ایمز ٹی وی(اسپورٹس) کوئٹہ گلیڈی ایٹرز کے کپتان سرفراز احمد کا کہنا ہے کہ ہمارے کھلاڑی حریف سے خوف زدہ نہیں ہوتے،کھلاڑیوں نے محنت سے کام کیا باولرز نے اچھی کارکردگی دکھائی۔
تفصیلات کے مطابق میچ کے بعد اپنے خیالات کا اظہار کرتے ہوئے ان کا کہنا تھا کہ میچ کی جیت پر میں اللہ کابہت شکر گزار ہوں ،احسان خان نے نامور کھلاڑی کرس گیل کے خلاف اچھی باولنگ کی جبکہ محمود اللہ نے بھی اچھی باولنگ کا مظاہرہ کیا ۔ٹیم کے تمام کھلاڑیوں نے جان ماری اور اپنی پرفارمنس دکھائی۔
ان کا کہنا تھا کہ ہمارے کھلاڑی حریف سے خوف زدہ نہیں ہوتے ،گراونڈ میں پوری طرح مقابلہ کرتے ہیں۔ کپتان سرفراز احمد نے گراونڈ میں موجود اپنے سپورٹرز کا بھی شکریہ ادا کیا۔