ایمز ٹی وی ( انٹرٹینمنٹ)معروف کرکٹر سچن ٹنڈولکر کی زندگی پر بننے والی فلم’سچن،اے بلین ڈریمز‘ کاٹریلر جاری کردیا گیا۔
بھارتی کرکٹرسچن ٹنڈولکر کا شمار دنیا کے بہترین کھلاڑیوں میں ہوتا ہے، یہی وجہ ہے کہ ان کی صلاحیتوں سے متاثر ہوکر معروف ہدایتکارجیمز ارسکین نے ان کی زندگی پر مبنی فلم بنانے کا فیصلہ کیا ہے، جس کا پہلا ٹریلر جاری کردیا گیا ہے۔
فلم میں خو د سچن ٹنڈولکر مرکزی کردار ادا کریں گے، جس میں ان کی زندگی کے مختلف مراحل کو بیان کیا گیاہے ۔
فلم میں سچن کے علاوہ وریندر سہواگ،ارجن ٹنڈولکر،مہندرا سنگھ اور انجلی ٹنڈولکر بھی مرکزی کردار اداکرتی نظر آئیں گی۔
فلم رواں سال 26مئی کو سنیما گھروں کی زینت بنے گی ۔