کراچی: نذیر حسین یونیورسٹی میں جشنِ آزادی کے موقع پر پرچم کشائی کی تقریب کا انعقاد کیا گیا۔

 

پرچم کشائی کی تقریب سے قبل تلاوت سے تقریب کا آغاز ہوا اور قومی ترانہ پڑھا گیا، اس موقع پر یونیورسٹی کے رجسٹرار، ڈپٹی رجسٹرار، ڈین فیکلٹی آف انجینئرنگ، ڈین فیکلٹی آف فارسی ، ڈیپارٹمنٹ کے چیرمینز، اسسٹنٹ پروفیسرز، ایڈمنسٹریٹر،آئی ٹی مینیجر, لیب انجینیرز اور دیگر اسٹاف نے شرکت کی۔

 

پرچم کشائی کی تقریب کے موقع پر خطاب کرتے ہوئے رجسٹرار افضال احمد نے کہا کہ اس سال 14 آگست کو کشمیری عوام کے ساتھ یکجہتی کے طور پر منایا جا رہا ہے کہ کشمیریوں کی قربانیاں لازوال ہیں۔

 

تقریب میں شریک تمام شرکاء نے کورونا وائرس کی وباء سے محفوظ رہنے کیلئے حکومت کی جانب سے جاری ایس او پیز پر عمل کیا۔