ایمز ٹی وی (پشاور): تہکال میں نامعلوم شرپسندوں نے ایک گھر پر دستی بم حملہ کیا، جس کے نتیجے میں ایک خاتون بیٹے سمیت زخمی ہوگئی۔ پولیس کے مطابق نامعلوم شرپسندوں نے تہکال کے علاقہ میں حسین شاہ نامی شخص کے گھر پر حملہ کیا، بم پھٹنے سے حسین شاہ کی اہلیہ اور بیٹا زخمی ہوگیا۔ پولیس کے مطابق دونوں زخمیوں کو طبی امداد کےلئے اسپتال پہنچادیا گیاہے۔ واقعہ کامقدمہ تھانہ تہکال میں نامعلوم شرپسندوں کے خلاف درج کرلیا گیا ہے۔