ایمزٹی وی (لیہ )کروڑ لعل عیسن میں زہریلی مٹھائی کھانے سے مزید 2 افراد جاں بحق ہوگئے ہیں جب کہ پولیس کا کہنا ہے کہ حلوائی نے دودھ میں غلطی سے ٹاٹری کی جگہ زہر کی پڑیا ڈال دینے کا اعتراف کرلیا ہے۔ تفصیلات کے مطابق گزشتہ ہفتے لیہ کے نواحی علاقے کروڑ لعل عیسن میں شاہد نامی شخص نے بیٹے کی پیدائش پر اپنے قریبی رشتے داروں کو دعوت پر مدعو کیا تھا اور شاہد مبارکباد دینے آنے والوں کا منہ میٹھا کروارہا تھا، لڈو کھانے کے بعد 70 سے زائد افراد کی حالت غیر ہوگئی جنہیں لیہ، ملتان اور فیصل آباد کے اسپتالوں میں منتقل کیا گیا جہاں اب تک 25 افراد جاں بحق ہوچکے ہیں جب کہ 30 سے زائد اب بھی زیر علاج ہیں، ذرائع کا کہنا ہے کہ جاں بحق افراد کے خون کے تجزیئے سے ڈاکٹروں کو پتہ چلا ہے کہ ان لوگوں کی اموات سیلفو لائل نامی کیمیکل سے ہوئی ہے جو کہ زرعی زمین میں خود رو پودوں کو تلف کرنے کے لیئے استعمال ہوتا ہے، اس کیمیکل پر ملک میں پابندی عائد ہے تاہم اس کے باوجود یہ ادویہ کی دکانوں پر کھلے عام دستیاب ہوتی ہے۔ میڈیا میں صورت حال سامنے آنے کے 4 روز بعد پنجاب حکومت خواب غفلت سے جاگی ہے اور صوبائی وزیر خوراک بلال یاسین گزشتہ رات لیہ پہنچے ہیں جب کہ ڈائرکٹر پنجاب فوڈ اتھارٹی عائشہ ممتاز نے روایتی انداز میں دکانوں اور اسپتالوں میں چھاپے مارنے شروع کردیئے ہیں۔

ایمز ٹی وی (شانگلہ) بونیر سے تعلق رکھنے والے پی ٹی آئی کے اقلیتی رکن صوبائی اسمبلی اور وزیر اعلیٰ کے مشیر خاص سردار سورن سنگھ کے قتل میں پیش رفت ، شانگلہ کے تحصیل پورن کےنائب ناظم عالم خان کو بھی قتل کے الزام میں حراست میں لیا گیا ہے ۔

عالم خان کا تعلق مسلم لیگ ن سے ہے ۔ عالم خان کو تفتیش کے لئے نامعلوم مقام پر منتقل کردیا گیا ۔ سردار سورن سنگھ کے قتل کے الزام میں سوات سے تعلق رکھنے والے پی ٹی آئی کے مقامی رہنماء ضلعی کونسلر بلدیو کمار کو بریکوٹ سے پولیس نے گزشتہ روز گرفتار کیا تھا ۔ ڈی آئی جی ملاکنڈ رینج آزاد خان نے بلدیو کمار کے حراست میں لئے جانے کی تصدیق کردی ۔ ڈی آئی جی ملاکنڈ آزاد خان کے مطابق سردار سورن سنگھ کے قتل میں پہلے سے حراست میں لئے گئے افراد سے تفتیش کے بعد بلدیو کمار کو بھی شک کی بناء پر حراست میں لیا گیا ہے اور اُن سے تفتیش جاری ہے ۔ اُنہوں نے کہا کہ ہماری کوشش ہے کہ جلد سے جلد اصل ملزمان تک پہنچ جائیں جس کے لئے مختلف زاویوں سے تفتیش جا ری ہے ۔

ایمزٹی وی (اسلام آباد)سپریم کورٹ نے وزارت داخلہ کے خلاف ماڈل ایان علی کی توہین عدالت کی درخواست نمٹاتے ہوئے ہائیکورٹ سے رجوع کرنے کا حکم دیا ہے۔ ذرائع کے مطابق جسٹس اعجاز افضل کی سربراہی میں 2 رکنی بنچ نے ماڈل ایان علی کی جانب سے ای سی ایل سے نام نکال کر دوبارہ ڈالنے پر وزارت داخلہ کے خلاف توہین عدالت کی درخواست کی سماعت کی۔ اس موقع پر ماڈل کے وکیل لطیف کھوسہ نے دلائل دیتے ہوئے کہا کہ وزارت داخلہ نے سپریم کورٹ کے احکامات پر ماڈل ایان علی کا نام ای سی ایل سے نکالنے کے بعد دوبارہ شامل کیا اور یہ صرف ان کے موکل کے ساتھ ہی نہیں بلکہ عدالت کے ساتھ بھی فراڈ ہے، کنفرم ٹکٹس کے باوجود ایان علی کو بیرون ملک جانے نہیں دیا گیا۔ وکیل نے عدالت سے استدعا کی کہ ماڈل ایان علی نے بین الاقوامی معاہدے کر رکھے ہیں اور اگر وہ نہ گئیں تو انہیں 10 ملین ڈالرز کا جرمانہ ادا کرنا ہوگا اس لئے ان کا نام ای سی ایل سے نکالا جائے۔ سماعت کے دوران جسٹس اعجاز افضل نے ریمارکس دیئے کہ یہ ہائیکورٹ کا معاملہ ہے اور بہتر ہے کہ آپ عدالتی فیصلے پر عملدرآمد کے لئے ہائیکورٹ سے رجوع کریں۔ عدالت نے ماڈل ایان علی کی درخواست نمٹاتے ہوئے اپنے فیصلے میں کہا کہ ہائیکورٹ جلد سے جلد اس معاملے پر فیصلہ سنائے۔

ایمز ٹی وی (اسلام آباد) آف ایشیا استنبول پراسسس کے اعلی حکام کا اجلاس کل نئی دلی میں ہوگا جس میں پاکستانی وفد کی قیادت سیکرٹری خارجہ اعزاز چوہدری کریں گے۔ ترجمان دفتر خارجہ کے مطابق ہارٹ آف ایشیا استنبول پراسس کے اعلیٰ حکام کا چھٹا اجلاس کل بھارتی دارالحکومت نئی دلی میں ہوگا جس میں پاکستانی وفد کی قیادت سیکرٹری خارجہ اعزا چوہدری کریں گے جو دیگر شریک ممالک کے ہم منصبوں سے بھی ملاقاتیں کریں گے۔ ہارٹ آف ایشیا کانفرنس کے موقع پر پاک بھارت سیکرٹری خارجہ کی ملاقات کا بھی امکان ہے جس میں باہمی دلچسپی کے امور پر تبادلہ خیال کیا جائے گا۔ ترجمان دفتر خارجہ کا کہنا ہے کہ پاکستان نے ہارٹ آف ایشیا پراسس میں ہمیشہ فعال کردار ادا کیا جس کا پانچواں اجلاس اسلام آباد میں ہوا جب کہ ہارٹ آف ایشیا افغانستان میں امن و استحکام کے لئے بھرپور انداز میں کام کر رہی ہے۔

ایمزٹی وی (اسلام آباد) پاکستان تحریک انصاف کے بانی ارکان نے عمران خان سے پارٹی کی چیرمین شپ سے مستعفی ہونے کا مطالبہ کر دیا ہے۔ ذرائع کے مطابق تحریک انصاف بلوچستان کے پہلے صدر اور سابق مرکزی نائب صدر اکبر ایس بابر کا کہنا ہے کہ تحریک انصاف کے 9 بانی ارکان نے عمران خان کو ایک خط لکھا ہے جس میں ان سے مطالبہ کیا گیا ہے کہ پارٹی کو مکمل تباہی سے بچانے کے لئے وہ چیرمین شپ کے عہدے سے عارضی طور پر مستعفی ہو جائیں۔ تحریک انصاف بلوچستان کے سابق صدر کا کہنا تھا کہ انھوں نے پارٹی میں بڑے پیمانے پر پیسوں کی خردبرد کے حوالے سے الیکشن کمیشن میں ایک کیس بھی دائر کر رکھا ہے جس میں انٹرا پارٹی الیکشن اور ٹکٹوں کی فراہمی کے موقع پر پارٹی کے فنڈ میں بے دریغ کرپشن کر کے تحریک انصاف کے بنیادی نظریات کی دھجیاں اڑانے کا تذکرہ کیا گیا ہے۔ خیبر پختونخوا حکومت پر کرپشن میں ملوث ہونے کے الزامات لگاتے ہوئے اکبر ایس بابر کا کہنا تھا کہ صوبے کے سابق احتساب کمشنر حامد خان نے جب وزیراعلیٰ پرویز خٹک کے خلاف کرپشن کی تحقیقات شروع کیں تو انھیں استعفیٰ دینے پر مجبور کردیا گیا۔ عمران خان سے پارٹی چیرمین شپ چھوڑنے کا مطالبہ کرنے والوں میں ان کے کزن اور پی ٹی آئی پنجاب کے پہلے صدر سعیداللہ خان نیازی بھی شامل ہیں۔ اس کے علاوہ اٹک، مانسہرہ، راولپنڈی اور کراچی کے ضلعی صدور بھی عمران خان سے استعفے کا مطالبہ کرنے والوں میں شامل ہیں، تحریک انصاف برطانیہ کے صدر ایڈوکیٹ خواجہ امتیاز اور فاٹا کے اراکین بھی اس فہرست میں شامل ہیں۔

ایمزٹی وی(تعلیم) آغا خان میڈیکل یونیورسٹی میں طالب علم نے مبینہ طور پر خودکشی کرلی۔ذرائع کے مطابق خودکشی کرنے والے طالب علم اسکول آف نرسنگ میں سیکنڈ ایئر کا طالب علم تھا جس بے مبینہ طور پر پنکھے سے لٹک کر خو دکشی کی جبکہ دوسری جانب یونیورسٹی انتطامیہ نے بھی طالب علم کی ہلاکت کی تصدیق کردی ہے۔ تفصیلات کے مطابق مقتول گلگت کا رہائشی تھا جو اسکالر شپ پر یونیورسٹی میں تعلیم حاصل کررہا تھا۔ طالب علم نے 2014 میں نرسنگ اسکول میں داخلہ لیا اور اس کا کورس 2018 میں مکلم ہونا تھا۔واقعے کی اطلاع ملتے ہی پولیس موقع پر پہنچ کر لاش قبضے میں لے لی اور تحقیقات کا آغاز کردیا ہے۔

ایمزٹی وی(تعلیم) آغا خان میڈیکل یونیورسٹی میں طالب علم نے مبینہ طور پر خودکشی کرلی۔ذرائع کے مطابق خودکشی کرنے والے طالب علم اسکول آف نرسنگ میں سیکنڈ ایئر کا طالب علم تھا جس بے مبینہ طور پر پنکھے سے لٹک کر خو دکشی کی جبکہ دوسری جانب یونیورسٹی انتطامیہ نے بھی طالب علم کی ہلاکت کی تصدیق کردی ہے۔ تفصیلات کے مطابق مقتول گلگت کا رہائشی تھا جو اسکالر شپ پر یونیورسٹی میں تعلیم حاصل کررہا تھا۔ طالب علم نے 2014 میں نرسنگ اسکول میں داخلہ لیا اور اس کا کورس 2018 میں مکلم ہونا تھا۔واقعے کی اطلاع ملتے ہی پولیس موقع پر پہنچ کر لاش قبضے میں لے لی اور تحقیقات کا آغاز کردیا ہے۔

ایمزٹی وی (تعلیم) صوبائی وزیر تعلیم رانا مشہود احمد نے کہا ہے کہ پنجاب میں چھوٹے بچوں کو اسکولوں میں موافق ماحول کی فراہمی کیلئے 7 ہزار ارلی چائلڈ ہڈ ایجوکیشن سنٹر قائم کردیئے گئے ہیں جہاں نرسری کے بچوں کے لئے مناسب سہولیات اور مخصوص اسٹاف ان کی ٹھوس علمی بنیاد رکھنے میں اہم کردار ادا کررہاہے ۔ تفصیلات کے مطابق مقامی اسکول کی تقسیم انعامات کی تقریب سے خطاب کرتے ہوئے رانا مشہود احمد نے کہاکہ اسکول تعلیم کا اہم ترین حصہ ہے چھوٹے بچوں کو اسکولوں کی طرف راغب کرکے ان میں مختلف نفسیاتی طریقوں سے تعلیم میں دلچسپی پیدا کرنا ہے ،اس مقصد کے لئے صوبائی حکومت نے انرولمنٹ مہم کے ساتھ ساتھ ارلی چائلڈہڈ سنٹر قائم کرنے پر خاص توجہ دی ہے ۔ اس حوالے سے ان کا کہنا تھا کہ انرولمنٹ مہم کی کامیابی کی وجہ سے اسکولوں میں مزید گنجائش پیدا کرنے کی ضرورت پیش آرہی ہے جس کے باعث اسکولوں میں 11 ہزار نئے کلاس روم تعمیر کرنے کا فیصلہ کرلیاگیا ہے، اسکولو ں میں 11 لاکھ نئے بچے آچکے ہیں اور تمام ہائی اسکولوں میں آئی ٹی لیبز قائم کی جاچکی ہیں۔

ایمزٹی وی (تعلیم)محمد علی جناح یونیورسٹی کراچی کے طلبہ کے لیے ملازمتوں کی فراہمی کا میلہ(Job Fair )آج سے شروع ہورہا ہے جو 30 اپریل تک جاری رہے گا، ماجو میں منعقد ہونے والے ملازمتوں کی فراہمی کے اس میلہ میں تین درجن کے قریب ادارے جن میں بینک ، مالیات ،انشورنس ، آٹو موبائل، مینجمنٹ ،کنسلٹنٹنگ، مارکیٹنگ، ایڈورٹائیزنگ،بزنس ہاوسز،این جی اوز اور دیگر صنعتی و تجارتی ادارے شامل ہیں اپنے اسٹالزلگا کر موزوں امیدواروں کا انتخاب کریں گے ۔ واضح رہے کہ محمد علی جناح یونیورسٹی کے طلبہ ان اداروں کے اسٹالز پر ملازمت کے حصول کے لیے درخواست دے سکیں گے جہاں انکا فوری طور پر انٹر ویو لیا جائے گا۔

ایمزٹی وی(اسلام آباد) گزشتہ روز اسلام آباد میں ایف نائن پارک میں تحریک انصاف کا یوم تاسیس منایا گیا۔ تقریب سےخطاب کرتے ہوئے تحریک انصاف کا کہنا تھا کہ 20سال مکمل ہوگئے ہیں لیکن لگتا ہے پارٹی تو ابھی شروع ہوئی ہےاور میں اگلے 20 سال کی تیاری کررہا ہوں۔جس طرح کارکنان نے میری عزت کی اس پر اللہ کا جتنا شکر ادا کرتا ہوں وہ کم ہے اور قوم کا بھی دل سے شکریہ ادا کرتا ہوں۔ اس موقع پر ان کامزید کہنا تھا کہ ہم نے جب پارٹی بنائی تو میرے ساتھ صرف 10 لوگ تھے اور جب پارٹی کا منشور بنایا تو اس میں عہد کیا کہ پاکستان ایسا ملک ہوگا جہاں عدل وانصاف ہو، قانون کے سامنے سب برابر ہوں اوراقلیتیں برابر کی شہری ہوں اور ایسا پاکستان بنانا ہے جو بننا چاہیے تھا، جسے ہم نیا پاکستان کہتے ہیں اور مجھے وہ زیادہ دور نظر نہیں آرہا کیوں کہ ہماری قوم جاگ گئی ہے۔ 2013 کے الیکشن کے حوالے سے ان کا کہنا تھا ہم نے 2013 کی دھاندلی پر آواز اٹھائی اور 4 حلقوں کے لیے انصاف مانگتے رہے، الیکشن کمیشن کے پاس بھی گئے لیکن وہ تو الیکشن کمیشن آف (ن) لیگ نکلی، پھر دھرنا دیا اور سب نے دیکھا چاروں حلقوں میں دھاندلی ثابت ہوئی۔ انہوں نے کہا کہ میں نے نبی کریم ﷺ کی زندگی کو بہت قریب سے پڑھا اور جب مجھ پر براوقت آتا تھا میں ان کی زندگی دیکھتا تھا۔ چیرمین تحریک انصاف نے کہا کہ ایل ڈی اے کے پلاٹس اونے پونے دے دیے گئے، مہران بینک اسکینڈل میں آپ بچ گئے ، حدیبیہ پیپر ملز کے کیس میں بچ گئے، آئی ایس آئی سے پیسہ لیا اس میں بچ گئے لیکن اب نہیں بچ سکیں گے،میاں صاحب آپ کو ہر صورت احتساب کا سامنا کرنا پڑے گا، ہم اب وہ آزاد کمیشن چاہتے ہیں جس میں انٹرنیشنل کمپنی اور فارنزک ٹیمیں چیف جسٹس کے نیچے کام کریں۔ میں تحریک انصاف نے 26 اپریل کو سندھ سے کرپشن کے خلاف تحریک چلانے کا اعلان کرتے ہوئے کہا کہ میں آئندہ اتوار لاہور آرہا ہوں، ابھی رائیونڈ نہیں آرہا بلکہ چیرنگ کراس میں لاہور کے شہریوں کا لہو گرم کرنے آرہا ہوں اور وہاں آئندہ کے لائحہ عمل کا اعلان کروں گا۔ ان کا کہنا تھا کہ اگر آپ سمجھتے ہیں کہ امپائر کو ملاکر دوبارہ میچ فکس کردیں گے تو اب ایسا نہیں ہوگا اور اگر ایسا ہوا تو یہ قوم سڑکوں پر آئے گی۔