ایمز ٹی وی (تعلیم /کراچی )جناح سندھ میڈیکل یونیورسٹی اور آغا خان یونیورسٹی اسپتال کے تحت3روزہ بین الاقوامی میڈیکل ایجو کیشن کانفرنس شروع ہو گئی ہے۔
گزشتہ روز کانفرنس کے پہلے روزجناح سندھ میڈیکل یونیورسٹی ، آغا خان یونیورسٹی ، بحریہ یونیورسٹی ، ضیاء الدین میڈیکل یونیورسٹی ، التمش ڈینٹل کالج، یونائیٹڈ میڈیکل اینڈ ڈینٹل کالج ،کراچی انسٹیٹیوٹ آف میڈیکل سائنسز میں 50ایجوکیشنل ورکشاپس ہوئی ہیں، جس میں ماہرین نے تحقیق کی اہمیت پر روشنی ڈالی ۔
آج وزیراعلیٰ سندھ سید مراد علی شاہ کانفرنس میں شرکت کریں گے اور خطاب کریں گے جبکہ صوبائی وزیر صحت ڈاکٹر سکندر میندرو، ہائیر ایجوکیشن کمیشن کے چیئرمین ڈاکٹر مختار احمد ، پاکستان میڈیکل اینڈ ڈینٹل کونسل کے صدر ڈاکٹر شبیراحمد لہڑی ، کالج آف فزیشنز اینڈ سرجنز پاکستان کے صدر ڈاکٹر ظفر اللہ چوہدری سمیت نامور شخصیات شرکت کریں گی۔
جناح سندھ میڈیکل یونیورسٹی کی پرووائس چانسلر پروفیسر لبنیٰ بیگ کے مطابق یہ کانفرنس ملک میں میڈیکل ایجوکیشن کی بہتر ی میں اہم ثابت ہوگی ۔ اس میں امریکا ، برطانیہ ، جینیوا، آسٹریلیا ، سعودی عریبہ سمیت دیگر کئی ممالک سے ماہرین شرکت کررہے ہیں ۔