ایمز ٹی وی (گلگت بلتستان )گلگت بلتستان سمیت بالائی علاقوں میں برفباری اور بارش سے سردی کی شدت مزید بڑھ گئی ہے۔ادھر محکمہ موسمیات کے مطابق آئندہ 24گھنٹوں کے دوران مالاکنڈ، ہزارہ، مردان، پشاور، ، لاہور، اسلام آباد، گلگت بلتستان اور کشمیر میں چند مقامات پر بارش کا امکان ہے۔مالاکنڈ ڈویڑن اور گلگت بلتستان کے بالائی علاقوں چترال ، دیامر اور غذر ، استور کے میدانی علاقوں میں بارش اور پہاڑوں پر برفباری کا سلسلہ وقفے وقفے سے جاری ہے جسکی وجہ سردی بڑھتی جارہی ہے۔ کشمیر اور ملکہ کوہسار مری میں بھی وقفے وقفے سے بارش جاری ہے۔کوہاٹ شہر اور گردونواح میں گزشتہ روز کی بارش اور ڑالہ باری سے سڑکوں اور مکانات کو کافی نقصان پہنچااور متعدد افراد زخمی ہوگئے۔ سندھ اور بلوچستان کےشہروں کا موسم خشک ہے۔