ایمز ٹی وی (کراچی) کراچی کے علاقے بنارس کالونی میں رینجرز نے آپریشن کرکے کالعدم تنظیم کے دو کارندوں سمیت گیارہ افراد کو حراست میں لےکراسلحہ بھی برآمدکرلیا، رینجرز ترجمان کے مطابق ڈی جی رینجرز کی ہدایت پر شہر میں امن وامان قائم کرنے کے لئےبنارس کالونی میں علی الصبح ٹارگیٹڈ آپریشن کیا گیا۔ آپریشن میں رینجرز کی خواتین اہلکاروں سمیت تین سو اہلکاروں نے حصہ لیا۔ آپریشن کے دوران علاقے کے داخلی و خارجی راستوں کو سیل کرکے گھر گھر تلاشی لی گئی۔سرچ آپریشن کے دوران گیارہ افراد کو حراست میں لے کر چوبیس مختلف اقسام کے متعدد چھوٹے بڑے ہتھیار برآمد کر لئے ہیں۔

ایمز ٹی وی (کراچی) پشاورمیں افغان مہاجرین اور کراچی میں بوہری جماعت نے نماز عیدالاضحی ادا کر دی،سنت ابراہیمی پر عمل کرتے ہوئے قربانی بھی کی گئی ۔ پاکستان کے قبائلی علاقوں اور پشاور میں رہائش پذیر افغان مہاجرین بھی آج عید منارہے ہیں ۔ خیبر ایجنسی کی تحصیل باڑہ میں بھی آج نماز عید الاضحیٰ ادا کر دی گئی جبکہ جمرود اور لنڈی کوتل میں کل عید منائی جائے گی ۔ پاکستان میں داؤدی بوہرا جماعت بھی آج عید الاضحی منا رہی ہے ۔ کراچی میں بوہرا جماعت کا نماز کا سب سے بڑا اجتماع طاہری مسجد صدر میں ہوا ۔ اس کے علاوہ شہر قائد میں آدم مسجد نزد سٹی کورٹ ، سولجر بازار ، حیدری ، شبیر آباد سمیت کئی مقامات پر عید الاضحٰی کی نماز ادا کی گئی۔ واضح رہے کہ نماز عیدالاضحٰی کے موقع پر مساجد کے اطراف سیکورٹی کے سخت اقدامات کئے گئے تھے۔

ایمز ٹی وی(سکھر)سکھر ایئرپورٹ پر میڈیا سے گفتگو کرتے ہوئےقائد حزب اختلاف خورشید شاہ نے کہا ہے کہ وزیراعظم سے کوئی زبردستی استعفیٰ نہیں لے سکتا، اگر کسی دوسرے طریقے سے وزیراعظم کو ہٹایا گیا تو وہ غیر آئینی ہوگا۔ پاکستان ہماری پہچان ہے، اسے مٹائیں گے تو خود مٹ جائیں گے۔جاوید ہاشمی کے بیانات کی تحقیقات ہونی چاہئے۔ خوشید شاہ کا کہنا تھا کہ اگر عمران خان کو وزیراعظم بننا ہے تو میرے پاس آئے میں ان کے ساتھ پیدل نواز شریف کے پاس جاؤں گا اور نواز شریف کو کہوں گا کہ عمران خان کو اپنے ووٹوں سے وزیراعظم بنادے۔ انھوں نے کہا کہ اگر عوام دھرنوں کی سیاست کو نہیں سمجھے تو پاکستان کا اللہ ہی حافظ ہے۔ لوگوں کو احساس نہیں کہ آمروں کی وجھ سے کروڑوں افراد بے روزگار ہیں۔ ان کا کہنا تھا کہ اگر ادارے کمزور ہونگے تو انتہاپسند گروپ طاقتور ہونگے۔

ایمز ٹی وی (اسلام آباد) اسلام آباد میں ڈی چوک پر دھرنے کے شرکا سے خطاب کرتے ہوئےچیرمین تحریک انصاف عمران خان نے کہا ہے کہ ہمارے یہاں سے اٹھنے کےبعد نوازشریف یوٹرن لیں گے اور دھاندلی کی تحقیقات کا کوئی نتیجہ نہیں نکلے گا اس لیے آج بھی اپنی بات پر قائم ہوں اور نوازشریف کے استعفیٰ تک واپس نہیں جاؤں گا،جبکہ عوام بھی اپنے حقوق کے لیے نکلنے کو تیار ہیں۔ عمران خان نے کہا کہ مجھ پر لندن پلان کا الزام لگایا جاتا ہے لیکن کوئی پاگل ہی ہوگا جو لندن میں بیٹھ کر ماسٹر پلان بنائے گا۔ انھوں نےکہا کہ انہوں نے کہا کہ بیرون ملک مقیم پاکستانی تیار ہوجائیں انہیں پاکستان کے لیے کام کرنا ہے، ہم اس ملک سے غربت کا خاتمہ کردیں گے کیونکہ قوم اب جاگ چکی ہے۔