ایمز ٹی وی (اسپورٹس) لیونل میسی پر چار بین الاقوامی میچوں کی پابندی ارجنٹینا کی ٹیم کو مہنگی پڑگئی،اہم میچ میں اسے شکست کا سامنا کرنا پڑگیا۔
فٹبال ورلڈ کپ کے کوالیفائنگ میچ ارجنٹینا کی ٹیم میسی کے بغیر میدان میں اتری تو بولیویا نے اسے 2-0سے مات دیدی۔
فٹبال ورلڈ کپ کے کوالیفائنگ راؤنڈ میں ارجنٹینا اور چلی کے درمیان میچ کے دوران میسی کو اسسٹنٹ ریفری پر غصہ آ گیا تھا۔
یہ غصہ میسی کو بہت بھاری پڑا کہ ان پر چار بین الاقوامی میچوں کی پابندی اورساڑھے دس لاکھ روپے جرمانہ بھی عائد کیا گیا ۔