ایمزٹی وی (فارن ڈیسک) دنیا بھر کے مختلف ممالک میں ایسے لوگوں کی کمی نہیں جو نت نئے انداز اپنا کر تفریح حاصل کرتے ہیں۔ اسپین میں سالانہ فلور فائٹ فیسٹیول کا انعقاد کیا گیا جس میں شہریوں نے گلیوں میں جمع ہو کر ایک دوسرے پر آٹے کی بارش کی۔ اس فائٹ میں مرد اور خواتین نے خصوصی طورپر تیار کردہ فوجی طرز کے لباس پہن کر شرکت کی جبکہ آٹے کے ملیدے کو برتنوں کے بجائے پائپ کے ذریعے پانی کی طرح ایک دوسرے پر برسایا اور محفوظ ہوئے۔ اس فائٹ میں آٹے کے ساتھ ساتھ انڈوں اور آتشبازی کر کے بھی ایک دوسرے پر حملے کیے گئے۔ یہ دوسو سال پرانا تہوار ہے جسے آج بھی شہری ہر سال بھر پور جوش وجذبے سے مناتے ہیں ۔