اتوار, 17 اکتوبر 2021


تمام افسران کوتحائف وصول کرنےپرپابندی عائد

کراچی: محکمہ تعلیم سندھ کے افسران پر اجرک و ٹوپیاں یاکسی قسم کے تحائف لینے پر پابندی عائد کردی گئی۔

محکمہ تعلیم سندھ کے حکم نامے کے مطابق سیکرٹری اسکولز ایجوکیشن غلام اکبر لغاری نے تمام افسران کو تحائف وصول کرنے سے منع کردیا ہے۔

حکم نامے میں کہا گیا ہے کہ افسران اپنے ساتھیوں یا وزیٹرز سے اجرک، ٹوپیاں اورکسی قسم کے تحائف وصول نہ کریں۔

حکم نامے کے مطابق احکامات کی خلاف ورزی پر ادارہ جاتی کارروائی کی جائے گی۔

واضح رہے گزشتہ روز وزیر تعلیم سندھ سید سردار علی شاہ نے ایک تقریب سے خطاب کرتے ہوئے تحائف لینے پر تنقید کی تھی۔

پرنٹ یا ایمیل کریں

Leave a comment