ایمزٹی وی(انٹرٹینمنٹ)رومان اور رومانویت سے بھرپور شعروں کے موتی پرونے والے عظیم شاعر ناصر کاظمی کے قلم کی تخلیقات کو خاموش ہوئے آج 44 برس بیت گئے، مگر ان کے کلام کی بازگشت ان کے جانے کے بعد بھی کئی دلوں کو مسخر کر رہی ہے۔آٹھ دسمبر 1925ء کو بھارتی شہر انبالہ میں پیدا ہونے والے ناصر کاظمی سولہ سال کی عمر میں اپنے دور کے مشہور شاعر اختر شیرانی سے متاثر ہوکر رومانوی نظم کی طرف مائل ہو گئے ناصر کاظمی عمر بھر ریڈیو سے منسلک رہے۔ناصر کاظمی کا پہلا مجموعہ برگ نے تھا ۔دیوان، پہلی بارش، نشاط خواب، سر کی چھایا، خشک چشمے کے کنارےسمیت دیگرشعری مجموعے اورنثری کتب بھی ناصر کی تخلیقات میں شامل ہیں ۔ ناصر کاظمی کی وفات2 مارچ 1972 کو ہوئی۔