ایمز ٹی وی(فیصل آباد) اینٹی نارکوٹکس فورس کے تعاون سے فیصل آباد کی نیشنل ٹیکسٹائل یونیورسٹی میں اینٹی اسموکنگ سیمینار اور واک کا انعقاد کیا گیا۔ اس سیمینار میں اے این ایف (اینٹی نارکوٹکس فورس) کے ڈائریکٹرکاشف مشتاق کا خطاب کرتے ہوئے کہنا تھا کہ اے این ایف ملک سے منشیات کے خاتمہ کے لیئے بھر پور اقدامات کر رہی ہے۔ اسکے علاوہ غیر قانونی طور پر اسمگل ہونے والی منشیات کے خلاف آپریشن اور عوام میں تمباکو نوشی کے نقصانات کے بارے میں آگاہی پر مبنی الگ الگ پروگرام چل رہے ہیں منشیات فروشی کے دھندے میں ملوث افراد کے خلاف قانونی کارروائی کرتے ہوئے انھیں سزائیں بھی دلوائی جاتی ہیں ۔