ایمزٹی وی ( لاہور ) میٹھی اور سریلی آواز کی مالکہ نسیم بیگم کو آج ہم سے بچھڑے 34برس بیت گئے ہیں ،لیکن انکے یادگار گیتوں کی گونج آج بھی سنائی دیتی ہے،1936 ءمیں امر تسر میں آنکھ کھولنے والی نسیم بیگم نے گلوکاری کی باقاعدہ تربیت کلاسیکل گلو کارہ فریدہ خانم کی بڑی بہن مختار بیگم سے حاصل کی ،فنی کیرئیر کا آغاز 1958ءمیں فلم بے گناہ سے کیا ، نسیم بیگم کا گیت "ہم بھول گئے ہر بات "لتا منگیشکر نے بھارتی فلم سوتن کی بیٹی کے لئے بھی گایا ،انکے کئی اور گیت بھی بھارت میں کاپی کئے گئے ،نسیم بیگم کی آواز میں اداسی ،کرب اور تڑپ تھی تاہم انہوں نے شوخ و چنچل گانے بھی مہارت سے گائے ،انکے تمام گیت ہٹ رہے 29ستمبر 1971ءکو نسیم بیگم اپنے پرستاروں سے ہمیشہ ہمیشہ کے لئے بچھڑ گئیں ۔