ایمز ٹی وی(لاہور) آرمی چیف جنرل قمر جاوید باجوہ اور وزیراعلیٰ پنجاب میاں شہباز شریف کی ٹیلیفون پر بات چیت ہوئی ہے۔
آرمی چیف نے وزیراعلیٰ پنجاب کو یقین دلایا کہ پاک فوج اور انٹیلی جنس ادارے پنجاب پولیس کی مدد کیلئے تیار ہیں اور پی ایس ایل فائنل کیلئے بھرپور سکیورٹی دی جائے گی۔
آرمی چیف نے یقین دلایا کہ پی ایس ایل میں سکیورٹی کیلئے بھرپور تعاون کیا جائے گا۔وزیراعلیٰ پنجاب نے بھرپور تعاون ،حمایت اور مدد پر آرمی چیف کا شکریہ اداکیا۔یاد رہے کہ 5 مارچ کو پی ایس ایل کا فائنل میچ قذافی سٹیڈیم لاہور میں ہونے جارہا ہے اور پاک فوج نے سٹیڈیم کی سکیورٹی کی ذمہ داری سنبھال لی ہے