جمعرات, 11 اگست 2022


آغاخان یونیورسٹی میں زیرتعلیم ایم بی بی ایس تھرڈسمسٹرکاطالبعلم خوفناک حادثےکاشکار

کراچی: آغاخان یونیورسٹی میں زیر تعلیم ایم بی بی ایس تھرڈ سمسٹر کاطالبعلم خوفناک حادثےمیں جان کی بازی ہارگیا۔

پشاور سے تعلق رکھنے والا 21 سالہ عبداللہ خٹک کا گزشتہ روزکراچی میں خوفناک حادثے کا شکار ہوگئےجس کے نتیجے میں وہ موقع پر ہی جاں بحق ہوگئے ۔

عبداللّہ خٹک کے انتقال کی تصدیق اُن کی بہن اور دوستوں کی جانب سے سوشل میڈیا پر کی گئی۔یوٹیوبر کی بہن آمنہ خٹک نے اپنی انسٹاگرام اسٹوری میں بتایا کہ ’اُن کے چھوٹے بھائی عبداللّہ خٹک گزشتہ شب کراچی میں ایک روڈ حادثے میں جاں بحق ہوگئے‘۔اُنہوں نے دُعاؤں کی اپیل کرتے ہوئے بتایا کہ ’اُن کے بھائی کی نمازِ جنازہ آج اُن کے آبائی گھر میں ادا کی جائے گی‘۔

دوسری جانب ٹوئٹر پر ’عبداللّہ خٹک‘ کا نام ٹاپ ٹرینڈ کررہا ہے، سوشل میڈیا پر اُن کے مداحوں کی بڑی تعداد شدید دُکھ کا اظہار کر رہی ہے۔

آغاخان یونیورسٹی کی انتظامیہ نے تعذیت کااظہارکرتے ہوئے کہا کہ ہمیں اپنے پیارے طالب علم اور دوست عبداللہ خٹک (MBBS 24) کے المناک نقصان پر گہرا دکھ ہوا ہے، جو آج صبح ایک موٹر سائیکل حادثے میں جاں بحق ہو گئے۔ ہماری دلی تعزیت اور دعائیں ان کے اہل خانہ اور دوستوں کے ساتھ ہیں۔

پرنٹ یا ایمیل کریں

Leave a comment