ممبئی:الی ووڈ اداکارگووندا کے بھانجے جنویندرا آہوجا کی لاش ان کے اپارٹمنٹ سے برآمد ہوئی ہے باور لاش کو پوسٹ مارٹم کے لیے اسپتال منتقل کردیا گیا ہے۔ بھارتی میڈیا کے مطابق اداکارگووندا کے 34 سالہ بھانجے جنویندرا آہوجا کی لاش آج صبح تقریباً ساڑھے 6 بجے پراسرار حالت میں ممبئی کے علاقے یاری روڈ میں ان کے اپارٹمنٹ سے برآمد ہوئی ہے۔ابتدائی اطلاعات کے مطابق جنویندرا کی لاش کو پولیس نے پوسٹ مارٹم کے لیے قریبی اسپتال منتقل کردیا ہے جب کہ موت کی وجہ تاحال سامنے نہیں آئی ہے۔ پولیس کا کہنا ہے کہ پوسٹ مارٹم رپورٹ آنے کے بعد ہی موت سے متعلق کچھ کہا جاسکتا ہے۔دوسری جانب گووندا کے بھانجے کامیڈین کرشنا ابھیشیک کی اہلیہ کاشمیرا شاہ نے جنویندرا آہوجا کی موت کی تصدیق کرتے ہوئے کہا ہے کہ ہم سب جنویندرا کی موت کی خبرسن کر صدمے میں ہیں تاہم انہوں نے اسے طبعی موت قرار دیا۔
ممبئی: سنجو بابا کے مداحوں کے لیے اچھی خبر ہے کہ 2019 میں سنجے دت کی ایک دو نہیں پوری 6 فلمیں ریلیز ہورہی ہیں۔ بالی ووڈ میں جہاں شاہ رخ، سلمان اورعامر خان نے سال میں صرف ایک یا دوفلمیں دینے کا فارمولا اپنایا ہوا ہے وہیں بالی ووڈ کے سنجو بابا رواں سال 6 فلمیں دینے کی تیاریوں میں ہیں۔ تین برس قبل جیل سے رہا ہونے کے بعد سنجے دت کی صرف دو فلمیں”بھومی“ 2017 میں اور”صاحب بیوی اور گینگسٹر3“ 2018 میں ریلیز ہوئی تھیں، لیکن یہ دونوں فلمیں باکس آفس پر خاص کامیابی حاصل نہیں کرسکیں۔ تاہم گزشتہ برس ریلیز ہونے والی فلم ”سنجو“ نے سنجے دت کے کیریئرکو ایک بار پھر آگے بڑھانے میں اہم کردار ادا کیا، گو کہ اس فلم میں سنجے دت کے بجائے رنبیر کپور نے مرکزی کردار ادا کیا تھا لیکن فلم”سنجو“ کا منابھائی کی شخصیت کے تاثر کو بہترکرنے میں بہت بڑا ہاتھ ہے۔اور اب سنجے دت بالی ووڈ کے سب سے مصروف اداکار بن گئے ہیں جن کی رواں سال 6 فلمیں”پرستھانم“، ”تربوز“،”پانی پت“، ”شمشیرا“، ”سڑک2“ اور ”کلنک“ ریلیز کی جائیں گی۔ ان فلموں میں سنجے دت سیاستدان، آرمی آفیسر اور افغانی کنگ کے کرداروں میں نظر آئیں گے۔ بھارتی میڈیا کے مطابق جیل سے رہا ہونے کے بعد سنجے دت کے رویے میں کافی تبدیلی آئی ہے وہ پہلے سے زیادہ دوستانہ اوراپنے کام کو لے کر سنجیدہ ہوگئے ہیں اس کے علاوہ وہ کوشش کرتے ہیں کہ سیٹ پر دوستانہ ماحول بنا رہے۔
نئی دہلی: مقبوضہ کشمیراورپنجاب کے بعد بھارتی دارالحکومت میں بھی اب پاکستان زندہ باد کے نعرے لگنا شروع ہوگئے ہیں۔ بھارت میں بڑھتے ہندو جنونیت اور جنگی اشتعال انگیزی کی وجہ سے جہاں مقبوضہ کشمیر میں آزادی کی تحریک رواں دواں ہے وہیں اب بھارت کے اپنے علاقوں میں پاکستان کے حق میں نعرے لگائے جارہے ہیں ایسا ہی ایک واقعہ بھارتی دارالحکومت میں پیش آیا جہاں ایک خاتون نے فوجی پریڈ کی ریہرسل کے دوران ہزاروں فوجیوں کی موجودگی میں پاکستان کے حق میں نعرے لگادیے۔
سڈنی: بھارتی کرکٹ ٹیم آسٹریلوی سرزمین پر ٹیسٹ سیریز جیتنے والی پہلی ایشیائی ٹیم بن گئی۔ سڈنی ٹیسٹ کے آخری روز بارش کی وجہ سے ایک بھی گیند نہ پھینکی جاسکی۔ سڈنی ٹیسٹ ڈرا ہونے کی وجہ سے بھارتی ٹیم نے چار میچز پر مشتمل یہ سیریز دو ایک سے اپنے نام کرلی۔ سڈنی ٹیسٹ کی پہلی اننگز میں بھارت نے پہلی اننگز 7 وکٹوں پر 622 رنز بناکر ڈیکلیر کردی تھی جواب میں میزبان ٹیم 300 رنز بناسکی۔ فالو آن کے بعد چوتھے روز کھیل کے اختتام پر آسٹریلوی ٹیم نے 6 رنز بنائے تھے۔
پانچویں روز وقفے وقفے سے بارش کا سلسلہ جار رہا، اس طرح سڈنی ٹیسٹ بغیر ہارجیت کے ختم ہوا۔بھارت نے ایڈیلیڈ ٹیسٹ اور میلبورن ٹیسٹ میں فتح پائی جب کہ پرتھ ٹیسٹ میزبان ٹیم کے نام رہا۔ 72 برسوں میں بھارتی ٹیم پہلی ایشیائی ٹیم ہے جس نے آسٹریلوی سرزمین پر سیریز اپنے نام کیہے۔ غیر معمولی کارکردگی پر چیتیسور پجارا کو مین آف دی میچ اور مین آف دی سیریز قرار دیابھارتی کپتان ویرات کوہلی نے ٹیسٹ سیریز میں کامیابی کو بہت بڑا کارنامہ انجام دیا ہے ان کا کہنا ہے کہ اس سیریز میں جیت سے بھارتی ٹیم کو ایک نئی پہچان ملی ہے۔ گھر کے شیر ہونے کا تاثر بھی اب بدل جائے گا۔
