ایمزٹی وی(کراچی) کراچی کے علاقے اسٹیل ٹاﺅن لنک روڈ کے قریب سے چار افراد کی لاشیں ملی ہیں ۔
میڈیا رپورٹس کے مطابق پولیس نےاسٹیل ٹاﺅن لنک روڈ کے قریب سے تین افراد کی لاشیں برآمد کی ہیں جنہیں سر پر گولیاں مار کر قتل کیا گیا ہے ۔
ایس ایس پی ملیر راﺅ انوار کا کہنا ہے کہ چاروں افراد کے جسم پر تشدد کا کوئی نشان موجود نہیں ہے تاہم انہیں سر پر گولیاں مار کر قتل کیا گیا ہے ۔
انہوں نے مزید کہا کہ چاروں افراد کی داڑھیاں ہیں تاہم ابھی تک انکی شناخت نہیں ہو سکی ، لاشیں شناخت اور پوسٹ مارٹم کیلئے ہسپتال منتقل کر دی گئی ہیں۔