ایمز ٹی وی (فارن ڈیسک): امریکی عدالت نے دوہرے قتل میں ملوث مجرم کو سزائے موت کا فیصلہ  سنایا۔ جس پر عملدرآمد کرتے ہوئے  زہریلا انجیکشن لگا کر مجرم کی زندگی کا خاتمہ کردیا گیا۔

غیر ملکی خبر رساں ادارے کے مطابق  امریکی ریاست جوریا کی مقامی عدالت نے 2 افراد کے قتل میں ملوث54 سالہ مجرم کو سزائے موت دینے کا حکم دیا جس پر مجرم کے وکیل نے عدالت سے استدعا کی کہ 54 سالہ وارن ہل ذہنی مریض ہے  اس لئے قانون کے مطابق سزائے موت نہیں دی جاسکتی جب کہ ڈاکٹروں نے بھی ہل کے ذہنی مریض ہونے کی تصدیق کی تاہم عدالت نے استدعا مسترد کردیا۔ جیل خانہ جات کی ترجمان کے مطابق  وارن ہل کو عدالتی احکامات کی روشنی میں  مقامی وقت کے مطابق  رات 7 بجکر 55 منٹ پر زہریلا انجیکشن لگا کر اس کی زندگی کا خاتمہ کردیا گیا۔

دوسری جانب  ،وکلا، یورپی یونین ، ڈاکٹرزاور معتبر شخصیات جس میں سابق امریکی صدر جمی کارٹر بھی شامل ہیں نے وارن ہل کی معافی کی عدالت سے درخواست کی  تھی جب کہ عدالتی فیصلے پر عملدرآمد کے بعدجمی ہل کے وکیل کا کہنا تھا کہ سزائے موت پر عملدرآمد مکروہ فعل ہے اور وارن ہل کی موت ریاستی قوانین پر سیاہ دھبہ ہے۔

واضح رہے کہ وارن ہل  پر 1990 میں اپنی محبوبہ اور اس کے ہمنوا کو قتل کرنے کا الزام تھا اور جرم ثابت ہونے پر اسے سزائے موت دی گئی تھی تاہم متعدد باراس کی اپیلوں پر اسے سزائے موت نہیں دی جاسکی تھی جب کہ   امریکا کے قانون کے مطابق  بھی  ذہنی مریض مجرم کو سزائے موت دینا ممنوع ہے۔

ایمز ٹی وی (فارن ڈیسک) ہمارے ہاں اگرچہ پیٹرول کافی سستا ہو چکا ہے مگر ایک جگہ ایسی ہے کہ جہاں یہ تقریباً مفت مل رہا ہے۔ جنوبی امریکہ کے ملک وینزویلا میں پیٹرول کی قیمت تقریباً 5 پیسہ فی لیٹر ہے یعنی آپ ایک روپے میں 20 لیٹر خرید سکتے ہیں۔

 قیمت 0.2 امریکی سینٹ فی گیلن ہے، یعنی 20 پیسے میں ایک گیلن (تقریباً 3.78 لیٹر)۔ مزید دلچسپ بات یہ ہے کہ اس ملک میں تیل کی قیمت پچھلی دو دہائیوں سے بڑھائی نہیں گئی۔

آخری دفعہ تیل کی قیمت میں اضافہ 1989ءمیں کیا گیا تھا اور اس کے نتیجہ میں حکومت کو شدید عوامی احتجاج کا سامنا کرنا پڑا تھا۔ بعد میں کسی بھی حکومت نے احتجاج کے خوف سے قیمت نہیں بڑھائی۔

صدر ہوگو شاویز کے دور میں بھی عوام کو ہر شعبے میں بھاری سبسڈی دی گئی۔ ماہرین معیشت کا کہنا ہے کہ غیر حقیقی اور غیر منطقی سبسڈی جاری رکھنے کی وجہ سے اس ملک کی معیشت تباہ ہو گئی ہے۔

وینزویلا اپنی قومی آمدنی کا بڑا حصہ تیل فروخت کر کے کماتا ہے لیکن عالمی منڈی میں تیل کی قیمتوں میں بے پناہ کمی کے باعث اس ملک کے حالات مزید خراب ہو گئے ہیں اور اب دو دہائیوں کے بعد یہاں بھی قیمت میں اضافے پر غور کیا جا رہا ہے۔