ایمز ٹی وی ﴿فارن ڈیسک﴾ سماجی رابطے کی ویب سائٹ ٹویٹر پراپنے ٹویٹ اکاؤنٹ پر ہمیشہ سرگرم رہنے والے براک اوباما جب پہلی بار امریکی صدر کے عہدے پر براجمان ہوئے تو اچانک ٹویٹر سے غائب ہوگئے اور ان کا اکاؤنٹ بے جان سا ہوکررہ گیا تاہم اب 6 سال بعد وہ ایک بار پھر اپنے ذاتی ٹویٹر اکاونٹ کے ساتھ اپنے چاہنے والوں کے درمیان واپس آگئے ہیں۔

امریکی میڈیا کے مطابق براک اوباما پہلی بار صدر بننے سے قبل ’’ہینڈل ایٹ دی ریٹ براک اوباما‘‘ کے نام سے اپنے ٹویٹ اکاؤنٹ سے عوام سے رابطے میں رہتے تھے تاہم صدر بننے کے بعد بے انتہا مصروفیت کی وجہ سے وہ سماجی رابطے کے اس جز سے دور ہوگئے لیکن اب اپنے ذاتی اکاؤنٹ ایٹ دی ریٹ پوٹس (پریذیڈنٹ آف دی یونائیٹڈ اسٹیٹ آف امریکا) پر دوبارہ عوام سے جڑ گئے ہیں جب کہ انہوں نے ٹویٹر پر اپنا پہلا بیان بھی دیا ہے۔

امریکی صدر براک اوباما کے 6 سال بعد ٹویٹر پر آنے کے بعد ان کے پہلے ٹویٹ کو پہلے ہی گھنٹے میں57 ہزار سے زائد مرتبہ ٹویٹ جب کہ 62 ہزار افراد سے زائد افراد نے اسے فیورٹ کیا اس کے علاوہ  پہلے ہی گھنٹے میں امریکی صدر کے ٹویٹ کے 3 لاکھ فالوورز بن گئے۔