ایمز ٹی وی ( انٹرٹینمنٹ )محبت ،رواداری اور امن کا پیغام پھیلانے کیلئے پنجاب یونیورسٹی لاہور میں صوفی نائٹ کا اہتمام کیا گیا، گلو کاروں نے صوفی کلام اس خوبصورت انداز میں سنایا کہ شرکا بے اختیار جھوم اٹھے۔ پنجاب یونیورسٹی کے ایگزیکٹو کلب میں سجی صوفی نائٹ میں گلوکاروں نے شاندار پرفارمنس کا مظاہرہ کیا،صوفیانہ شاعری کو جدید انداز میں پیش کر کے گلوکاروں نے خوب داد حاصل کی ۔ صوفیانہ کلام سے تقریب میں شریک غیرملکی مہمان بھی محظوظ ہوئے،تقریب میں پنجاب اور سندھ سمیت ملک بھر سے آئے لوک فنکاروں نے اپنے فن کا مظاہرہ کیا۔
ایمز ٹی وی( اںٹر ٹینمنٹ) نیشنل اکیڈمی آف پرفارمنگ آرٹس (ناپا )کے زیر اہتمام انٹر نیشنل تھیٹر اینڈ میوزک فیسٹیول کاآغاز 16مارچ سے کیاجائے گا ۔فیسٹیول میں ملکی وغیرملکی فنکار حصہ لیں گے۔ اس بات کااعلان ناپا کے ڈائریکٹر پروگرامز و ایڈمن ارشد محمود نے جمعرات کے روز ناپامیں پریس کانفرنس میں خطاب کرتے ہوئے کیا۔ اس موقع پر ڈائریکٹر زین احمد ، میوزک آف ہیڈ نفیس احمد ، اکبراسلام ، شیماکرمانی ، ندیم احمد ودیگر موجود تھے ۔ انہوں نے کہاکہ ناپا نے ہمیشہ باصلاحیت لوگوں کو مواقع فراہم کیے ہیں یہاں ہر زبان بولنے والوں کی صلاحیتوں کو اجاگر کیاجاتا ہے۔ انٹر نیشنل تھیٹر اینڈ میوزک فیسٹیول 16مارچ سے 2اپریل تک جاری رہے گا۔ ڈائریکٹر زین احمد نے بتایا کہ 24پروگرامز میں 5ڈرامے شامل ہیں۔ اس بار فیسٹیول میں نیپال ،فلسطین کے تھیٹر گروپز پہلی بار حصہ لے رہے ہیں جبکہ جرمنی ، امریکا اور اٹلی کے فنکار بھی اپنے اپنے فن کامظاہرہ کریں گے ۔ میوزک آف ہیڈ نفیس احمد ، شیماکرمانی نے بھی خطاب کیا۔
ایمز ٹی وی (انٹر ٹینمنٹ )کنگ کانگ ایکس مین کی کمائی روکنے کے لیے آگیا، کنگ کانگ کی اسکل آئی لینڈ دنیا کے مختلف ممالک میں نمائش کیلئے پیش کردی گئی۔ دنیا کے سب سے مشہور کرداروں میں سے ایک کنگ کانگ تباہی مچانے آگیا ہے، کنگ کانگ ایکس مین وولورین کی فلم ’لوگن‘ کی کمائی روکے گا یا لوگن کنگ کانگ کی اوپننگ کو پنجہ مارے گا اس بات کا فیصلہ پیر تک ہوجائے گا۔ اس وقت تک لوگن کا بزنس 30 ارب روپے سے زائد ہوچکا ہے۔