ایمزٹی وی( کھیل) بڑی مونچھوں والے حافظ آباد کے ’’چاچا ٹی 20‘‘ محمد زمان آسٹریلیا میں ورلڈ کپ کے دوران پاکستان ٹیم کی حوصلہ افزائی نہیں کرپائیں گے محمد زمان المعروف چاچا ٹی 20 کا کہنا ہے کہ بھارت سمیت کئی ممالک نے میگا ایونٹ کے لیے اخراجات برداشت کرنے کی پیشکش کی جسے ٹھکرا دیا لیکن اپنے ہی بورڈ نے منہ پھیر لیا، حالات اب اس قابل نہیں رہے کہ اپنی مدد آپ کے تحت آسٹریلیا اور نیوزی لینڈ جاسکوں۔
یاد رہے کہ محمد زمان قومی پرچم جیسا لباس زیب تن کر کے اسٹیڈیمز جاتے رہے ہیں، وہ اپنے مخصوص انداز سے دنیا بھر کے کرکٹ شائقین کی توجہ حاصل کر چکے ہیں، زمان اسٹیڈیمز میں پاکستان زندہ باد کے فلک شگاف نعرے لگاکر شائقین و پلیئرز کے حوصلے بڑھاتے ہیں
ایمز ٹی وی (اسپورٹس) قومی کرکٹ ٹیم کے میڈيا منیجر امجد حسین بھٹی کا کہنا ہے کہ میڈیا میں کھلاڑیوں کی فٹنس سے متعلق چلنے والی خبریں بے بنیاد ہیں، ٹیم کا کوئی کھلاڑی ان فٹ نہیں ہے اور نہ ہی کسی کے متبادل کافیصلہ کیا گیا ہے۔ نجی نیوز چینل سے بات کرتے ہوئے پاکستان کرکٹ ٹیم کے میڈیا منیجر کا کہنا تھا کہ میڈیا میں فٹنس کے حوالے سے چلنے والی خبروں میں کوئی صداقت نہیں ، نیوزی لینڈ میں موجود پاکستان کے کسی کھلاڑی کو کوئی انجری نہیں اور نہ ہی کسی کے متبادل کی درخواست کی گئی ہے۔
ایمز ٹی وی(کراچی) 100 انڈیکس 34 ہزار 5 سو 38 پوائنٹس پر بند۔اسٹاک مارکیٹ میں کاروبار کے آغاز سے ہی سرمایہ کاروں کی جانب سے حصص کی خریداری جاری رہی۔ شرح سود میں کمی کے بعد سرمایہ کار حصص کی خریداری میں دلچسپی لے رہے ہیں۔ انڈیکس میں اکہتر پوائنٹس کا اضافہ ریکارڈ کیا گیا اور کے ایس ای ہنڈریڈ انڈیکس چونتیس ہزار پانچ سو اڑتیس پوائنٹس کی بلند ترین سطح پر بند ہوا۔مارکیٹ میں مجموعی طور پر تئیس کروڑ ستاون لاکھ حصص کا کاروباری حجم رہا۔ اختتامی مراحل میں ایک سو چھیالیس کمپنیوں کے حصص میں اضافہ، دو سو تیرہ کمپنیوں کے حصص میں کمی جبکہ دس کمپنیوں کے حصص میں استحکام رہا۔
ایمز ٹی وی(کراچی) ناظم آباد میں واقع ایک نجی اسکول کو 30 لاکھ روپے بھتہ کی پرچی موصول ہوئی ہے ۔
ایمز ٹی وی (لاہور) تحریک انصاف کے چیرمین عمران خان کی جانب سے این اے 122 میں ووٹوں کی جانچ پڑتال کرنے والے کمیشن کے خلاف الیکشن ٹریبونل میں درخواست دائر کی گئی ہے۔ درخواست میں موقف اختیار کیا گیا ہے کہ ووٹوں کی جانچ پڑتال کرنے والے کمیشن نے دھاندلی کے ثبوت کو رپورٹ کا حصہ نہیں بنایا، ایسا کرکے لوکل کمیشن نے ٹریبونل کے حکم کی مکمل تعمیل نہیں کی، اس لئے الیکشن ٹریبونل سے درخواست ہے کہ وہ لوکل کمیشن کے معاملے کا نوٹس لے۔ الیکشن ٹریبونل نے این اے 122 میں ووٹوں کی جانچ پڑتال کے لئے کمیشن قائم کیا تھا جس نے انتخابی عمل میں بے ضابطگی کی تو تصدیق کی ہے تاہم اسے دھاندلی قرار دینے سے گریز کیا ہے۔
ایمز ٹی وی (فارن ڈیسک) سعودی عرب نے ہیروئن کی اسمگلنگ کے جرم میں پاکستانی شہری کا سر قلم کردیا۔ امسال ۳ پاکستانیوں سمیت ۱۱ افراد کے سر قلم کیے جاچکے ہیں۔ فرانسیسی خبر رساں ادارے اے ایف پی کے مطابق پیر کو شہر مکہ میں پاکستانی شہری یاسر عرفات کا سر قلم کیا گیا۔ سعودی وزارت داخلہ کے مطابق تفتیش کے دوران یاسر عرفات نے اپنے جرم کا اعتراف کیا تھا اور عدالتی کارروائی میں اسے سزائےموت سنائی گئی جبکہ انکا کہنا تھا کے حکومت منشیات کی روک تھام کے لیے کوششیں کر رہی ہے۔
ایمز ٹی وی (کراچی)جامعہ داود میں گذشتہ روز طلبہ تنظیموں کے درمیان تصادم کے باعث امتحانات ملتوی کردیے گیے،جامعہ داود کی انتظامیہ سے بار بار رابطہ کے باوجود انتظامیہ نے موقف دینے سے انکار کردیا ،امتحانات کے اچانک ملتوی ہوجانے سے طلبہ کو شیدد مشکلات کا سامنا ہے ،جبکہ جامعہ کی انتظامیہ کی جانب سے مکرزی دروازے پر سیمسٹر بریک کا نوٹس چسپاں کر دیا گیا ہے، انتظامیہ سے رابطے کی کوشش کے باوجود کوی موقف نہیں دیا جا رہا ہے ۔واضع رہے کہ گزشتہ روز دو طلبہ تنظیموں میں شدید تصادم ہوا تحا جسکے بعد انتظامیہ نے پرچہ ملتوی کردیا تھا ،زراع کے مطابق طلبہ تنظیموں میں تصادم پیپر میں نقل نہ کروانے پر ہوا تحا جبکہ طلبہ تنظیموں خوف سے انتظامیہ موقف دینے سے گریز کر رہی ہے
ایمز ٹی وی ( اسلام آباد) یکم فروری سے پیٹرول مصنوعات کی قیمتوں میں کمی کا امکان، وزارت خزانہ کے مطابق پیٹرول کی قیمت میں 10 روپے فی لیٹر ،جبکہ ہائی سپیڈ ڈیزل کی قیمت میں 8روپے 50 پیسے اور لائٹ سپیڈ ڈیزل کی قیمت میں 11 روپے فی لیٹر کمی کا امکان ہے.
ایمز ٹی وی (فارن ڈیسک): امریکی عدالت نے دوہرے قتل میں ملوث مجرم کو سزائے موت کا فیصلہ سنایا۔ جس پر عملدرآمد کرتے ہوئے زہریلا انجیکشن لگا کر مجرم کی زندگی کا خاتمہ کردیا گیا۔
غیر ملکی خبر رساں ادارے کے مطابق امریکی ریاست جوریا کی مقامی عدالت نے 2 افراد کے قتل میں ملوث54 سالہ مجرم کو سزائے موت دینے کا حکم دیا جس پر مجرم کے وکیل نے عدالت سے استدعا کی کہ 54 سالہ وارن ہل ذہنی مریض ہے اس لئے قانون کے مطابق سزائے موت نہیں دی جاسکتی جب کہ ڈاکٹروں نے بھی ہل کے ذہنی مریض ہونے کی تصدیق کی تاہم عدالت نے استدعا مسترد کردیا۔ جیل خانہ جات کی ترجمان کے مطابق وارن ہل کو عدالتی احکامات کی روشنی میں مقامی وقت کے مطابق رات 7 بجکر 55 منٹ پر زہریلا انجیکشن لگا کر اس کی زندگی کا خاتمہ کردیا گیا۔
دوسری جانب ،وکلا، یورپی یونین ، ڈاکٹرزاور معتبر شخصیات جس میں سابق امریکی صدر جمی کارٹر بھی شامل ہیں نے وارن ہل کی معافی کی عدالت سے درخواست کی تھی جب کہ عدالتی فیصلے پر عملدرآمد کے بعدجمی ہل کے وکیل کا کہنا تھا کہ سزائے موت پر عملدرآمد مکروہ فعل ہے اور وارن ہل کی موت ریاستی قوانین پر سیاہ دھبہ ہے۔
واضح رہے کہ وارن ہل پر 1990 میں اپنی محبوبہ اور اس کے ہمنوا کو قتل کرنے کا الزام تھا اور جرم ثابت ہونے پر اسے سزائے موت دی گئی تھی تاہم متعدد باراس کی اپیلوں پر اسے سزائے موت نہیں دی جاسکی تھی جب کہ امریکا کے قانون کے مطابق بھی ذہنی مریض مجرم کو سزائے موت دینا ممنوع ہے۔
ایمز ٹی وی (اسلام آباد) وزیر پانی و بجلی خواجہ آصف کا کہنا ہے کہ پاکستان میں بجلی اور گیس کا بحران ،عسکریت پسندوں کا ٹرانسمیشن لائن اور پائپ لائن پر حملہ کا نتجہ ہے۔ خواجہ آصف نے مزید کہا کہ مسلسل حملوں سے بجلی اور گیس کی فراہمی میں خلل آیا ہے۔ بجلی کی بحالی کیلئے امریکہ اور چین سے مدد لینا ضروری ہے۔