منگل, 27 جولائی 2021


ملک کےمتعدداضلاع میں گرج چمک کےساتھ شدیدبارشوں کی پیشگوئی

اسلام آباد: گرمی اور لوڈشیڈنگ کےستائےعوام کےلئےمحکمہ موسمیات نےبارش کی نویدسنادی

محکمہ موسمیات کے مطابق آئندہ 2 روز میں ملک کے متعدد اضلاع میں گرج چمک کے ساتھ شدید بارشوں کی پیشگوئی ہےاور بارش کے باعث حالیہ گرمی کی لہر میں واضح کمی کا امکان ہے۔

محکمہ موسمیات کا کہنا ہے کہ بحیرہ عرب سے ملک کے شمال مشرقی علاقوں میںجمعے کے روز شام یا رات سے مرطوب ہوائیں داخل ہوں گی، اور اسی روز سے پیر کے دوران گلگت بلتستان، اٹک، کشمیر ، اسلام آباد، راولپنڈی، مری، حافظ آباد ، چکوال،جہلم، گجرات، منڈی بہاوٴالدین،گوجرانوالہ، نارووال، سیالکوٹ، لاہور اور قصور میں آندھی اور گرج چمک کے ساتھ بارش کا امکان ہے

جب کہ ہفتے اور اتوار کے روز آندھی اور تیز بارش کے باعث سیالکوٹ، لاہور، گوجرانوالہ، جہلم اور راولپنڈی میں نشیبی علاقے زیر آب آنے کا خدشہ بھی ہے۔

محکمہ موسمیات نے بتایا کہ جمعے اور ہفتے کے درمیان مانسہرہ، ایبٹ آباد، ہری پور، نوشہرہ، پشاور، کوہاٹ، بنوں، ڈیرہ اسماعیل خان، مردان، بونیر، دیر، شانگلہ اور کوہستان میں اندھی اور گرج چمک کے ساتھ بارش کا امکان ہے، اس دوران بعض مقامات پر موسلادھار بارش کی پیشگوئی ہے۔

جب کہ ہفتے کی شام یا رات سے اتوار کے دوران سرگودھا، بھکر، لیہ، خوشاب، میانوالی، فیصل آباد، جھنگ، ملتان، ساہیوال، ڈیرہ غازی خان، بہاولپور، بہاولنگر، ٹوبہ ٹیک سنگھ، بارکھان، موسی خیل اور ژوب میں آندھی اور گرج چمک کے ساتھ بارش کا امکان ہے۔

پرنٹ یا ایمیل کریں

Leave a comment