ھفتہ, 24 فروری 2024


کشمیر اسمبلی خالی کرو

  • ایمزٹی وی(آزادکشمیر)مرکزی ایوان صحافت میں پریس کانفرنس کا انعقاد کیا گیا۔ پریس کانفرنس سے خطاب کرتے ہوئے مسلم لیگ ن آزادکشمیر کے سربراہ راجہ فاروق حیدر خان کا کہناتھا کہ غیرت مند ممبران اسمبلی کشمیر کونسل کے انتخابات سے قبل مستعفی ہو جائیں ۔۔عدالت کے فیصلہ کے بعد کیا خرید و فروخت ہوگی اس کا ذمہ دارکون ہوگا؟اگر چوہدری مجید اپنی پانچ سالہ کرپشن کو صاف کرنا چاہتے ہیں تو وہ اسمبلی توڑ د یں ۔موجودہ حکومت کو بیس کیمپ کی حکومت کہنا بیس کیمپ کی توہین ہے۔ ہمارا نامزد امیدوار کامیاب اور کوئی ممبراسمبلی سیکنڈ چوائس استعمال نہیں کرے گا۔مسلم لیگ ن کے پارٹی ٹکٹوں کا اعلان جون کے پہلے ہفتے میں کردیا جائے گا ۔ انہوں نے مزید کہا کہ میاں نواز شریف رمضان سے قبل مظفرآباد میں جلسہ عام سے خطاب کرینگے ۔عام انتخابات میں مسلم لیگ ن واحد سیاسی جماعت کے طور پر کامیابی حاصل کر کے حکومت بنائے گی ۔اگر ایسا نہ ہوا تو مانگے تانگے کے بجائے اپوزیشن میں بیٹھنا پسند کرینگے ۔ملازمین اور لیڈیز ہیلتھ ورکرز کی ہڑتال کی مکمل حمایت کرتا ہوں ۔ اگر کسی اور کو مراعات مل رہی ہیں تو سب کے ساتھ یکساں سلوک ہونا چاہئے ۔ عمران خان خواتین کے حقوق کی باتیں کرتے ہیں مگر انہوں نے اپنے جلسہ میں کسی خاتون کو خطاب کا موقع تک نہ دیا ، پارٹی ڈسپلن کی خلاف ورزی کرنیوالوں کو ہر گز برداشت نہیں کیا جائیگا ۔

     
     
 
 
 

پرنٹ یا ایمیل کریں

Leave a comment