ایمز ٹی وی (پشاور) پاکستان تحریک انصاف کے چیئرمین عمران خان اور وزیر اعلیٰ پرویز خٹک کی گورنر خیبر پختونخوا اقبال ظفر جھگڑا سے ملاقات ، عمران خان نے اقبال ظفر جھگڑا کو عہدہ سنبھالنے پر مبارکباد دی ۔ پی ٹی آئی کے چیئرمین عمران خان نے اپنے دورہ پشاور کے دوران گورنر ہائوس میں گورنر اقبال ظفرجھگڑا سے ملاقات کی اور انہیں گورنرکا منصب سنبھالنے پر مبارکباد دی اس موقع پر وزیر اعلیٰ پرویز خٹک بھی ان کے ساتھ موجود تھے ۔ عمران خان نے گورنر اقبال ظفر جھگڑا کی جمہوریت کے استحکام کیلئے کاوش کو سراہا ۔ پی ٹی آئی کے چیئرمین کا کہنا تھا کہ عوام کی فلاح و بہبود اور امن واستحکام کیلئے اقبال ظفر جھگڑا کی کاوش قابل تحسین ہیں اور وہ صوبے اور مرکز کے مابین تعلقات میں اہم کردار ادا کریں گے ۔ تینوں رہنمائوں کے مابین فاٹا اور خیبر پختونخوا کے عوام کی فلاح و بہبود کیلئے مل کر کام کرنے پر اتفاق کیا گیا ۔
اقبال ظفر جھگڑا کی کاوش قابل تحسین ہیں، عمران خان
- 08/03/2016
- K2_CATEGORY خیبر پختونخواہ
- 1888 K2_VIEWS
Leave a comment