ایمز ٹی وی(کھیل) آسٹریلیا میں پناہ کے بعد شہریت لینے والے فواد نے آسٹریلوی بیٹسمینوں کے سامنے اپنے رشتہ دار کی بولنگ کا راز بھی کھول دیا، انھوں نے الیکس ڈولان کو بتادیا کہ یاسر سے ڈرنے کی ضرورت نہیں ہے۔ تفصیلات کے مطابق فواد احمد اور یاسر شاہ کا تعلق خیبرپختونخوا کے علاقے صوابی سے ہے،اب یہ انکشاف ہوا کہ دونوں میں دور کی رشتہ داری بھی ہے۔ فواد احمد نے ملک میں جان خطرے میں ظاہر کرکے آسٹریلیا میں پناہ لی، کرکٹ آسٹریلیا نے انھیں شین وارن کا ممکنہ جانشین سمجھ کر جلد شہریت بھی دلادی لیکن وہ موقع ملنے کے بعد اپنی صلاحیتوں کا واضح اظہار کرنے میں کامیاب نہیں ہوسکے،اب وکٹوریہ کی جانب سے ڈومیسٹک کرکٹ کھیلنے تک محدود ہیں۔