Displaying items by tag: india

ایمز ٹی وی(سری نگر)مقبوضہ کشمیر میں انسانی حقوق کی مقامی تنظیم وائس آف وکٹمزنے بھارتی فوج اور پویس کے ہاتھوں لوگوں کی بلا جواز گرفتاری، انھیں جسمانی وذہنی تشدد کا نشانہ بنانے اور گھروں پرچھاپوں کے حوالے سے ایک رپورٹ جاری کی ہے،رپورٹ میں کہا گیا ہے کہ مقبوضہ وادی میں کشمیریوں کے خلاف بھارتی فوج کے مظالم، زیادتیاں جاری ہیں اور 2008 سے 2014 کے دوران بھارتی پولیس نے 5000سے زائد کشمیری نوجوانوں کے خلاف مقدمات درج کیے اور ان کے والدین سے منہ مانگی رقوم وصول کیں۔ جنوری 2005سے جنوری2015کے دوران مقبوضہ علاقے میں بھارتی پولیس، اسپیشل ٹاسک فورس اور سینٹرل ریزرو پولیس فورس نے مقبوضہ وادی کشمیر خاص طور پرسری نگر، بارہ مولہ، سوپور، شوپیاں، پلوامہ، ترال، کولگام اور ضلع اسلام آبادکے علاقوں میں نوجوانوں کو بڑے پیمانے پر تشدد کا نشانہ بنایا

ایمز ٹی وی(اسپورٹس ڈیسک)اس ورلڈ کپ میں ہندوستان نے اب تک 3 میچز کھیلے ہیں اور تینوں میں فتح سے ہمکنار ہو کر گروپ بی میں پہلے نمبر پر ہے جبکہ ویسٹ انڈیز نے اب تک 4 میچز کھیلے ہیں جس میں پاکستان کو 150 رنز اور زمبابوے کو 73 رنز سے شکست دے کر 2 میچز میں کامیابی حاصل کی ہے۔ویست انڈیز کو جنوبی افریقہ اور آئرلینڈ کے ہاتھوں شکست کا سامنا کرنا پڑا ہے۔یاد رہے کہ آج تک ہندوستان اور ویسٹ انڈیز کے درمیان کھیلے گئے بین الاقوامی ایک روزہ میچز کی تعداد 115 ہے جس میں ویست اندیز کا پلڑا بھاری ہے۔

ویسٹ انڈیز نے 60 میچز جبکہ ہندوستان نے 52 میچز میں کامیابی حاصل کی۔

اگر ورلڈ کپ ٹورنامنٹس کی تاریخ پر نظر ڈالی جائے تو پتا چلتا ہے کہ ورلڈ کپ 1979 میں ویسٹ انڈیز نے ہندوستان کو 9 وکٹوں سے، ورلڈ کپ 1983 میں 66 رنز سے ، ورلڈ کپ 1992 میں 6 وکٹوں سے شکست دی ۔ہندوستان نے ورلڈ کپ 1983 کے فائنل میں ویسٹ انڈیز کو 80 رنز سے شکست دے کر ورلڈ کپ اپنے نام کیا تھا۔1996 میں ہندوستان کے ہاتھوں ویسٹ انڈیز کو 5 وکٹوں اور ورلڈ کپ 2011 میں 80 رنز سے شکست کھانا پڑی۔ورلڈ کپ 2015 میں ہندوستان کو ویسٹ انڈیز کے مقابلے میں فیورٹ قرار دیا جا رہا ہے۔

ایمز ٹی وی (نیٹ ورک) بھارت،  راجستھان اور کشمیر میں پاکستان کی سرحدوں پر فوجیں بھیج رہی تھی، لیکن شطرنج کی بساط پر بھارت سے پہلے پاکستان نے چال چل دی اور اپنے سپاہی سرحدوں پر پہنچادئیے ۔بھارت کے اپنے میڈیا کے مطابق یہ واقعہ ہ فروری 2014 کا ہے۔ وزیردفاع اور آرمی چیف بکرم سنگھ نے انتہائی خفیہ ملاقات میں فوجوں کی تعیناتی کا منصوبہ بنایا۔  فوجوں کی نقل وحرکت کے جو  احکامات دیے گے وہ ہاتھ کے ہاتھ  آئی ایس آئی تک پہنچ گئے ۔ پاکستان نے فوجیں روانہ کرکے بھارتی عزائم ناکام بنادئیے۔ ۔ خفت مٹانے کیلئے بھارتی حکام دعویٰ تو کررہےہیں کہ خبر لیک کرنےو الا گھر کا بھیدی پکڑا گیا ہے اور اس کا کورٹ مارشل کیا گیاہے۔

ایمز ٹی وی ( لاہور) دفتر خارجہ میں سیکٹریٹری خارجہ کی ملاقات جاری ہے ۔ دفتر خارجہ میں پاک بھارت سیکریٹری خارجہ ملاقات جاری ہے جس میں دوطرفہ تعلقات اورباہمی دلچسپی کے امورپرتبادلہ خیال کیا جارہا ہے۔اسلام آباد میں بھارتی سیکریٹری خارجہ جے شنکر  دفترخارجہ پہنچے تو سیکریٹری خارجہ اعزاز احمد چوہدری نے ان کا استقبال کیا۔ جس کے بعد دونوں کے درمیان ملاقات کا باقاعدہ آغاز ہوا، پاک بھارت سیکریٹری خارجہ ملاقات کے دوران دوطرفہ تعلقات اور باہمی دلچسپی کے امور پر تبادلہ خیال کیا جارہا ہے۔بھارتی سیکرٹری خارجہ جے شنکر 2 روزہ دورے پر آج اسلام آباد پہنچے ہیں۔ اپنے دورے کے دوران وہ اپنے پاکستانی ہم منصب اعزاز احمد چوہدری کے علاوہ مشیر خارجہ سرتاج عزیز اور وزیراعظم کے معاون خصوصی طارق فاطمی سے بھی ملاقات کریں گے۔واضح رہے کہ بھارت نے پاکستانی ہائی کمشنر عبدالباسط کی کشمیری حریت پسند رہنماؤں سے ملاقات کو جواز بنا کر پاکستان سے سیکریٹری خارجہ سطح پر مذاکرات معطل کردیئے تھے۔

ایمز ٹی وی (فارن ڈیسک) بھارتی فوج نے لائن آف کنٹرول پر ایک بار پھر سیزفائر کی خلاف ورزی کرتے ہوئے بلااشتعال فائرنگ کر دی جس سے 14سالہ لڑکی زخمی ہو گئی۔

جمعے کو بھارتی فوج نے ایل او سی پرکوٹلی آزادکشمیر کے علاقے دبہی میں بلااشتعال فائرنگ کی جس کے نتیجے میں 14سالہ لڑکی زخمی ہوگئی۔ پاک فوج کی بھرپور جوابی کارروائی پر بھارتی توپیں خاموش ہوگئیں۔ ادھر بھارتی وزیر داخلہ راج ناتھ سنگھ نے کہا ہے کہ پاکستان کی وارننگ کو اہمیت نہیں دیتے۔

جمعے کو صحافیوں سے گفتگوکرتے ہوئے راج ناتھ سنگھ نے پاکستانی آرمی چیف کے بیان پر ردعمل ظاہر کرتے ہوئے کہاکہ پاکستان جو چاہے کہہ سکتا ہے لیکن بھات اپنی سرحدوں کا دفاع کرنے کیلیے مکمل تیار ہیں۔ ان کا کہنا تھا کہ وہ شہریوں کو یقین دلاتے ہیں کہ بھارت کی سرحدیں محفوظ ہیں۔

ایمز ٹی وی (اسپورٹس) بھارت کے سابق بیٹسمین سچن ٹنڈولکر نے ورلڈ کپ میں کرکٹ کوالٹی پر خوشی ظاہر کرتے ہوئے کہا ہے کہ ایونٹ کے آگے بڑھنے سے مزید سنسنی خیز مقابلے دیکھنے کو ملیں گے۔

آئی سی سی کے ہیڈ آف میڈیا اینڈ کمیونی کیشنز سمیع الحسن برنی کو انٹرویو میں میگا ایونٹ کے حوالے سے اظہار خیال کرتے ہوئے ٹنڈولکر نے ایونٹ میں شریک ٹیموں اور پلیئرز کو مشورہ دیا کہ وہ مناسب توازن قائم رکھیں تاکہ ایونٹ کے بڑے میچز میں تازہ دم ہوں۔ سچن ٹنڈولکر نے کہا کہ پہلے ہی 1، 2 اپ سیٹ دیکھنے کو مل چکے، یہاں پر کافی مسابقتی کرکٹ کھیلی جارہی ہے، ایونٹ آگے بڑھنے سے اس میں مزید شدت آتی جائے گی۔

ایمز ٹی وی (سائنس اینڈ ٹیکنالوجی)  انسان ہمیشہ سے سونے کے زیورات کا شوقین رہا ہے لیکن شاید آپ نے کبھی بھی آنکھوں میں پہنے جانے والے زیورات کے بارے میں نہیں سنا ہوگا۔

بھارت میں ایک مشہور ڈاکٹر نے نینو گولڈ پارٹیکلز (سونے کے غیر معمولی حد تک چھوٹے ذرات) کو آنکھوں میں لگائے جانے والے کنٹیکٹ لینز کا حصہ بنادیا ہے اور یوں آنکھوں میں پہننے کے لیے زیور تیار کردیا ہے۔ ڈاکٹر چندر شیکھر ایک عرصے سے ایسے کنٹیکٹ لینز تیار کررہے ہیں کہ جن میں ایک باریک پرت کے نیچے سونے کے زرات موجود ہوتے ہیں جو پہننے والے کی آنکھ میں چمکتے نظر آتے ہیں۔

ان لینزز کی قیمت 15 لاکھ سے 18 لاکھ روپے تک ہے اور ڈاکٹر شیکھر سونے کے علاوہ ہیرے سے مزئین کنٹیکٹ لینز بھی تیار کرتے ہیں۔ ان کے ادارے شیکھر آئی ریسرچ میں 24 قیراط سونے سے مزئین کنٹیکٹ لینز خصوصی طور پر تیار کیے جاتے ہیں کیونکہ ان کی مقبولیت خاصی زیادہ ہے۔ اب وہ بھارت سے باہر مغربی ممالک میں بھی یہ لینز فروخت کے لیے پیش کررہے ہیں جس کی وجہ سے کچھ مغربی ماہرین نے تشویش کا اظہار کیا ہے۔

ایمز ٹی وی (کراچی) ضیا الدین اسپتال نے کراچی میں جگرکی پیوندکاری شروع کرنے کا اعلان کردیا۔

جگرکی پیوندکاری کے ضیا الدین اسپتال انتطامیہ نے بھارت کے اپولواسپتال سے معاہدہ کیا ہے جس کے تحت بھارتی ڈاکٹرضیا الدین اسپتال کے ماہرین کے اشتراک سے ضیا الدین اسپتال کلفٹن میں جلد ہی جگرکی پیوندکاری کریں گے، اس سلسلے میں ضیا الدین اسپتال میں جگر کی پیوندکاری کا باقاعدہ یونٹ بھی قائم کردیاگیا، ضیاء الدین اسپتال میں بھارت کے اپولواسپتال کے گروپ ڈائریکٹراوربچوں کے ماہر امراض جگر ڈاکٹرانوپم سیبال نے صحافیوں کوبتایا کہ بھارتی ڈاکٹرز پر مشتمل ٹیم کی خدمات سے پاکستان میں لیور ٹرانسپلانٹیشن کے مریضوں کے علاج کاآغازکیا ۔

ڈاکٹر عاصم حسین اور پیس کلینک کے شکرگزار ہیں کہ جن کی وجہ ہمیں اپنی پیشہ ورانہ صلاحیتوں سے پاکستانی مریضوں کا علاج کرنے کا موقع ملا، پیس کلینک ڈاکٹر ضیا الدین اسپتال اور بھارت کے اپولو اسپتال کا ایک مشترکہ پلیٹ فارم ہے جس کا مقصد گردوں اور جگر کے امراض میں مبتلا پاکستانی مریضوں کاعلاج کرنا ہے،پیس کلینک کے روح رواں اور چیئرمین انٹرگلوبل سروسز نوید اسلم کاکہنا تھا کہ ہم نے ملک میں جگر اورگردوںکی ٹرانسپلانٹیشن کی ضرورتوں کو مدنظر رکھتے ہوئے یہ قدم اٹھایا ہے۔

ضیاء الدین اسپتال کے میڈیکل سپرنٹنڈنٹ ڈاکٹر انوپ داوانی کا کہنا تھا کہ ضیاالدین اسپتال پاکستان کا واحد اسپتال ہے جس نے بھارتی ڈاکٹرزکی صلاحیتوں کا فائدہ اٹھاتے ہوئے پاکستان میں ٹرانسپلانٹیشن کے مریضوں کے مسائل کو حل کیا،ضیاالدین اسپتال اور اپولو اسپتال کے تعاون سے پروفیسر انوپم سیبال نے لیور ٹرانسپلانٹ کے بچوں کا او پی ڈی میں چیک اپ کیا ،ڈاکٹر سبھاش گپتا نے بزرگ مریضوں کا آن لائن او پی ڈی میں معائنہ کیا۔

ایمز ٹی وی (اسلام آباد) ترجمان دفتر خارجہ تسنیم اسلم کا کہنا ہے سمجھوتہ ایکسپریس پر حملے کو 8 برس ہوگئے لیکن بھارت نے اس میں ملوث ملزمان کے خلاف اب تک کوئی کارروائی نہیں کی، بھارت اس واقعے میں ملوث افراد کو قانون کے کٹھہرے میں لائے۔ بھارتی وزیراعظم نریندر مودی کی جانب سے سیکریٹری خارجہ اسلام آباد بھجوانے کا بیان خوش آئندہ ہے، پاک بھارت سیکرٹری خارجہ ملاقات میں تمام مسائل پر بات کی جائے گی تاہم اس حوالے سے ابھی تاریخ طے نہیں ہوئی۔ انہوں نے کہا کہ ٹریک ٹو بات چیت کو کسی بھی صورت باضابطہ مذاکرات کا نعم البدل قرار نہیں دیاجاسکتا۔

ایمز ٹی وی (کراچی) سابق صدر جنرل ریٹائرڈ پرویز مشرف کا بھارت کے ایک نجی ٹی وی کو انٹرویو دیتے ہوئے کہنا تھا کہ وہ سمجھتے ہیں کہ بھارت کو پاکستان کے ساتھ ایسا رویہ اختیار نہیں کرنا چاہیے جس کا مقصد پاکستان کو جھکانا ہو۔ اگر دونوں ملکوں کے درمیان ’’را‘‘ اور’’آئی ایس آئی‘‘ کےٹکراؤ کو روکا جائے توتعلقات میں بہتری آسکتی ہے۔ انہوں نے کہا کہ پاکستان میں حقیقی جمہورت وہ ہی لائے تھےاور صرف انتخابی مرحلے سے گزرنے کا نام جمہورت نہیں ہے۔ ان کا کہنا تھا کہ اگر نریندرمودی انھیں نوازشریف کی طرح انڈیا بلاتے تو وہ ہرگز نہیں جاتے بلکہ پہلے نریندر مودی سے اس دورے کا مقصد پوچھتے۔ کرکٹ ڈپلومیسی کو دونوں ملکوں کے درمیان قربت پیدا کرنے کے لیے ہونا چاہیے نہ کہ دوری۔