ایمزٹی وی (تعلیم)تحریک انصاف کے رہنما اوررکن قومی اسمبلی اسدعمر نے کہاہے کہ پمز کو شہید ذوالفقارعلی بھٹو یونیورسٹی سے علیحدہ کر انے میں بھرپورکردار اداکروں گا تفصیلات کے مطابق گزشتہ روز پمز نان گزیٹڈ ایمپلائز ویلفیئر ایسوسی ایشن اورجوائنٹ ایکشن کمیٹی پمزکے مشترکہ اجلاس سے خطاب کرتے ہوئے انہوں نے کہاکہ قومی اسمبلی کی قائمہ کمیٹی کے چیئرمین رانا حیات سے اس سلسلے میں بات کروں گا جبکہ نان گزیٹڈ ایسوسی ایشن کے سیکرٹری اطلاعات ملک تنویر نوشاہی نے کہاکہ صحت کے اتنے بڑے ادارے کو یونیورسٹی میں ضم کرنے سے ملازمین شدید پریشانی کا شکار ہیں ،جوائنٹ ایکشن کمیٹی کے چیئرمین سید منظر عباس نقوی نے درپیش مسائل پر تفصیلی روشنی ڈالی۔ ،اسد عمرنے تمام مطالبات حل کرنے میں اپنا کرداراداکرنے کی یقین دہانی کرائی۔اجلاس سے رضوان کیانی، ملک طاہر اعوان،آفتاب مغل،فخرعباس،پرویز پطرس ،آفتاب زمان اور ملک محمد رفیق ودیگر نے خطاب کیا۔