ایمزٹی وی(تعلیم)آزاد کشمیر کے ضلع باغ میں ٹرک بےقابو ہوکر اسکول میں جاگھا،حادثے میں چوتھی جماعت کی دو بچیاں اور ٹیچر جاں بحق جبکہ9بچیاں اور ایک ٹیچر زخمی ہوئی ہیں ،ٹرک ڈرائیور کو گرفتار کرلیاگیا ہے ۔

ضلع باغ کے نواحی علاقے بیر پانی میں ہونے والے واقعے کی اطلاع ملتے ہی امدادی ٹیمیں جائے حادثہ پہنچ گئیں ۔لاشوں اور زخمیوں کو ڈسٹرکٹ ہیڈکوارٹر اسپتال منتقل کردیاگیا ہے جہاں زخمیوں کی حالت خطرے سے باہر ہے ۔

اسکول انتظامیہ کا کہنا ہے کہ سردی کی وجہ سے کلاسز کمرے سے باہر لگائی گئیں تھیں ۔ٹرک کے ڈرائیور کو گرفتار کر کے تھانا باغ منتقل کردیاگیا ہے ،واقعہ کی تحقیقات جاری ہیں ۔