ایمزٹی وی(کراچی/تعلیم) جامعہ کراچی کی مشیرامورطلبہ ڈاکٹرغزل خواجہ کے اعلامیہ کے مطابق بابائے قوم قائد اعظم محمدعلی جناح کی سالگرہ کے موقع پردفترمشیرامورطلبہ کے زیراہتمام انگریزی مقابلہ نظم اور اُردو مقابلہ بحث کاانعقاد کیا جارہا ہے۔
خواہشمند طلبا و طالبات اپنے متعلقہ شعبہ جاتی مشیرامورطلبہ سے درخواستیں منظورکرانے کے بعد 15 دسمبر2016 ء تک صبح 10 تادوپہر1بجے اورشام 4تا6بجے دفتر مشیر امورطلبہ میں جمع کراسکتے ہیں۔
انگریزی مقابلہ نظم کا عنوان یونیٹی، فیتھ اینڈ ڈسپلن ہے۔
طلبہ کو ہدایت کی جاتی ہے کہ مذکورہ عنوان پراپنی نظمیں جمع کرادیں اور صرف منظور کی جانے والی نظمیں مقابلے میں پیش کی جائیں گی۔
اُردو مقابلہ بحث کا عنوان گئے دنوں میں بہت باکمال تھے ہم ہے ۔ مقابلے کی تاریخوں کااعلان بعد میں کیاجائے گا۔