ھفتہ, 24 فروری 2024


جامعہ کراچی آن لائن داخلے برائے سال 2024 ء کاآغاز

کراچی: جامعہ کراچی کے تحت بی ایس،بی ایڈ(آنرز)،ڈاکٹر آف فارمیسی اور بی ای آن لائن داخلے برائے سال 2024 ء کا آغازہوچکا ہے۔

انچارج ڈائریکٹوریٹ آف ایڈمیشنز جامعہ کراچی ڈاکٹر صائمہ اختر کے مطابق بی ایس،بی ایڈ(آنرز)،اسپورٹس بزنس مینجمنٹ، بی ای (مارننگ پروگرام) اورڈاکٹر آف فارمیسی (مارننگ وایوننگ پروگرام) آن لائن داخلے برائے سال 2024 ء کا آغاز ہوگیاہے۔خواہشمند طلبہ داخلہ فارم 08 نومبر2023 ء تک آن لائن جمع کراسکتے ہیں۔

ڈاکٹر صائمہ اختر کے مطابق رواں سال سے چارسالہ نئے بی ایس ڈگری پروگرام بی ایس اِن اسپورٹس بزنس مینجمنٹ کا آغازکیاگیا ہےبی ایس ڈگری پروگرام بی ایس اِن اسپورٹس بزنس مینجمنٹ پاکستان بھر میں اپنی نوعیت کا پہلاڈگری پروگرام ہے جس کا آغازاس سال جامعہ کراچی سے ہورہاہے۔

بی ایس پروگرام میں اپلائیڈ کیمسٹری اینڈ کیمیکل ٹیکنالوجی،اپلائیڈ فزکس،بائیوٹیکنالوجی،بزنس ایڈمنسٹریشن،بی ایس چائنیز، کامرس، کمپیوٹرسائنس،کرمنالوجی، ڈاکٹر آف فزیکل تھراپی، ایجوکیشن، انوائرمینٹل اسٹڈیز، فوڈ سائنس اینڈ ٹیکنالوجی،ہیومن نیوٹریشن اینڈ ڈائیٹیٹیکس،انٹرنیشنل ریلیشنز،ماس کمیونیکیشن،پیٹرولیم ٹیکنالوجی،پبلک ایڈمنسٹریشن،اسپیشل ایجوکیشن اوراسپورٹس بزنس مینجمنٹ شامل ہیں جبکہ بی ای میں کیمیکل انجینئرنگ اور بی ایڈ آنرز میں ٹیچرایجوکیشن شامل ہیں۔ان تمام شعبہ جات میں داخلے ٹیسٹ کی بنیاد پر دیئے جائیں گے۔

واضح رہے کہ مخصوص نشستوں اور سیلف فائنانس پر داخلے کے خواہشمند طلبا وطالبات کو ہدایت کی جاتی ہے کہ وہ ڈاکٹر آف فارمیسی (مارننگ وایوننگ پروگرام)، ڈاکٹر آف فزیکل تھراپی اور دیگر داخلہ ٹیسٹ والے شعبہ کا داخلہ فارم جمع کرائیں اور داخلہ ٹیسٹ میں لازماً شرکت کریں بصورت دیگر انہیں داخلے کے لئے اہل نہیں سمجھا جائے گا۔

پرنٹ یا ایمیل کریں

Leave a comment