ایمزٹی وی(چمن)باب دوستی پر پاک افغان فلیگ میٹنگ کا آغاز ہوگیاہے اور دونوں
جانب سے گوگل سروے میپ اور جیولوجیکل سروے میپ پر اتفاق کرلیا گیا ہے۔تفصیلات کے مطابق پاکستان اور افغانستان کے درمیان کشیدگی اور باب دوستی کی بندش پر فلیگ میٹنگ کا آغاز کردیا گیا ہے ۔
اجلاس میں پاکستان کی طرف سے وفد کی قیادت سیکٹر کمانڈر ناردرن بریگیڈیئر ندیم سہیل کررہے ہیں جبکہ افغان وفد کی قیادت کرنل شریف کررہے ہیں
پاکستان کے سکیورٹی ذرائع کے مطابق افغان فورسز کے نقشوں میں فرق پایا گیا ہے جن کو دور کیا جائے گا اور میٹنگ میں اتفاق کیا گیا کہ جیولوجیکل سروے ماہرین صورتحال پر جائزہ لیں گے جبکہ اجلاس کے اختتام پر حتمی اعلامیہ بھی جاری کئے جانے کا امکان ہے۔یاد رہے کہ افغان فورسز کی جانب سے چمن میں فائرنگ کے بعد باب دوستی کو بند کردیا گیا تھا۔
