کراچی: ملک بھر میں کورونا ایس او پیز کے تحت تمام تعلیمی ادارے آج سے شروع ہوگیا ہے۔

ذرائع کے مطابق آج سےملک بھر کے تمام سرکاری، نیم سرکاری اور نجی اسکولوں میں پہلی تا آٹھویں جماعت اورجامعات میں تدریسی عمل بحال ہوگیا ہے۔

اسکولوں ، کالجز اور یونیورسٹیوں کے دروازےحکومتی احکامات کی روشنی میں پر طلبہ کا کا تھرمل گن سے درجہ حرارت چیک کیا جارہا ہے، طلبا، اساتذہ اور دیگر عملے کے لئے تدریسی عمل کے دوران ماسک پہننا لازمی ہے جب کہ تدریسی عمل کے دوران انہیں ہاتھ سینیٹائز کرانے کی ہدایت کی گئی ہے۔

یاد رہے 18 جنوری سے نویں سے بارہویں تک تعلیمی سرگرمیاں شروع کی گئی تھیں ۔

واضح رہے کہ کورونا وبا کے باعث گزشتہ برس فروری سے ہی تعلیمی ادارے کبھی بند اور کبھی جزوی طور پر کھلے ہیں، گزشتہ برس سالانہ امتحانات بھی نہیں لئے گئے تاہم رواں برس ناصرف تعلیمی سال کے دورانیے کو بڑھا دیا گیا ہے بلکہ ہر صورت امتحانات لینے کا بھی فیصلہ کیا گیا ہے۔