ایمزٹی وی(کامرہ )پاکستان میں ایوی ایشن انڈسٹری وجہاز سازی کے تاریخ ساز دن پرپی اے سی نے 1000 جہازوں کی ”مکمل اوور ہالنگ کرلی“۔
تفصیلات کے مطابق پاکستان ایروناٹیکل کمپلیکس میں ایک ہزارویں جہاز کی رولنگ آﺅٹ تقریب منعقد کی گئی جس میں وفاقی وزیر برائے دفاعی پیداوار رانا تنویر مہمان خصوصی تھے جبکہ چینی ایروٹیکنالوجی کمپنی کے نائب صدر بھی تقریب میں موجود تھے۔
پاکستان ایروناٹیکل کمپلیکس کامرہ نے ایک ہزار جہازوں کی اوور ہالنگ مکمل کی۔اس موقع پر ایئر چیف مارشل سہیل امان نے تقریب سے خطاب کرتے ہوئے کہا کہ مکمل تعاون اور حمایت پر حکومت کے شکر گزار ہیں، یکجہتی اوراتحادکی وجہ سے ہم آج تاریخ ساز دن دیکھ رہے ہیں۔ سہیل امان نے کہا کہ پی اے سی ملک میں ایک بہترین ادارے کے طور پر سامنے آیا ہے، پی اے سی نے دفاعی پیداوارکے شعبے میں کئی سنگ میل عبورکیے ہیں،پی اے سی پاک فضائیہ کیلئے ریڑھ کی ہڈی کی حیثیت رکھتا ہے۔
انہوں نے کہا کہ پی اے سی ایک نئے اور جدید ادارے کے طور پر سامنے آیا ہے،مستقبل ففتھ جنریشن طیاروں کی پیداوارکا ہے، ناصرف اوورہالنگ بلکہ طیاروں کےساتھ بم کی انٹیگریشن بھی ایک اہم کامیابی ہے۔ایئرچیف مارشل کا مزید کہنا تھا کہ پی اے سی نے پاکستان کو دنیا میں ہوابازی اورجہازسازی میں خودانحصاربنادیا، پی اے سی کے تیارشدہ طیاروں سے ملکی خزانے کوبے پناہ فائدہ پہنچتا ہے۔