ایمزٹی وی (اسپورٹس) پاکستان کے سابق فاسٹ بالر شعیب اختر کو انڈین پریمیئر لیگ میں قومی کھلاڑیوں کی کمی شدت سے محسوس ہونے لگی جس کا اظہار اسپیڈ اسٹار نے آئی پی ایل کی ایک یادگار تصویر کے ذریعے کیا۔شعیب اختر نے سماجی رابطوں کی مائیکرو بلاگنگ ویب سائٹ ٹوئٹر پر آئی پی ایل کے 2008ء میں ہونے والے پہلے ایڈیشن کی ایک یادگار تصویر شائع کی جس میں وہ دہلی ڈیرڈیولز کے خلاف شاندار پرفارمنس پر شاہ رخ خان سے خوشی سے گلے مل رہے ہیں۔ ان کا کہنا تھا کہ آئی پی ایل کے پہلے ایڈیشن میں کھیل کر بہت لطف آیا کیوںکہ اس میں پاکستانی کھلاڑی بھی شامل تھے ۔ شعیب اختر نے آئی پی ایل میں پاکستانی کھلاڑیوں کی غیر موجودگی پر افسوس کا اظہار کرتے ہوئے کہا کہ بڑی عجیب بات ہے کہ پاکستانی کھلاڑیوں کو آئی پی ایل میں اپنا ٹیلنٹ دکھانے کا موقع میسر نہیں آ رہا۔