ایمزٹی وی(انٹرٹینمنٹ) مسٹر پرفیکشنسٹ نئی فلم میں موسیقی کے استاد کا کردار نبھانے کے لئے تیار ہوگئے ہیں۔بالی ووڈ اداکار عامر خان کے مداح تیار ہوجائیں کیونکہ اب مسٹر پر فیکشنسٹ موسیقی بھی سکھاتے نظر آئیں گے۔
رپورٹس کے مطابق فلم دنگل کی عکس بندی مکمل ہونے کے بعد اب عامر خان نئی فلم میں موسیقی کے استار کا کردار نبھانے کے لئے تیار نظر آرہے ہیں۔
اس موقع پر عامر خان کا کہنا ہے کہ وہ ادویت چندن کی ہدایت کاری میں بننے والی اس فلم میں موسیقی کے استاد کا کردار ادا کریں گے، جو مختصر لیکن بہت خاص ہو گا۔
واضح رہے عامر خان کی ایکشن سے بھرپور نئی فلم 'دنگل رواں سال دسمبر میں نمائش کیلئے پیش کی جائے گی۔
ایمزٹی وی(انٹرٹینمنٹ) بالی ووڈ کے سلطان سپراسٹارسلمان خان فلموں کے بعد اب ویڈیو گیم میں مداحوں کو محظوظ کرتے نظر آئیں گے.
تفصیلات کے مطابق بالی ووڈ کے حقیقی سلطان سلمان خان کے مداح ان کے ساتھ ویڈیو گیم کھیلنے کے لیے ہوجائیں تیار،اداکار نے اپنا آفیشل ویڈیو گیم ’بِینگ سلمان‘ (Being Salman) لانچ کردیا ہے. ویڈیو گیم میں دبنگ خان کے 3 مشہور فلمی کردار،چلبل پانڈے، ٹائیگر اور پریم ناانصافی، برائی کا خاتمہ اور دشمنوں سے لڑتے نظر آئیں گے.
سلمان خان نے ٹوئٹر اکاؤنٹ پر اپنے مداحوں کے لیے گیم ’بِینگ سلمان‘ کی 30 سیکنڈز کی ویڈیو شیئر کی ہے جس میں وہ مداحوں کو گیم کھیلنے کی دعوت دیتے نظر آرہے ہیں.
سلمان خان نے ویڈیو میں بتایا کہ ’چل بل پانڈے‘ کا مقصد دنیا سے نا انصافی کو ختم کرنا ہے،’ٹائیگر‘ کا مقصد دنیا سے دہشت گردی ختم کرنا اور ’پریم‘ کا مقصد دنیا سے برائی کو صاف کرنا ہے.
واضح رہے کہ سلمان خان ان دنوں اپنی فلم ’ٹیوب لائٹ‘ بنانے میں مصروف ہیں جو اگلے سال عید کے موقع پر ریلیز کی جائے گی.
ایمزٹی وی(انٹرٹینمنٹ) اداکار ، ماڈل اور ہدایتکار شان شاہد نے اپنے والد ریاض شاہد کے نقش قدم پر چلتے ہوئے ملکی فلموں کی کہانیاں لکھنے کا فیصلہ کرلیا ۔ جس کی ابتدا انہوں نے فلم ارتھ 2 کے سکرپٹ سے کردی ہے ،اس فلم سے بطور ہدایتکار شان کی فلم انڈسٹری میں واپسی 7 برس بعد ہوگی۔
2009 میں آخری بار انہوں نے فلم ’’ظل شاہ ‘‘کی ڈائریکشن دی تھی دوسری ذاتی فلم ’’ضرار ‘‘ کا سکرپٹ بھی ان کے زور قلم کا نتیجہ ہے مختلف فلمسازوں نے شان سے بطور رائٹر اپنی فلموں کے سکرپٹ کیلئے رابطے کئے ہیں ، فی الحال وہ اپنی زیر تکمیل فلموں کو مکمل کرانے اور ذاتی فلموں کی کہانیاں لکھنے کے خواہشمند ہیں ان فلموں کی عکسبندی کیلئے وہ رواں ماہ کے تیسرے ہفتے لندن جارہے ہیں جس میں ان کے ہمراہ فلم ’’ ارتھ 2 ‘‘ کے فنکار محب مرزا، عظمیٰ حسن،حمائمہ ملک اور فلم ’’ ضرار ‘‘کے فنکار کرن خان، عدنان بٹ و دیگر ٹیم شامل ہے ۔ذرائع نے انکشاف کیا کہ سنٹرل لندن میں وہ فلم ارتھ 2 کا آخری سپیل شوٹ کرینگے جو 10 روز تک جاری رہے گا جس کے بعد مذکورہ فلم کا کیمرہ کلوز ہوجائیگا ایک ہفتے تک وہ پاکستانی کمیونٹی ، سینما ، فلم ٹریڈ کی جانب سے ہونے والے ایونٹس میں شرکت کریں گے اورملاقاتیں کرکے ملکی فلم انڈسٹری کے فروغ کیلئے مستقبل کی منصوبہ بندی مشترکہ طور پرترتیب دینے کا ارادہ رکھتے ہیں،اس کے بعد آخر میں وہ فلم ’’ضرار ‘‘ کا خصوصی سپیل شوٹ کریں گے ۔جس میں کرن خان، شان اور عدنان بٹ کا کام فلمایا جائے گا۔فلم ارتھ 2 کی ریلیز کا شیڈول بھی فلم کے پروڈیوسرز شان ، علی مرتضیٰ اور حماد چودھری لندن میں ہی مشترکہ طور پر ترتیب دیں گے ۔
ذرائع نے انکشاف کیا کہ مذکورہ فلم کی نمائش کے موقع پر بھارتی ہدایتکار مہیش بھٹ نے بھی پاکستان آنے میں دلچسپی ظاہر کی ہے ان کے علاوہ دیگر بھارتی فنکاروں کی بھی آمد متوقع ہے ۔واضح رہے فلم ارتھ ،بھارت میں ہدایتکار مہیش بھٹ نے 90 کی دہائی میں بنائی تھی جس کا پاکستانی ورژن ہدایتکار شان بنارہے ہیں جس کے حقوق پہلی بار کسی پاکستانی فلمساز نے بھارتی فلمساز سے خریدے ہیں۔
ایمزٹی وی (انٹرٹینمنٹ)بالی ووڈ اداکار ورن دھون نے پاکستان آنے کی خواہش کا اظہار کردیا ورن دھون نے ایک تقریب کے دوران فلم کی شوٹنگ کے حوالے سے اپنا ایک تجربہ شیئر کیا اور پاکستان آنے کی خواہش کا اظہار بھی کردیا۔ورن کا کہنا تھا میں فلم کی شوٹنگ کے لیے 55یا 60دنوں تک ابوظہبی میں رہا میرا ڈرائیور پاکستانی تھا جس کا تعلق اسلام آباد سے تھا ان کی عمر 65سال کی تھی اور میں ان سے بے حد متاثر ہوا میں جب بھی ان سے ہندوستان اور پاکستان کے حوالے سے سوال کرتا وہ مجھے یہی جواب دیتے کہ دونوں کے درمیان ایسا کوئی مسئلہ نہیں ہے۔
ورن نے کہا کہ وہ مجھے کھانے کی بھی بہترین جگہوں پر لے کر جاتے جب کہ انھیں فلم میں عربی کے کچھ جملے بولنے تھے اور انھوں نے اس کے لیے وہاں موجود اپنے ڈرائیور سے مدد بھی لی ۔ورن نے پاکستان ا آنے کی خواہش کا اظہار کرتے ہوئے کہا کہ حال ہی میں ہمارے وزیراعظم نریندر مودی نے پاکستان کا دورہ کیا تھا اور ایک دن وہ بھی پاکستان ضرور آنا چاہیں گے۔
ایمزٹی وی (انٹرٹینمنٹ)بالی ووڈ میں مسٹر پرفیکشنسٹ کے نام سے مشہور سپر اسٹار عامر خان نے اپنی قریبی دوست اداکارہ کرینہ کپور کو حمل کے دوران صحت کے حوالے سے مشورے دینا شروع کردیئے۔بالی ووڈ اسٹار عامر خان جاندار اداکاری کے ساتھ ساتھ دوستی کے حوالے سے بھی مشہور ہیں یہی وجہ ہے کہ وہ اپنے دوستوں کی مدد کے لیے بھی حاضر رہتے ہیں جب کہ گزشتہ دنوں بھی مسٹر پرفیکشنسٹ نے سب کے سامنے اپنی قریبی دوست اداکارہ کو دوران حمل صحت کے حوالے سے مشورہ دے دیئے۔ اس خبر کو بھی پڑھیں:سیف علی خان نے کرینہ کپور کے حاملہ ہونے کی تصدیق کردی میڈیا رپورٹس کے مطابق اداکارہ کرینہ کپور ممبئی کے اسٹوڈیو میں اشتہار کی شوٹنگ میں مصروف تھیں کہ فلم نگری کے مسٹر پرفیکشنسٹ بھی اچانک وہاں پہنچ گئے جس پر انہوں نے اپنی قریبی دوست اداکارہ کے ساتھ کافی وقت گزارا جب کہ دونوں اداکاروں نے ایک ساتھ کھانا بھی کھایا جس کے بعد4 ماہ کی حاملہ بیبو نے کافی پینے کی خواہش کی تو عامر خان نے کافی پینے سے منع کرتے ہوئے دوران حمل احتیاطی تدابیر کے مشورے دے ڈالے۔ عامر خان نے کرینہ کو حمل کے دوران ٹھوس غذا کے استعمال کا بھی مشورہ دیا جس پر اداکارہ نے خوشی کا اظہار کرتے ہوئے ان کے مشوروں پر عمل کرنے کا وعدہ کیا۔ اس خبر کو بھی پڑھیں:ڈاکٹروں نے کرینہ کپورکے ہاں بیٹے کی پیدائش کی نوید سنادی واضح رہے کہ اداکارہ کرینہ کپور خان نے عامر خان کے ساتھ فلم ’’تھری ایڈیٹس‘‘ میں مرکزی کردارادا کیا تھا۔
ایمز ٹی وی(انٹرٹینمٹ)بالی ووڈ اداکار سریش چٹوال نے فنی کیرئیر کا آغاز 1969 میں ریلیز ہونے والی فلم ”راکھی راکھی“ سے کیا جس کے بعد وہ سلور اسکرین کے علاوہ چھوٹے پردے پر اداکاری کے جوہر دکھاتے رہے جب کہ انہوں نے سپر ہٹ فلموں ”کرن ارجن“، ”کوئلہ“ اور ”منا بھائی ایم بی بی ایس“ میں بھی اہم کردار نبھا کر کرداروں کو ہمیشہ کے لیے زندہ کردیا تاہم بھارتی فلم نگری کے لیجنڈری اداکار اب اس دنیا میں نہیں رہے۔
بالی ووڈ اداکار سریش چٹوال طویل علالت کے بعد ممبئی میں انتقال کرگئے جن کی آخری رسومات بھی ادا کردی گئی ہیں جب کہ ان کے انتقال کی خبر ان کے بیٹے نے سماجی رابطے کی ویب سائٹ ٹوئٹر کے ذریعے دی جس کے بعد کئی نامور فلمی ستاروں نے ان کے انتقال پر دکھ کا اظہار کیا ہے۔
ایمز ٹی وی(انٹرٹینمنٹ) ادا کار سلمان خان نے اپنی فلم ’سلطان‘ کی شوٹنگ کا تجربہ بیان کرتے ہوئے بتایا ہے کہ فلم کی عکس بندی کے دوران سب سے زیادہ مشکل لنگوٹ پہننے میں ہوئی۔سلمان خان نے بتایا کہ پھر انھوں نے لنگی پہنی اور لوگوں کے قریب جاکر انھیں چلانے سے منع کیا۔فلم میں پہلوان کا کردار کرنے والے سلمان خان نے بتایامجھ سے کہا گیا کہ میں جانگیہ پہن کر شوٹنگ کر سکتا ہوں تب میں نے کہا کہ اصلی پہلوان تو لنگوٹ پہنتے ہیں تو میں بھی لنگوٹ ہی پہنوں گا۔سلمان نے مزید کہامیں لنگوٹ پہن کر سیٹ پر گیا تو دیکھا پانچ ہزار لوگ کھڑے تھے اور مجھے دیکھتے ہی ’بھائی بھائی‘ چلانے لگے تب جاکر مجھے لگا ارے یہ تو گڑ بڑ ہو گئی۔
ایمز ٹی وی(انٹرٹینمنٹ) معروف اداکار عدنان صدیقی نے بھی بالی وڈ میں قدم رکھ دیا، گذشتہ دنوں انھوں نے اپنی پہلی بالی وڈ فلم ”مام“کی شوٹنگ مکمل کرادی۔کراچی کے مقامی ہوٹل میں ان کا کہنا تھا کہ بالی وڈ سے ماضی میں متعدد آفرز آتی رہی ہیں لیکن اس فلم کی کہانی نے دل کو چھو لیا، فلم کی کہانی سے متعلق زیادہ نہیں بتاسکتا لیکن فلم میں سری دیوی کے شوہر کا کردار ادا کررہا ہوں جب کہ پاکستانی اداکارہ سجل علی بھی فلم کا حصہ ہیں۔
عدنان صدیقی نے کہا کہ فلم میں کام کرنے کا تجربہ بہت خوشگورا رہا، جارجیا میں شوٹنگ کرنے کے دوران کافی مزہ آیا، بالی وڈ تکنیکی طور پر ہم سے بہت آگے ہے ہمیں ان کی پیروی کے بجائے اپنا سینما بنانے کی ضرورت ہے۔
ایمز ٹی وی (انٹرٹینمنٹ)اداکار و پروڈیوسر ہمایوں سعید کا کہنا ہے کہ پاکستان میں بھارتی فلموں کی مارکیٹ ختم ہورہی ہے ،ہمیں اپنی فلموں کو معیاری اور بہتر بنانے کی ضرورت ہے۔
ایک انٹرویو کے دوران ان کا کہنا تھا کہ ہمیں متحد ہوکر اپنی فلموں کی حکمرانی قائم کرنا چاہیے۔انھوں نے کہا کہ اب مسلسل بھارتی فلموں کے فلاپ ہونے سے پاکستان میں بھارتی فلموں کی مارکیٹ ختم ہورہی ہے ہمیں اس موقع سے فائدہ اٹھاکر اپنی فلموں کا معیار بہتر کرنا ہوگا۔ان کا یہ بھی کہنا تھا کہ ماضی میں ہم نے کچھ بے مقصد فلمیں بناکر بہت نقصان اٹھایا ہے اب ہمیں عالمی معیار کی فلمیں بنانا ہوں گی۔
ایمزٹی وی (انٹرٹینمنٹ) ایک ہی فلم میں ہالی وڈ کے مشہور کامک کردار سپرمین اور بیٹ مین مدمقابل آرہے ہیں۔
ہالی ووڈ کی سپرہٹ فلم ‘مین آف اسٹیل’ کے سیکئول ‘بیٹ مین ورسزسپرمین’ کےٹریلرنے پہلے ہی دھوم مچارکھی ہے۔
فلم کی کہانی کامک دنیا کے تین مشہور سپر ہیروز بیٹ مین ، سپرمین اور ونڈر ویمن کے گرد گھومتی ہے، فلم میں دونوں بڑے ہیرو بیٹ مین اورسپرمین آپس میں دست و گریباں نظر آئیں گے۔
فلم کی مرکزی کاسٹ میں بین ایفلک، ہنری کیول، اور گیل گاڈوشامل ہیں۔ ایکشن اورتھرل سے بھرپور فلم 25 مارچ سے سنیما گھروں میں نمائش کی لیے پیش کی جائے گی