ایمز ٹی وی (تعلیم /کراچی) وفاقی اردو یونیورسٹی کے ناظم امتحانات غیاث الدین احمد کے مطابق بی ایل، ایل ایل ایم (سال اول و دوم)اور ایل ایل بی (سال آخر ) کے امتحانات کا آغاز13مارچ سے ہوگا۔
بی ایل ، سال اول کا پہلا پیپر اصول قانون ، ایل ایل ایم سال اول کا پیپروساتیر عالم کا تقابلی جائزہ اور ایل ایل بی سال آخر کا پیپر مجموعہ ضابطہ دیوانی و میعادِ سماعت 13مارچ کو ہوگا جبکہ بی ایل سال دوم کا پہلا پیپر قانون دستوریII اورایل ایل ایم سال دوم کا پیپرقانون بین الاقوامی 14مارچ سے شروع ہوں گے۔
تمام امتحانات کے اوقات کار دوپہر ڈھائی بجے سے شام ساڑھے پانچ بجے تک ہے اور امتحانی مرکز گلشن اقبال کیمپس شعبہ نظمیات کاروبار بنایا گیا ہے۔