‘ہر دہشتگرد کیخلاف ہے اور پاکستان کے دشمنوں کو ختم کرکے دم لیں گے۔
ایمز ٹی وی(انٹرٹینمنٹ) اداکارہ میرا بھی پی ایس ایل کا فائنل دیکھنے کے لیے قذافی اسٹیڈیم پہنچ گئیں۔ ٹکٹ نہ ہونے کی وجہ سے سیکورٹی نے انہیں اندر نہ جانے دیا تاہم کسی نے میرا کو اسٹیڈیم میں بلا ہی لیا۔
لالی ووڈ اسٹار میرا ایک مرتبہ پھر خبروں کی زینت بنیں ۔ وہ بغیر ٹکٹ کے میچ دیکھنے قذافی اسٹیڈیم پہنچیں ،سیکورٹی اہلکاروں نے میرا سے ٹکٹ کا پوچھا تو بولیں ٹکٹ بھائی کے پاس ہے، جلد ٹکٹ پہنچ جائے گا۔
لیکن انتظار کرتے کرتے جب ٹکٹ نہ آیا تو میرا یہ کہہ کر واپس جانے لگیں، میچ گھر جا کر دیکھوں گی۔ اس موقع پر انہوں نے ملی نغمے بھی گنگنائے۔
اداکارہ میرا نے واپسی کے لیے چند قدم ہی اٹھائے تھے کہ کسی نے انہیں اسٹیڈیم کے اندر بلوا لیا۔ جہاں انہوں نے میچ دیکھا اور خوب انجوائے کیا۔
ایمز ٹی وی(لاہور) گزشتہ روز نہ صرف پاکستانی کرکٹ کے لیے اہم دن تھا بلکہ دنیا بھر میں پاکستان کے مثبت امیج کو اجاگر کرنے کے لیے بھی بہت بڑا دن تھا ، اس دن کی اہمیت کو نہ صرف میڈ یا نے اجاگر کیا بلکہ پاکستانی قوم نے بھی کھیل سے اپنے پیار کا بھر پور اظہار کر کے پوری دنیا کو بتا دیا کہ ہم دہشت گردی کے خلاف پر عزم ہیں اور کسی بھی صورت حال میں ہم زند ہ دل قوم ہیں ۔اس موقع پر لاہور ی بھی کب کسی سے پیچھے رہنے والے تھے کسی نے اسٹیڈیم میں جا کر اپنے جوش و جذبے کا اظہار کیا تو کسی نے گلیوں اور پارکوں میں بڑی سکرینوں پر میچ دیکھ کر انجوائے کیا ،ایک شہری نے لاہور کی رنگینیوں کو کیمرے کی آنکھ میں بند کیا تو دنیا لاہور کے خوبصورت رنگ دیکھ کر دنگ رہ گئی اور تصاویر سوشل میڈ یا پر وائرل ہو گئیں
ایمز ٹی وی(لاہور) پاکستان سپر لیگ (پی ایس ایل) میں سٹیڈیم میں موجود شائقین کے کیچ پکڑنے پر مختص ایک کروڑ روپے کا انعام 20 افراد میں مشترکہ طور پر تقسیم کر دیا گیا ہے۔ کیچ آف کروڑ پیپسی کی جانب پی ایس ایل کے دوران سٹینڈز میں آنے والا کیچ پکڑنے پر ایک کروڑ روپے کا انعام رکھا گیا تھا جو پوری لیگ کے دوران کیچ پکڑنے والے افراد میں تقسیم کیا جانا تھا۔ لیگ کے دوران 20 خوش قسمت افراد کیچ پکڑ کر اس انعام کے حق دار ٹھہرے جنہیں فائنل میچ کے بعد منعقدہ تقریب میں انعامی رقم دی گئی۔ ذرائع کے مطابق تمام 20 افراد برابر تقسیم کے ذریعے 5,5 لاکھ روپے کے حقدار تھے تاہم ٹیکس کٹوتی کے بعد ان تمام افراد کو کتنی رقم دی گئی، اس حوالے سے مصدقہ اطلاعات نہیں مل سکیں
ایمز ٹی وی(اسپورٹس) پی سی بی کا پی ایس ایل فائنل کے کامیاب انعقاد پر وزیراعظم اور آرمی چیف کو اظہار تشکر کا خط لکھنے کا فیصلہ۔نجی ٹی وی سماءکے مطابق پاکستان سپر لیگ کے لاہور میں فائنل کے بعد پی سی بی خوشی سے نہال ہے اور کامیاب انعقاد اور تعاون کرنے پر وزیراعظم میا ں نواز شریف اور آرمی چیف جنرل قمر جاوید باجوہ کو شکریہ کا خط لکھنے کا فیصلہ کیا ہے۔ پی سی بی حکام کا کہنا تھا کہ سیاسی شخصیات نے فائنل میں شرکت کرکے حوصلہ افزائی کی۔پنجاب حکومت ،تمام سکیورٹی اداروں اور اعلیٰ شخصیات کو بھی خط لکھنے کا فیصلہ کیا گیا ہے۔یاد رہے کہ گزشتہ شب پی ایس ایل فائنل میں پشاور زلمی نے کوئٹہ گلیڈی ایٹرز کو ہرا کر ٹرافی اپنے نام کی
