ھفتہ, 15 مئی 2021


دھونی گرﺅنڈ میں نیند کے مزے لیتے رہے

 

ایمز ٹی وی (اسپورٹس) بھارت کیخلاف تیسرے ون ڈے میں سری لنکن شائقین کی ہنگامہ آرائی کے دوران دھونی گراﺅنڈ میں آرام کرتے رہے۔ گزشتہ روزتیسرے ون ڈے میں بھارت نے سری لنکا کو باآسانی 6 وکٹ سے شکست دیتے ہوئے سیریزمیں فیصلہ کن برتری حاصل کرلی ہے۔ 61 رنز پر4 وکٹیں گرنے کے بعد روہت شرما اورایم ایس دھونی نے شاندار شراکت قائم کرتے ہوئے ٹیم کوفتح کے قریب لے آئے، 44 اوورزکے اختتام پربھارت کو فتح کیلیے 6 اوورزمیں صرف 8 رنزدرکارتھے تاہم سری لنکن شائقین نے ٹیم کی واضح شکست سے دلبرداشتہ ہوکرگراﺅنڈ میں بوتلیں پھینکنا شروع کردیں، جس پر کھیل تقریباً 35 منٹ تک رکا رہا۔ اس دوران کھلاڑی گراﺅنڈ کے درمیان موجود رہے جب کہ دھونی گراﺅنڈ میں لیٹ کر نیند کے مزے لیتے رہے۔ کھیل دوبارہ شروع ہونے پر 45.1 اوورز میں بھارت نے میچ جیت لیا۔ روہت شرما اور ایم ایس دھونی نے 5 ویں وکٹ کی شراکت میں 157 رنز بنا کر ٹیم کو فتح سے ہمکنار کروایا۔ روہت شرما 145 گیندوں پر 16 چوکوں اور 2 چھکوں کی مدد سے 124 رنز پر ناقابل شکست رہے جبکہ دھونی نے 86 گیندوں پر 4 چوکوں اور ایک چھکے کی مدد سے 67 رنز ناٹ آ?ٹ کی اننگز کھیلی۔

 

پرنٹ یا ایمیل کریں

Leave a comment